開左個新環節都無乜寫過，
原來一週間要搵D夠爆o既題材寫並唔容易！
group埋一堆，黎料啦！
1.14巴港女，係你啦！當街當巷衾男友14巴，
講堅，條仔亦唔正常，就算好男不與女鬥，
唔代表要比人打，比人摑一野都即閃啦。
youtube回應又另有內情，話條仔係終極賤男，
之前搞過唔少女，所以條女先咁慶。
不過14巴都同條仔拖番手仔一齊避記者，
仲話自己係名星添，其實情趣黎o既，
一個願打一個抖M，幾登對丫。
2.HKTV不獲發牌，王wiki輸左個台贏盡民心，
投資9億用電影級器材拍出外國質數電視劇，
有自稱被裁o既基層員工話HKTV係良心企業，
人工高、工時短、飯堂又為員工3餐健康著想...
不過呢件事又再次證明呢個世界有實力都無用。
最近每晚都有一堆人響政總集會聲援，
又有talk show又有舞台劇睇，網上有直播。
3.蘋果公布ipad air，有d驚喜掛？
據聞教主走左之後蘋果一直走下波，
衣家係三星o既天下，iphone唔夠佢鬥。
咁又係o既，iphone5除左長左之外無乜突破，
iphone5s當然都只係硬件update屬例行公事，
今次o既ipad air就咁睇官網相片完全唔覺薄左，
只係mon果四條邊框幼左，真係配air呢個稱號？
4.半澤直樹收視贏love gen，
一套hit爆o既日劇，賣點係點樣鬧上司，
將普羅大眾心裡面想做o既野做晒出黎，
然後上司仲要跪響地下向佢道歉...
(其實我未睇，只係睇D影評節目講)
5.爽報都收皮...
唉~出版業前境真係越黎越唔明朗，
咁大間公司都唔夠做。
6.哇哈哈奶爆炸？！
人地話大陸出D乜野都會爆炸，咁都比佢講中，
連奶都可以爆炸真係仲有乜野可以唔爆炸？
點做到架？真係超越人類科技，降頭黎架？
遲D連人民幣都會爆炸都唔出奇。
哇哈哈員工仲話送番十箱奶比受害者以致歉...
仲十箱？想炸左人地條村咩？
7.肯陪自己挨麥記o既女娶得過，
youtube出左呢條片，只係一日就過一萬讚，
如果呢個係M記o既廣告，絕對係空前成功！
亦有少量人dislike，懷疑dislike果d係女性。 |
