忌廉芝士三文魚丼系列消失後，到日式咖喱系列，
為果排KFCo岩o岩鬼隱左o既日式咖喱接棒，
可惜吉野家o既日式咖喱完全唔係KFC果個級數...
日或咖喱完左就到三重芝士系列，
呢個真係要讚，咸咸地o既芝士配燒雞夾到爆！
match過佢地原祖果種黑燒汁多多聲！
味道拍得住忌廉芝士三文魚丼系列！
而之所以叫三重芝士，都幾玩味下，
佢係將芝士粒、芝士粉審響面，
同埋溶左D芝士響D飯，所以就有三種型態芝。
可惜好景不常，今日想去食發覺呢個系列鬼已隱，
對於吉野家鬼隱忌廉三文魚同埋三重芝士系列，
我表示強烈o既不滿！！

沒想到她在我心目中已經有這種地位，
沒記錯已經是第三次夢見被她冷落......

今日鼓起勇氣要求髮型師幫我黎個側邊剷青，
不過剪完後都唔係好覺青，算啦，
都應該要有個適應期唔好一黎就變太多。
之後響ICE FIRE見到頂RO果種學生帽款，
一直都好想要整頂呢D帽，呢頂幾好，
簡單得黎又有D車線位唔會太dry，都係$299，
然後再去IZZUE買左條卡奇色o既長褲$599，
其實32寸腰著得舒服好多，不過褲管鬆泡泡，
30寸褲管相對窄D，可以造到幼D o既線條，
結果買左30寸腰果條。

今日響5cm買左件偽頸巾T-shirt $399，
一直都想有番件呢種有D玩味o既設計，
睇落好似帶左頸巾，其實係連埋件衫。
之前響TOUGH見過，不過想買時又無左呢種款。
而apm店間5cm個fiting room係四邊牆都係鏡，
響入面睇到好多個自己，前後左右全睇晒。
可以見到平時照鏡都照唔到o既自己一面。

伴隨左我多年o既八達通匙扣崩左，
慣左用八達通匙扣必野，
1黎拎匙扣出黎無拎銀包出黎咁論盡，
2黎個銀包都夠厚，攝少張卡好D。
好在地鐵站都仲有得買番，78蚊個，
之前果個係黃金色限定版，
不過已經甩色甩到全張變白色 XD
而呢張係彩色o既普通版。