仲諗住響屋企塑造個同公司有亙換性o既平台，
可惜公司d稿大部份主要字體PC都唔支援，
裝左百幾隻字體，開番公司D稿都係全部遺失，
就算砌好份稿番到公司要轉字體都係好煩，
一版半版都仲可以，轉一本百頁叢書就天光啦，
要好好運用字元樣式，唔可以以前咁自由式。

正所謂走後吐真言，夜晚同公司前高層食飯，
又揭露左好多不為人(我)知o既秘密。
公司衣家真係行緊度縮試底線制度，
老細：「試下6個人先，咦？6個得喎~試下5個...」
另外兩本雜誌都面臨開源節流o既局面，
攝影蟲書皇馬褂同事唔係自己辭職而係被炒，
話說前高層當日睇秘書打工作證明比要走o既同事，
老細同佢講「喂~寫多份丫，忍左佢好耐啦！」
咁即係要攝影果邊D員工硬食埋本蟲書啦~
影音果邊內慕其實係要的走R同事，
咁o岩J同事o既辭職，R同事得以保住職位。
出書多左人手反而少左，咁點保持到書o既質素？
本靈異雜誌已經係一個好例子，得兩個人做，
唔肯投放資源落去，結果內容當然無營養。
請攝影師請model又係監平監賤，
原來部份費用係員工自己um錢去補貼，
唉...咁落去呢間公司真係無乜前途。
然後又講起前高層掛住呢個牌頭出去應該好好搵啦，
其他同類公司人工都幾何級跳，魚過溏肥啦，
佢話公司只係低級員工o既人工起薪點低，
首領級o既人工唔係講笑，不過響呢度做到首領，
唔代表去到第二D公司都有首領做，所以無著數左。

響首發前(尋晚)以$489行貨入手，
番到去install後又更新PS3系統，
(更新後PS3可睇埋PSV o既獎盃)
結果都係訓醒正日先開始玩。
一開始男主要做考試果度，
突然有隻火狗(?)推倒個女職員，
跟住男主當然英雄救美打火狗啦，
輸左，男主個亞哥會出黎救佢，
我專登load番個save打贏隻火狗，
之後個女職員反過來脅持翻男主... @@
乜贏同輸可以有咁大出入o既，
睇黎呢隻Game有好多ENDING。
番工前打到chapter3，男主欠債2千萬，
我發覺呢隻Game係唔可以草錢，
一多少少錢就有煩膠出黎叫你還錢。

今個禮拜比較慳D，忍住手唔買野，
而且有幾日響屋企用膳又慳左筆，
如果每個禮拜都係咁，真係可以草唔少錢。
星期一：大快活鐵版魚柳=$47
星期二：重陽節假無出門=$0
星期三：朱古力慕絲糖=約$20、星米=約$20
星期四：G-zone=$15
星期五：KFC 2號餐=$34
星期六：繽紛樂X2=$15、GameWave=$13
星期日：無出門=$0
TOTAL：約$164

果部core i5終於安裝左ID同PS CS5，
應該可以將公司d job拎番屋企做，
禮拜六日仲有job未解決都唔洗番公司搞，
慳番d車錢飯錢不突止，慳埋d來回時間，
又唔怕做過尾班車要答的，自由好多~
黎緊要準備一個32Gb o既USB過file。