今朝通完宵都未有得訓網絡商d人就上黎，
鬼咩，早幾日book時間無諗過今朝要通宵架嘛，
換左個路由器，佢就話呢隻NEC款come用d，
我就放長雙眼睇下你有幾come用~
不過個職員走左即刻斷左次線，
唔知係唔係旭親d電製接觸不良呢？
不過跟住restart過上番都無再斷過。

o岩o岩砌起左本256頁o既專書，
衣家轉緊pdf掟比印廠，
望住個「正在收集文件資訊」介面，
等左幾個字都收集唔到三份一，
有無咁耐呀？！頂，朝早九點啦！
趕住收工架！！！

男性呢種生物好似反射神經咁，
自動應徵做女神o既觀音兵，
以為比D甜頭就有機會得到佢方心？
但唔好忘記唔係剩係你一個做呢種行為！
當個女仔自細到大都有大把人咁對佢好，
你o既小恩小德算得係D乜？
佢只會覺得無乜特別，一D都唔希罕。
除非你好有錢，送層樓送架車比佢。
又或者你好靚仔個女仔對你觸電，
(靚仔就唔會做呢種行為啦)
唔係o既話點對佢獻恩勤都係多餘。
而女仔？佢地就響充滿恩惠環境之下成長，
佢地幾時都覺得唔急，等待白馬王子出現，
佢地好明白，鐘意果D唔會溝佢或比佢溝到，
唔鐘意果D點溝佢都唔會要，
亦唔會因為咁而降低擇偶條件但求就手，
因為佢地無時無刻都有男人向佢施恩，
有男人明示或暗示想同佢發展，
佢地唔係唔知，而係扮唔知唔會show你，
你唔敢行多一步佢又唔洗拒絕你，
幾輕鬆，乜都唔洗做就有唔少著數，
正因為咁，佢地可以放長線慢慢釣大魚，
一直等到三四十歲條件比較差為止...
呢個世界就係咁，女生就係有呢份優勢。

早排都響qooza話左唔洗幾耐就壞架啦，
然後久且偷生左兩個月，都唔穩定架啦，
不過有時連續幾日都無斷過線，
卒之呢兩三日就上網唔夠五分鐘就斷！
唔知又係咪關停電事呢？
早幾日上住網突然停電，
唔通因為咁樣chok一chok即刻重傷？

響觀廣間萬寧買左兩盒樂天朱古力杏仁百力枝，
同埋一盒固力果百力枝，點知開黎食全部骨折！
從個盒表面係睇唔出有任何傷痕，
大佬，你萬寧d職員練左九陰真經呀？
整到裡面d百力枝斷晒，食得好唔愉快囉！
斷左拎唔到餅乾個位搞到要拎朱古力位，
整到手指hi左朱古力唔乾淨又要去洗，
仲有淨番餅乾位無朱古力唔好味囉，
果d位點呀？唔通唔要咩？
所以下次買果陣盡量拎中間果幾盒，
應該無咁易受功力影響掛？