MSN比Skype收購左，已經收左一半皮，
佢最蠢係set到舊有o既官方程式連唔上，
好多人已經懶得安裝呢樣果樣唔開啦，
如果舊有程式仲連到好多人都唔介意繼續開，
起碼個list多D人充撐場面，你都有開o既動力，
衣家開番MSN只係見到小貓三四隻on緊...
whatapps又收錢趕客，ICQ又無法東山再起...
衣家又少左個同人聯繫o既媒介，慘。

又填爆7月啦，好充實(充實個屁？ XD
其實要寫日日都一定有野寫，
仲要唔止一單半單，有好多野可以寫，
只係盡量都想將最有價值o既野寫低，
又唔想寫完之後又突然有野寫，
所以通常過左幾日先會補番前幾日，
不過有d時候都記唔清楚件事係咪果日，
所以寫大約日子，幾年後睇番o既話，
7月20食放題或7月23食放題有分別咩？

響呢間公司剩番一個最frd o既同事都比人炒啦，
雖然預左會咁，不過都有種莫明o既離心感。
雙週刊變月刊，自然少左好多野做，
除非開多本雜誌或者出多D小說姐，
公司好現實，過完書展即炒，過完橋即抽版。
連令一個女編輯聽聞都要bye bye，
不過第日本雜誌埋版我咪好大獲？
有果位同事幫手我都要通宵，
無o既話點可能出得切？話就話月刊，
但期期都係最尾果幾日先有得砌，
全個月頭三個禮拜都無稿...

提外話：唔通烏鴉咀真係開口中？
早幾日祖師誕拜神見到Hidy，
佢問左句「How are you?」
我一時時口快回左句「I am fire」
之後心諗「呢句咪即係比人炒？啋啋啋！」
點知今日有人比人炒，唔通佢同我擋左劫？
上次又係呢D拜神儀式後衰多口講句，
或者做唔夠三日就比人炒呢當時真係靈左，
做麥苗出版真係唔夠三日就比人炒左...
以後真係要更加慎言！
 

上星期四五要埋雜誌，星期六都砌雜誌D稿，
(就算唔砌星期六都最多人啦，水楔不通米搞)
星期日兩點半番到公司做到十一點，
星期一都仲要跟進本雜誌等印廠等到十點，
星期二終於清晒D野可以早放工啦，
不過動漫節last day都收七點，game over。
其實最想睇o既並唔係D咩ACG野，
而係想睇我地公司個攤位搞乜，
明明唔係做動漫野但又擺個攤位響果度，
應該幾大遺和感~ XD

查實我唔肥，不過有輕微o既肚腩，
如果連果小小肚腩都搣甩埋就線條美觀D，
上年夏天都有keep住跑步，不過呢幾個月無，
而且晚晚零晨四點都丁個星米或炒飯食，
唔食唔安樂果隻，不過最近無厘啦更戒左啦，
連星期五通宵都只係食左個榛子脆皮酥，
無錄到杯麵食，好，要keep住唔食！
最多口痕咬幾塊薯片或炸麵止癮，
唔好比自己丁盒飯或錄杯麵！