枝牙刷唔知用左幾耐，都無計過...
今朝開左枝新牙刷，特地出個帖記低。
枝牙刷背有粒粒軟膠，
睇個包裝好似話刷牙時順便刷埋條利掛？
不過有牙膏泡沫濃罩住，舊膠唔覺有用，
完全遮閉左軟膠果種黏啜o既特質。

今日仲換埋枝新洗頭水，特此一記，
順便睇下枝洗頭水可以用幾耐。
 

好多動漫迷都寧願睇字幕都堅持聽日文原聲配音，
唔想聽中文配音，明明中文可以更明白個故事。
可能中文配音員(包括本土或國內)o既功力未到家，
配出黎都硬係爭緊D野，尤其日文中文拍埋一齊睇。
其實會唔會係日文呢種語言本身有股獨特o既韻味？
最近facebook遊戲unlight要實裝語音，
上youtube想試聽下配音配成點，不過目前未有太多，
反而誤打誤撞搵到呢個非官方o既業餘配音：
https://www.youtube.com/watch?v=13f8y0FenZQ
佢應該係台灣人，將角色對白日文同中文都講一次，
佢扮日文配音好專業，真係同日本D動畫CV差唔多，
不過用番中文(普通話)配果陣硬係無咁好feel，
咦？明明同一人同一把聲同一語氣只係唔同語言，
點解出黎o既感覺唔同？呢個情況之前都有試過，
我自己唱日文歌都覺得好聽過唱中文歌好多，
仲以為只係自我感覺良好o既錯覺，
衣家開始覺得係日文呢種語言本身o既氣質。
就正如睇D電視劇講台山話、聽泰文歌等，
就算佢講得幾認真唱得幾用心都會覺得好搞笑，
呢D應該係果種語言本身o既屬性磁場。
個人覺得其實廣東話、國語、英文、韓文都算好聽，
起碼要表達喜劇有喜感要表達悲劇唔會變笑片，
不過唔排除響外國人眼中廣東話o既腔調都係滑稽，
可能只係睇TVB報新聞都可以睇到笑？

係，DM XG都出到第3代，我衣家先初試，
主要係價錢好貴，就算今時今日都要8蚊局，
DM V7只係3蚊，同樣價錢差唔多可以玩3局。
之前個價仲嚇人，好似要入3個五蚊(15局...)
二黎XG多左4個製(兩塊鼓版同兩個踩掣)
都驚第一round就過唔到8蚊玩得十秒...
試問門檻高左咁多，唔趕客就奇囉。
三黎之前都響blog講過o既鼓棍問題，
好憎要專登放低廿蚊案金去借鼓棍，
本來行過手痕會玩兩舖DM都打消晒念頭。
不過作為玩左咁耐DM系列，點都要試下，
第一首就揀化物語ED，都唔難丫過到關，
不過真係亂晒，經常都無打最左邊果塊鼓版。
一玩就玩左50蚊，好多avd難度都過唔到，
估唔到DM果首DIAMOND揀extream居然過到，
譜面同DM版差無幾，過到DM自然過到XG。
第一次玩總算有d extream歌過到 XD

第二次啦，隻game出左半個月，
番工答地鐵又見坐隔離果個打緊MH4，
當然呢個勢完全唔能夠同Candy Crush比，
手機人人有，但要專登帶部3DS出街，
個袋多部咁大部野麻煩程度大好多，
所以可以見到答車有人玩係唔簡單。
我答車就唔會MH4，目前o既車程黎講，
開任之後執好d回復藥、大回、冷熱飲、
閃光彈、陷阱食埋個料理就落車...

講下自己MH4進度，一直都停留響HR2，
除左出果陣通宵打過之後就無更進啦 -_-
由於以前玩開個鐵腳佢有佢o既新伙伴，
忽略我呢個無乜實力痴飲痴食o既舊伙伴啦 XD
鬼咩，呢代唔少人為Game而出機，
(連我公司個art總管都剩係出機玩MH4)
自己一個打要多倍時間懶得打。
又講真，今集我o既狩人魂無以前咁旺盛~
有得打咪打，無就算。

為左跳舞，你可以去到幾盡？
最近出現兩套以跳舞做主題o既電影，
一個狂舞派一個鼓舞激情，所以講下呢個話題。

雖然自己唔識跳舞，不過有留意呢個範疇，
亦認識一d熱心響呢個界別發展o既朋友。
幾年前無意中響youtube睇到一段Luka Light Fever片，
係一個帶住口罩o既少女響(應該係)佢自己屋企跳舞，
一段好業餘應該就咁對住webcam自拍o既片，
但動作標準、紥實、凌厲，視線完全比佢o既舞步吸引，
佢就係人稱口罩姬o既愛川kozue，
然而無幾耐佢都以盧山真面示人，其實個樣唔差丫。
lolita服同佢身型異常匹配，加上走可愛風o既舞姿，
簡直就係將萌o既境界推上另一層次，
佢真係好識將佢o既特質同才華發揮到極致。
(ps:其實就算佢跳d 咖哩動作o既舞都係怪)

都有間中睇開唔同o既業餘跳舞片，
相比起愛川好多舞者跳得甚鬆軟無力，
就算動作附合標準都硬係爭緊d勁。
不過近年愛川應該都升華至官方御用舞者，
連sega隻跳舞機maimai d MV都有佢o既蹤影~

題外話：講開口罩姬，又諗起另一位帶口罩、
略有名氣o既網絡紅人叫面紙姬，
特徵係一身長門有希cosplay打扮加低音結他，
附近總有一盒紙巾，出名o既原因應該係結他o既功力，
同埋...佢係男人(偽娘)，佢一開聲就幻想就會破滅 XD
的確咁有台型結他功力o既女生相對比較少，
所以如果面紙姬真係女o既話相信人氣應該更盛。
動漫場合亦見有人cosplay面紙姬(唔係長門有希)
因為佢係帶口罩同埋渣住盒紙巾，
網絡人物都有人cos可見口罩姬人氣並唔野小。