手提電話最大作用就緊係響街傾電話架啦，
不過發現今時今日d手提電話都無乜力，
答地鐵(唔係新地電)完全聽唔到對方講乜，
行街人聲車聲更加唔洗講，得番響室內講，
咁不如用番室內無線電話？！
依希記得我讀書時期d 6150、startac手機，
係可以答地鐵傾到電話架！
點解呢幾年o既N78、iphone反而退化左？
開頭我仲以為係我買親d電話都細聲，
又或者以為係自己聽力退化？
之後問番朋友原來佢地都係咁...

終於打電話去3客服cut晒d增值服務，
不過今個月帳單仲要硬食兩個cut唔到，
要等下個月先完全cut晒。

print唔到野去睇下個printer咩事，
原來係食紙果條橋位無A3紙得番A4，
我當時係想print A3，咁放張A3紙落去，
個printer真係detect到係A3，
奇就奇在佢只係感應紙o既一端，
憑咩去判定佢係A3呢？
A3 o既闊度同A4長度係一樣，
唔比我只係將張A4紙打橫放？
吸紙果個橋位仲要係短過張A3紙，
究竟佢用咩方法知道張紙係A3咁好野？
 

講起腦補，又講下識得o既腐女腦補o既題材，
呢樣野唔係天馬行空，而係介乎響現實與夢幻之間，
其中一位朋友心目中o既對像就係娘攻+腹黑受，
呢樣係存在住矛盾o既屬性，腹黑o既人又點可能受？
響現實係搵唔到呢種屬性，所以先要幻想。
然後再構思呢兩個角色之間o既劇情，
當然有D腐女一黎就諗兩個人搞野，咁其實好膚淺，
好快腦補完，要構思佢地之間o既背景、事情、對話，
對話就係呢個腦補其中一個重要環節，
點樣可以講出有feel o既對白去凝造氣氛？
我唔係腐女我唔知佢地點諗，
響度分享下自己o既腦補題材比大家參考，
背景同身份可以係一D史詩式o既原素，
例如：戰爭、革命、帝國、軍臣、主僕關係等，
中世風o既建築物、哥德式o既騎士，波蘭壯闊o既場面，
仲有共同o既目標、共同o既敵人、同生共死o既Flag等，
然後只要o禁一下腦內o既play掣，
一幕可歌可泣o既浪漫題材就此誕生~
當然仲可以播放D o岩feel o既BGM去升華呢個場面，
例如Sound Horizon o既緋色之戰場之類，
梶浦由記系列o既歌都係唔錯o既選擇。

應該好多人唔明白點解D腐女現實有拖唔拍，
走去沉醉於二次元o既溫柔鄉？
D肥宅個樣嚇親人就話溝唔到女姐，
但腐女都好多人追架，只係佢地唔要。
當然主要原因就係現實o既世界唔完美，
響現實搵唔到佢地想要追求o既野，
不過唔係人人都可以投入到自己o既幻想空間，
就好多人答車訓教都係諗生活諗賺錢，
無辦法幻想，久而久之就好現實，
就算比佢睇D華麗o既美男子都無感覺。
我想講，呢種幻想有時係提升心理質素o既靈湯，
定時定候比自己脫離一下現實，
諗自己覺得最理想o既野，心境都會開朗好多，
不過大前題係能唔能夠投入腦補o既狀態。