雖然未爆機，但都知道晒大部份捏他，
一向都覺BH系列當電影睇一流，睇好過玩。
呢篇係吐糟為主，不喜勿入(唔係已經入左咩)
畫面好細緻，同係香港背景比訓狗靚好多，
不過Chris篇Ada追車果幕就大跌watt！
有乜理由全條路都有防撞欄？賽車Game咩？
果度D景就真係將D招牌copy & paste啦。
另一個做得求其o既位就係Jake篇Ch3開頭，
個實驗室全白色，一塵不染，認真慳水慳力。
仲有唐樓果度，搵條封路帶就欄晒路，
平時鐵閘都一腳踢開反而一條絲帶行唔過...
去到遊樂場居然有得sir 滑梯，好膠，
同伴先比條蛇吞左仲有心情sir滑梯？無人性。
D怪識廣東話，但黎黎去去都「你走唔甩」，
好悶囉，應該要好似訓狗咁先係架嘛~ XD
仲有D人影經常運算錯誤，當驚嚇位？
全隻Game整體黎講都唔係太恐怖，
只係靠唔夠草藥同彈藥形造緊張氣氛？
射擊方面唔係玩慣FPS黎講好難瞄好無癮，
都係以前BH1 o禁實L掣自動瞄最好，
咁就可以專心享受解謎同埋驚嚇。
QTE位太多都係煩，打斷晒個節奏。

行過機鋪見到本來街霸4定鐵拳6 o既位置，
換左隻國產Game三國演武，
簡直就係噴飯，呢D Game邊有人玩架？
人設唔討好不突止，仲要九唔答八，
佢整到個張飛變左punk頭渣電結他o既rock友，
想點呀？張飛關搖滾咩事呀？可用角色唔多，
仲要無女角，連賣萌都唔識抵佢無人玩，
動作生硬就唔洗講啦，如果咁o既質素，
響virture fighter第1代果陣出仲有機會吸引人玩o既。
就算鐵拳6或街霸4無人玩，都唔洗換呢隻野架？
佢放番鐵拳6或街霸4，間唔中都有人手痕入下錢，
放呢隻就不如熄左部機慳番D電費好過啦。

早排響apm間password睇中左件黑色恤衫，
白色車線邊，襯果頂學生帽應該好fit，
下定決心買，點知中碼賣晒，得番件大碼陳列品，
仲有兩件現貨要留比客唔肯賣比我，唔洗咁搶手呀？
搞到要落訂，買件出街衫買到要訂都係第一次，
比左3百幾蚊全訂，話要10月中先番貨，
諗諗下呢d秋天衫頂多比我著到11月，
10月中先著到o既話真係著得幾次又到下年再著...

對CAMPER著左一排後踭位就裂開左，認真化學，
大牌野唔一定好，900蚊買對布鞋都咁唔come著，
見佢爛後面就著住先啦，前面都唔覺o既，
今日買左對可能每個年青人都有o既黑色con屎，
本來唔想著con屎就係唔想同人撞，
但無理由繼續著對爛鞋，一時間又無其他o岩心水款，
算啦2百幾蚊頂住先啦，遲d搵到好款再換。

仲諗住慢慢將新電腦取代舊電腦，
點知部野發神經幫我砍掉重練！
一開機無晒d檔案，變左類似出廠設定，
再開機都係咁，乜咁大整蠱呀？
而且作出任何修改再開機都打回原型，
即係我開個txt檔，再開機個txt檔無左。
咁唔穩定你叫我點樣用落去呀大佬？

PS:懷疑室內無線電話亦傲嬌了，
經常同蔡pen傾傾下電話會斷線，
佢堅持佢收爆係我個電話有事...
(部野用左唔夠半年架咁快壞？)

原定10月4號先推出o既Bio Hazard6今日偷跑，
代理真識做，趕得切響連假派行貨，普天同慶。
(日水正日先有，仲好似無得爆頭，行版win)
為爭取假期衝進度，即衝落灣仔188買啦，
點知答巴士大塞車，於是響清風街落，
從中央圖書館>維園>希慎道步行落灣仔...
快唔快過巴士唔知，不過肯定無咁悶。
途中SOGO果邊有人派中國國旗，
順便落銅金放個水，見入左好多奇怪音樂game，
有SEGA出o既拍舞機(?)好大部，應該唔平，
仲有KONAMI出o既彈波波節拍機，唔識玩。
佢又會咁捨得落本入呢d機o既？
到188見BH6唔難搵，而且偷跑都$398，抵！
響188仲撞到marc拖住條女，終於見到佢女友。
諗住即刻答巴士走人番去煲打喪屍，
見回程果條線唔多塞，點知呂少打黎佢響銅鑼灣，
咁當然要陪下朋友啦，咁就同佢到誠品潮下聖，
開左一段時間都係第一次去，不過太多人，
無乜格調，而且d書就咁比人任打書釘，
睇到爛晒啦仲買？(下面好多本都無袋包住)
呂少呢排好buy荒木經惟，聽講係專影黑白相。
跟住又過番188、298，298間黃牌店無左，
以後都唔知仲有邊度可以買到software......
然後又落大坑睇舞火龍，我無帶相機純粹陪睇，
今年舞火龍封晒路，唔似幾年前周圍走打遊擊，
即係企一個鐘為左影得果幾十秒，無隱。
然後落自家烏冬食咖喱吉烈豬扒拉麵，好食！
食完d咖喱好口乾，再去貢茶整左杯奶蓋巧克力，
呂少生日月份響izzue買野有七三折，
佢又買左幾件裇衫，我諗住搭埋佢個優惠買頂帽，
點知職員話頂帽係咩cross over紐約帽得九折，
原價都$659九折左都要$600蚊...好貴...
見izzue仲營業緊以為10點，點知原來12點幾 @@