今日帶同媽媽一齊食吉野家，就食呢個丼(音：當)
堅好食，味道好特別，響其他地方食唔到呢種滋味。
不過聚眼睇唔見三文魚，因為佢將d三文魚切到粉狀，
就好似d肉鬆咁連埋d菜碎薄薄地審響d忌廉汁o既面。
唔好睇少呢d三文魚碎，佢充份發揮左調味o既作用，
食落去咸咸地，同d忌廉汁帶出意想不到o既效果，
咁都比吉野家諗到，真係要比番十個讚佢。

我一向都唔係一個可以一心二用o既人，
最近同同事MSN幾乎全日都做唔到野，
搞到要放工後先開始做，好在暫時工作量唔多，
最忙果幾日當然唔會MSN啦。
呢排因為果位同事而迷上左Unlight，
最近Unlight搞左個活動可以得到神卡梅倫，
但要課金買關撞手神，當然得到機率好低。
不過d關仲有機會得到其他角色，
個同事除左梅倫之外仲想要多妮妲，
(我一早響銀抽抽到多妮妲)
佢好彩，又真係比我抽地圖抽到多妮妲喎。
咁掟比佢啦，佢好快就衝入去打，
幾驚佢過唔到，我無咁多多妮妲比佢呀。
一路MSN關注佢o既戰況，好在過到，有驚無險。

專登無視佢大割引，又斷碼又比人試到殘o既籮底橙，
平就話姐，半左價都過千，大拿拿成千銀呀！
d貨尾擇晒響度ar訂又放唔到d新番出黎。
所以等佢完左個減價先買，果然多左新野陳列出黎，
之前問隻款佢話只出過1隻色，衣家咪又有第隻色擺出黎，
唔好話我知係arm arm新出架尋日都未出呀。
用$1099買左隻類似Convers款o既黑色假鞋帶布鞋，
之前都講過，總覺得一對鞋無左鞋帶好dry硬係爭緊d野，
但又好憎綁鞋帶，所以呢隻假鞋帶o既設計正中我下懷。
呢d款o既鞋配輕便look最好襯。不過老實講，
出面類似呢d款o既鞋都只係$199，點解用5倍價錢買呢對？
一街都係Convers啦，唔想人著我又著，要有自我風格。

就到夏天，無左厚厚o既衣物掩護，要真身示人。
希望夏天前可以減一減身型，咁就行步路都充滿自信。
冬天都仲有好多唔同衫可以玩，可以著軍褸、皮褸、
帶頸巾、有帽衛衣、斯文o既冷衫襯格仔裇衫等，
夏天男裝就無野好玩，一係T-shirt一係裇衫，
而好唔好睇取決於身型o既線條，要好睇就一定要fit。
自問自己一向唔算肥，只係同纖薄身型黃蜂腰有段距離，
比起肥底o既人我都應該容易過佢地。
無可否認盡情咁食係一種享受，以前就算食夠都繼續食，
要食到食唔落先停，最近控制食量，甚至唔飽都照停，
有時會暈暈地手軟腳軟，要慢慢等身體適應個食量。
無計，要達標就要犠牲一d野，今年誓要做個型人！

雖然公司本ios5手電叢書都係我排，但並無深究。
睇書不如自己試，今日都update左新ios，
本身都無諗住up，ios4都夠用有突，
但係個tunner apps一定要用ios5以上，迫住up啦。
up o既方法係先update電腦o既iTunes，再隊部iphone，
估唔到過程都真係要一個鐘，途中斷左幾次，
唔知係接觸不良斷定係部iphone自動restart而斷。
用落尚未發現有故障，應該無事掛。
更新完一開始要用家允許定位系統同埋設定icloud帳號，
唔通之後我d mp3同埋相片響佢個遠端server有備份？
講下新功能，就係key lock畫面可以直接入相機mode，
而相機mode有自動面形對焦(未實測過)
同埋可以o禁+掣影相/拍片，鍛估單手自拍黎講方便左，
另一隻手可以擺下其他舖屎都唔易鬆旭蒙掛。
訊息提示方面，衣家可以係解lock畫面直入個別訊息，
即係以前同時有whatapps、訊息、facebook通知3樣，
要先睇左面頭果樣，然後先可以睇其他，
衣家每樣野都有得獨立slide，slide邊樣就入邊樣。
多左個影片apps，據說個apps只係響聽歌apps拆出黎，
不過無用o既，要求d格式咁苛刻邊度咁易整到片入去丫？
仲多左提醒事項同埋書報攤兩個apps，都未用過，
相信提醒事項其實係nokia手機果d行事歷咁，
寫低當日有咩會要開，書報攤應該係用黎放電子讀物。
個中文輸入都改左，手寫可直接寫英文(but只可單字)
筆劃就膠左，有乜理由整個介面遮住自己打左o既字？
整體結論：無必要可以唔up