除左Qooza之外仲有個Yahoo! Blog，
早期有兩邊都貼同一篇文，
諗住做後備blog，點知咁快宣佈要摺...
好在放置play左。如果blog都息微，
網民就更少展現自己o既網絡渠道。
以前o既homepage(個人網頁)
就係比blog取代，變相個人網頁無晒特色，
今時今日blog應該會比facebook之類淘汰，
我仍然覺得個人網頁最具自己風格，
衣家個個都只係一色一樣o既facebook acc。
Yahoo!、Microsoft呢D作為網絡界o既大佬，
應該好好維護網絡文化，唔係帶頭摺！
先前Yahoo!摺相簿，Microsoft又摺MSN，
衣家又摺埋Blog，經營個伺服器真係咁貴？
賺咁多錢要營運多樣野唔係好難掛？
再者中間夾D廣告，就算蝕都蝕唔得幾多啦！

共事了1年零8個月，
其實他未入職前早已從朋友口中聽過他的大名和事績，
例如：一邊吃著泡麵一邊問上司有沒有工作 XD
每天帶畫簿上班、有畫同人等等，
當時已覺得這人滿有趣真想認識，
沒想到真的有機會碰上(世界真細小)，還當了同事，超高興，
可以找到一個同樣熱愛ACG、V家、畫功了得的同事，
雖然大家坐好近，可惜沒怎樣聊過天，
就算是聊也是一句起兩句止。
他說話也太細聲了，
而且他說話總是向前面(我就坐在他後面)
所以大部份也聽不清楚他說什麼，只好之吾以對地回應。
二來就是上司坐附近，也不太好聊天。
三來是有時跟他說話會有不耐煩的回應，
例如：「得啦~得啦~」令我打消了繼續聊下去的念頭，
好像我在防礙他什麼的？久而久之也少說話了。

很想找一個站在同一陣線的同事每天說說公司的是非，
也只好外出用餐才方便聊一點吧，不過這600天裡只吃過3次飯...
很多次找他去吃飯也被拒絕了，包括他last day那天...

還有好多東西想跟他聊，得多畫技想交流，不過難有機會了。
下班時抱著依依不捨的心情說聲再見~
或許還有再當同事的一天？(他要移居到澳門了)

對於有玩開online game o既玩家黎講，
呢個消息有一定o既震撼力，
我雖然無玩過龍之谷，但都知呢隻算出名，
亦識得有朋友之前有玩(唔知仲有無玩落去)
聽聞遊＿橘子早幾日先結束營運，
而今日新＿線就宣佈代理龍之谷，
最大問題係資料唔會繼承，
變相係突然洗白然後隔日重開，
所有玩家經營多時o既努力泡湯。
我即時有呢幾個睇法：
第一，人地都做唔住仲接手？
第二，仲邊有人夠膽玩落呀？
唔驚玩兩個月又摺呀？
要接手就接埋記錄，咁先比到玩家信心，
一隻網遊對玩家而言最重要就係心血，
每個辛苦練上去o既角色、道具、裝備，
都係玩家o既財產，以前都有新聞比人盜神器，
走去跳樓，連game都摺埋咪世界末日？
所以咁接手法，舊玩家因為砍掉重練唔想再玩，
新玩家又前車可鑑都怕怕啦，
隻game係掂o既又洗乜摺呢？
呢d因數都對隻game o既前境大打折扣。
我係代理就唔接呢個爛攤子啦，
就算要代理都等兩三年後過左啖氣先代啦。
衣家d正服可能唔穩陣過私服，
某部屋私服營運得比唔少正服長時間好多。

明明響公司落街行一個街口過一條馬路，
就到東廣場o既吉野家，
但今日要遠赴apm仲要行到5/F，
都怪東廣場間垃圾吉野家無黃金大蝦，
要到apm先可以一嘗呢個期間限定o既飯。
(以為apm呢間大間D不過同樣無八達通)
個飯有得揀兩隻蝦定3隻、落唔落溫泉玉子，
咁難得食一次幾大都三隻啦！
之於個玉子就唔多討好啦...
整體黎講好好味，始終好少可有呢D大蝦送飯，
只係呢間D廚師整得好似唔夠新鮮定點？
舊天婦羅唔係金黃色，D日式咖喱汁麻麻地。
 

見我媽買左蒸溜水(3~4蚊果隻size)咁大o既家樂牌鮮路，
心諗真係用幾年都用唔晒，我食野又比較少點鼓油，
對上果枝細細枝美極都擺左唔知幾年，樽蓋都黑晒...
係，d鼓油好come擺，不過開左擺幾年都唔係路架。
咁大枝當湯飲咩？緊係師奶心態好似買大枝d抵d喎，
其實食物o既野保持新鮮比較好，買細枝用完再買，
可確保鼓油o既新鮮度。