以下o既個案唔開名，約D老朋友出黎聚一聚，
佢最近同條女分左手，都一齊左差唔多十年，
但佢女友變得好勢利，又話唔肯住居屋，
要買私家樓，結婚又要響W酒店擺酒(過百萬)
又怨男友無用搵唔到錢(其實都正常收入架啦)
我夠想住貝沙灣、君臨天下啦，想就有架啦？
現實D啦，佢女友條件又唔係好，衰肥矮，
只係佢家姐搵到個千萬身家o既金龜婿*，
佢o既價值觀完全比姐夫果邊扭曲晒，
又咁講，家姐搵到姐唔代表佢自己可以搵到，
以佢o既條件，想搵個呢D男人？發夢啦。
不過呢位朋友又就真係幾無奈o既，
佢女友有咁o既姐夫，有比較之下好難唔扭曲，
不過人要認命，木門對木門竹門對竹門，
唔係o既話佢一世只係沉醉響妄想中。
計我話佢甩左呢個女友都唔係壞事，
同呢D只係講金唔講心o既女人一齊落去無意思，
打個比喻到佢病左呢個女人都未必肯照顧佢，
咁要黎做乜？不過放唔低都係十年o既情義結。

(*雖然佢姐夫好有錢，但孤寒到一個仙都唔比佢)
 

唔經唔覺部iphone4都用左兩年幾，
個面花晒側邊殘破不堪，
不過爛o既只係mon貼同bumber，
換過張mon貼都係$48，
再換埋條bumber$30，加埋只係78蚊，
部機即刻同新買番黎無乜分別！
呢個外表保養仲可以再戰多幾年，
不過部機存在暗病不得不5S出就要換，
(暗病：舊電唔come用同home製失靈)
計我話mon貼可以求其，bumber要買原廠，
因為D山寨bumber接觸不良，
之前用過個bumber大細聲經常同我o禁實，
呢次呢個就上面個lock掣經常無反應，
對上條bumber係原裝bumber，
完全無任何o禁掣問題，果然1分錢1分貨，
不過價錢差額實在太大(原廠要二百幾蚊)
駁一舖希望30蚊買到個無問題o既，
結果都仍然係有問題(算把啦30蚊仲想點？

有無發覺用win7開ie響呢度打日記，
會唔見左呢個斬斬下o既「|」遊標？
有時打錯字打多左字或打漏字，
想去番前幾隻字del再打過或補番字上去，
因為無左個遊標搞到del左第二d字，
好唔方便，打打下又出番個遊標，想點？
大家有無同樣問題？只有我有呢個問題？
轉用firefox就無呢個問題。

有時都開個txt檔打完再copy & paste，
不過貪方便都係直接響blog個介面打字。

King.com宣佈旗下遊戲Candy Crush每月均達90億遊戲次數，
更聲稱響香港玩Candy Crush o既活耀玩家已高達100萬，
相當於總人口o既七份之一，如此空前o既成果，
對於遊戲業界黎講呢個現象其實唔多健康，好話唔好聽，
呢D Game可能只係有少少programe底同美術底，
一丁友響屋企無無聊都可能整到出黎，
Tample Run已經係好例子，製作班底只係一對夫婦，
下載量己超過1億7千萬，低成本可以有咁高回報，
就算作品無人問津，佢都無乜蝕桌。
家用機一隻大作(如FF系列)往往花費經年耗資過百萬，
開發組唔知幾多百人去開發(睇爆機升字幕就知啦)
可能連1萬個活耀玩家都無，長此下去，
以後仲有邊間廠會開發一D波瀾壯闊o既史詩式鉅著？
相信console玩家都唔希望日後只剩番d Angry bird、
Candy Crush、Tample Run呢D game...

對上一次自修日文應該都差唔多5年前，
之後考慮到日文o既實用價值又停左。
最近見蔡記出街都拎住本日文輕小說，
叫佢讀兩句黎聽下，佢可以讀晒兩頁，
又激發番我學日文o既念頭。
搵番以前買o既日文教科書原來都買左唔少，
再上youtube搜下有無D日文教學片，
真係好多，仲有大家的日本語o既教學片，
會叫大家翻開課本第28頁第13課咁，
呢本我有買！事隔幾年估唔到有相應o既視像，
咁就跟住條片勉強，一睇就睇左幾個鐘，
齋睇課文好多野唔明白，睇埋片就明好多，
老師會解釋番點解呢個字要咁用。
查實有基礎日文底，唔洗課本齋睇片都學到，
今時今日要無料自學真係方便好多，
不論結他、文法，youtube都有大量教材，
有心學洗乜交學費上堂學？仲局限D時間，
自己上網學想零晨3點學到聽朝都得夠彈性，
只係幣在有問題無得舉手發問囉。