每年書展就係做出版社o既惡夢，
呢兩個禮拜幾乎連續晚晚OT，
上星期主要趕本泰國佛牌書，
256頁400幾張相，認真大工程，
上星期五通宵趕起泰國佛牌書，
搞到有人黎整寬頻都掰唔大隻眼，
星期一要改泰國書藍紙，
零晨12點作者仲email黎話有野改。
星期二搞手電蟲書，
星期三做到零晨兩點起貨，
又蝕百零蚊的士錢，
星期四晚改晒手電蟲藍紙，
到星期五先暫時告一段落。
呢間負責手電蟲o既印廠真係好被動，
我唔打去追問一下佢都唔去印，
如果我禮拜一先打去佢咪禮拜一先印？
到時書展前印唔切邊個孭獲呀？
我就一早砌好晒改好晒啦。

早幾日先搵人整完黎，今日又斷啦！
仲要一晚斷左3獲，想點呀？
呢隻斷同之前果種有D分別，
之前係連住線無晒數據要自己cut線再上過，
唔知仲以為果個網頁load唔到，
再上多幾個網頁先知係自己網絡有事。
呢隻係直接cut線，仲彈埋box出黎話你知，
唔洗咁煩去第D網試下...(頂咪又係斷！
我係咪又要再搵人整多次呀？
又話換過個come用o既型號。
 

唔做兩個禮拜生意重新開張啦，
格局上無乜分別，整左等如無整，
最覺係換左D誇張o既木紋檯，
感覺上仲污糟D，純色檯咪幾乾淨，
仲有加裝左電子number顯示牌，
咁就唔洗係咁叫號碼，如果去左廁所，
錯過左佢叫號碼都唔知自己碟野出左未。
呢個系統樓上間美心一早就有啦，
不過裝個顯示屏洗唔洗兩個禮拜呀？
唔覺有新淨左，之前亦唔係殘舊丫，
總之就係多餘，D大財團就係咁用錢法？
以其浪費金錢去裝個無分別o既修，
不如D野食平D好過啦。

之前響759有賣另一隻品牌榛子脆皮酥，
好好味，不過壇花一現，之後無賣啦，
同牌子o既另外幾隻果醬脆皮酥都仲有，
係最好味o既榛子偏偏無賣。
近日發現萬寧有賣維鮮牌榛子脆皮酥，
賣14個幾，入面每舊酥都獨立包裝，
拆左包裝都唔洗怕惹蟻盡快清晒佢，
味度上差唔多，缺點係太大唔方便入口，
而且頭尾兩端唔知係咪因為佢層皮厚，
無辦法容納榛子？或者係偷工減料？
進食時唔搵野兜住實好多碎片跌落地。

聲稱1年唔洗換電o既Logitech無線mouse，
唔知係咪呢種獨特o既技術問題，
經常用用下又無反應，又唔係無電喎，
重開個on/off先用得番，唔知係咪見閒置，
就自動熄左黎慳電呢？咁都要識開番先得假，
anyway呢個產品都係失敗o既！
我就即管睇下呢粒電可以崖到幾耐。