公司抽獎中左呢個藍牙喇叭，
據聞係過千蚊o既貴野，
問番影音雜誌o既同事話大陸牌子，
但實際性能唔值果個價位。
首先用iphone開藍牙播mp3，
先黎播96貓o既下弦之月，
出黎o既效果尚算OK，
未感受到特別靚聲，
然後播最大容量o既wav檔，
係一首懷疑係少女時代o既韓文歌，
唔知歌名用itune轉檔叫軌道1...
據說wav係CD直出還原度最高，
之前用ultrasone耳機聽呢首，
亦有絕佳表現，清析透徹，
不過用LZE SR600播都係普通，
再試青山黛瑪o既留在我身邊，
用ultrasone聽呢首好有立體感，
會feel到d rap聲圍住自己走黎走去，
不過呢個喇叭都做唔到呢種效果，
又係o既得果一舊野點立體呀？
試較細聲居然有d沙沙地，
仲諗住第時擺床頭開微音量，
用佢播柔和音樂入睡，
似乎未如理想，but整體叫合格啦。
anyway，如果唔係抽獎抽到，
我諗唔會接觸呢舊野或同類產品，
不過用過之後又覺得幾有用o既。
 

明明上年週年飯局係9月頭，心諗今年應該無飯局，
前年都無啦，應該唔係年年搞？點知10月尾都係要搞，
由於上年o既不愉快陰影，都唔多想出席，
仲諗最好撞正埋版或者通宵埋完版唔番避過，
不過今年唔係酒樓搞，響pentry到會情況好好多，
跟住抽獎環節，今次set到係全體員工人人有獎，
只係獎品當中有幾個係伏，例如D咩卡通斜孭袋，
最雷果份獎係印有公司Logo o既襟章...想點？
而呢個大地雷係上司抽到，其他大部份都係現金獎。
我就抽中個喇叭，仲諗住係腦場幾十蚊個果D小喇叭，
領獎果野先知原來都幾大下，睇落應該值錢，
據佢地話個喇叭係靚野，市值超過1000蚊，
咁應該都算係現金獎以外第一二大o既獎啦喎？
我幾時咁有人品架？(受寵若驚
好彩今年無果D友情破壞o既懲罰遊戲，
整體而言都消除左唔少對週年飯局o既陰影。

連通兩晚宵，今日幾大都遲番啦！
6點番到公司，幫雜誌整web banner，
7點放工，只係番一粒鐘 XD
不過都補償唔番前日同尋日o既勞累。

尋日通宵砌晒D稿未校對未轉PDF，
今日七點(係夜晚)番到公司開始改稿轉PDF，
轉到1點先掉晒file比印廠，然後齋等，
去24麥一路食個餐一路同同事吹水，
跟住番番公司同事就訓教，我就hea住等，
大約4點印廠果邊先番藍紙，哈~
估唔到呢間印廠都係24小時standby抵讚。
跟住先第二校，只係改一頁無其他野改，
然後6點放工走人，又再次答的士番屋企。

又係通宵埋版啦，本書出左39期，
破天荒我一個人砌晒全本書，又開先例啦，
除左封面底廣告之外，80頁書我砌左77版...
哇下期真係要尋求支援，此風不可長！
如果art team其他人幫一幫手我唔洗咁狼貝。
朝早終於搵到的士答，係咁o岩附近有人落車，
上到車問個司機呢頭邊度有的士答，
佢話原來呢d時段的士係唔會洗入工廠區，
會無生意，要搵的士要上麗港城3期的士站。
由於平時深夜答的路面暢順，但朝早就塞車，
你知啦，就算個車碌無轉到個表都照跳架嘛，
當時袋住唔夠二百蚊，真係驚唔夠錢比，
但到屋企都係比$118，咦咁咪同平時差唔多？
估唔到無貴到喎，咁朝早真係答得過，
大前題係要山長水遠行過去的士站...