話說公司d mac機裝晒CS5，不過我一向唔主張用最新ver，
(原因以前blog都講過，唔再講多次)所以一直用番CS4做稿。
反正CS4做o既稿CS5都開到，係CS5做o既稿CS4開唔番之嘛。
係有時要執同事做過d稿(佢用CS5做)迫不得先要開CS5。
新版本o既檔案唔能夠向下兼容真係好頹，
如果某d印廠收Indesign檔但佢地最新只有CS4咁就棟左響度。
部機無轉新但軟件轉新只會慢左，ver越新只會越多野又點會快？
用過Indesign CS5後，暫未發現有咩好處，只發現膠位，
指埋張圖度有個圓圈，只要係果個圈位移動就等同白箭咀，
喂，你當我唔識o禁A掣轉白箭咀架？乜咁樣真係方便左咩？
有時快手想移動張圖位置變左裁左張圖，搞到要undo番。
另一樣膠野，轉pdf掟去印廠係出書不可或缺o既步驟，
CS4轉pdf都會有個timeline話番你知仲有幾耐轉完，
CS5就無左呢樣野，仲要轉完都唔自動開番個pdf出黎，
真係下下要我心算佢幾時轉完檔咩？
可取之處係轉緊pdf過程中都可以繼續使用Indesign囉，
不過同事都唔敢咁做，你知啦電腦o既野好難講o既，
唔驚佢轉緊果陣出錯咩？一陣少緊張圖或變左亂碼點算？

上個月換完個路由器，衣家又上唔到外國網，今次又邊度出錯呀？
無斷線喎，上部份網例如gaforum都正常，
但上youtube、facebook勁慢，load兩分鐘都load唔到，
唔好同我講話youtube個server down左呀，
咁youtube down唔會連facebook都down埋呀fa？
前晚仲以為咩野大陽風暴襲擊，d黑子影響網絡系統，
番到公司上網正常喎，問番朋友佢地話無事喎，
當我忍一晚算啦，但前晚又係咁尋晚又係咁今朝都係咁，
係咪過份左d呀？呢d網我日日都睇架大佬，
上唔到facebook同youtube上網黎做乜呀？
好地地一個假日又比佢毀左！

今期我地雜誌要介紹C3，老總兄搵埋我一齊入場，
今次有pass，我都盡情地行駛記者o既特權，
主舞台d show唔洗排隊直接攝入傳媒席，
響嚴禁攝影o既範圍舉機喪影，嘿我覺得真係威~ XD
入去第一個show就係cosplay比賽，怪我我兩點先到，
未能準時入席，錯過頭一兩隊參賽者，
場show算精彩，尤其個拉打戰隊，凌空飛踢打關斗做齊，
不過佢地得亞軍，冠軍反而係賣相唔多吸引o既三國無雙，
好多都演得比佢地出色，難免被懷疑有做馬之嫌。
查實cos賽唔係C3 o既亮點，相比起花澤、野中萌，
果d有大堆fans排4日隊拎籌，cos賽變得可有可無。
響會場都周圍捉d靚cos影相，都係為左放上雜誌用，
見到ter姐同亞生，估唔到佢地到衣家都仲一齊，
最衰ter姐無cos，唔係落佢張大相做開版又點話姐？ XD
cosplayer數量都唔算多，影兩影都無乜好影，
而且亦搵唔到人cos unlight，殘念。
香港真係咁唔hit？明明好多同人界o既朋友都有玩架。
跟住森田、野中萌talk show同Ani-son，個fotop走左，
我獨力影晒d相，睇過觀眾o既熱情，我自問一d都唔夠宅，
完全無佢地果種尖叫o既情緒，只係執行記者o既任務。
同場仲見到前GZ同事，都走埋去同黑汁打左陣牙較，
去到Ani-son，只聽過飛蘭o既Cannan op，栗林o既IS op，
其他動漫歌都唔多識，之後高達歌，又係好多都唔識，
得Z首op、Wing o既just comunication聽過，
飛蘭咁後生唔似係Z首op原唱喎，影影下突然無電，
另一舊電明明有三格放落去又係無電，真係棟左係度......

衣家天氣咁潮濕，牆發晒霉，窗口長期佈滿水珠，
忍無可忍，又唔凍，唔係o既話暖爐都有些少抽濕作用。
諗住衣家買抽濕機會唔會遲左d？驚用兩日天氣又正常番，
聽人網早潮天下伍諾韻都話佢尋日買左部抽濕機，
心諗，冬天潮濕夏天都一樣會潮濕姐，再唔係下年用，
咁就去apm電器舖睇睇，哇，要二千幾三千一部？
係本身咁貴丫定趁火打劫？仲諗住幾百蚊有交易，
真係未抽濕先抽「水」，抽我d血汗水啦。

終於再等到CAMPER減價，平時千幾二千蚊對鞋衣家半價，
二千蚊o既賣一千蚊炸，不過都仲係好貴。
睇中左假鞋帶款，論外型個人比較鐘意有鞋帶o既鞋，
不過每日要綁鞋帶又好煩，所以假鞋帶真係perfect！
不過見剩番o既款顏色麻麻，鞋純黑色黎講，
襯番黑色褲都無乜野，襯藍色牛仔褲非常格格不入，
仲有d保藍色同奶白色，都係怪怪地唔come襯，
所以買唔落手...