無線收費電視上門推鎖，出示晒証件，見係無線咪睇下佢咩料，
係咁話衣家睇到高清台唔洗錢，又話放心啦無線由細睇到大唔會昆你。
以為例行更換線路，終於露出佢尾巴啦，講錢，當堂提高晒戒心，
係呀，d台唔收錢，個機頂盒收錢丫嘛，開門見山唔得o既，
係要遊花園，咪又係要錢，對於客戶黎講，個台免費但個機頂盒要錢，
同埋個機頂盒免費，但係個台要收錢有乜分別姐？重點係total幾多錢。
整色整水反而更令人反感，算啦，我都覺得幾廿蚊睇到高清都抵o既，
又話安裝左畫面都靚左，我心諗米玩啦，部標清電視會變高清咩？
即係拎部黑白老爺電視都收到彩色頻度，但唔會變彩色架嘛，right?
我自己本身就無睇開電視o既習慣，都係想比我亞媽多d節目睇o既，
原來係每月幾廿蚊，都算啦，當每月食多餐飯啦，
戲玉啦，果個幾廿蚊原來係98蚊，爭兩蚊就100蚊都叫幾廿蚊，
即刻cancel好行夾唔送啦！明買明賣唔得o既，硬係咁多旁門左道。
係我o既定義中，過左60蚊都唔會叫幾廿蚊啦！

尋日whatapps先黎個免費，聽講為左頂ios5 o既imessage，
今日又多個LINE(首發)，好多人見新野即刻download黎試。
其實whatapps驚咩imessage會搶到佢霸主之位丫，
就算所有iphone都有imessage，但whatapps跨平台已經殺晒。
imessage頂多只係ios先有，android唔會有。
講番LINE，多左好多表情，聽講仲比whatapps反應快d，
最抵死係個shake，chok一chok可以搜尋其他LINE用家，
三唔識七都可以add人(似以前ICQ個年代)，
仲有得傾電話(係你無佢電話號碼之下，不過我未試過 XD)

Persona4 第一話
個男主角有d夜神月feel，硬係覺佢一入房會自己奸笑果種，
然而打到中途又真係睇到佢奸笑，似乎都係奸仔。

HUNTER X HUNTER重制版 第一話
重制版畫質上無咩強化過，都唔知重制黎做乜，
我仲期待起碼都電磁砲或花開物語o既質數啦。

王冠之罪 第一話
神作畫呀！人設、背景都係頂級畫風，
早排公佈設定果陣已經感覺良好。
原創故事，劇情好唔好睇就唔知，
未來世界觀，又係內弱無用男主角遇上女神，
然後得到神力o既行貨橋段。

GUNDAM AGE...點解PPS只有預告(仲要第2話都有)
就係無正常劇集，玩野呀？
雖然興趣不大，不過都想睇下有幾低能嘛...
聽講高達識得講野...(龍神號？)
同埋期待向陽畫風突然獵奇(向小圓致敬)

雖然已有Ultrasone HFI-780，但略嫌過重，
攬響頸都un住晒(要將個聽筒向外先唔un)，
所以都忍唔住買左個輕巧d o既beats solo，
講真市面上咁多耳機，暫時未有一隻靚過beats系列，
淨係果個扣扣住個耳筒位o既設計都殺晒啦，
最靚都係beats studio，但係唔入電run唔到已扣晒分。
講音質beats未必好得過其他牌子同價位o既貨，
但帶出街聽都係mp3，頂盡320kb/s想幾靚姐算罷啦。
真係發燒友就唔聽mp3啦，膽機啦仲iphone/ipod？
再講條街咁嘈，地鐵又咁嘈，真係靚聲都聽唔出啦。
衰就衰在衣家一街都係monster beats，唔獨特囉，
靚o既野就係咁無計，線條上又真係無其他牌子取代到，
最接近o既SOUL SL300(呢個SOUL本來係monster o既，
偷左佢o既技術自己另起爐灶所以d野咁有monster影子)
拍埋monster度都係輸兩個馬位，抄o既都係無法超越。
尋日響豐澤入手盛惠$1799，白色solo無HD版，專登唔HD，
都係果句，帶出街聽要咁HD做乜？聽到就得啦。
本來都無諗住咁急買，先後去過幾間問過都話白色得HD版，
豐澤見到果個可能係賣剩o既貨尾，拿拿林磅水，
驚遲d買唔番，假假地都絕版野啦，仲要平3舊水，
市面上亦有beats山寨版(觀廣已見有入耳山寨beats)
睇個盒未必分得出，不過百零蚊買得到就知咩事。
(賣百零蚊都好，驚d無良商人假貨當真貨價賣)
豐澤唔會山寨掛？所以見豐澤有就買左先唔傾。
跟機送多條可以控制iphone音量暫停飛歌接電話o既線，
(單擊一下暫停/播放，雙擊下一首，3擊上一首)
試過掉轉插係用唔到呢d功能，同埋d歌會mute左人聲，
最有趣o既係o禁實線控果粒掣係會出番人聲放手又無番...

星期六出旺角人多，答巴士番屋企都無位坐，
而企巴士比企地鐵更加唔舒服，
因為巴士車廂震動幅度比地鐵大，
每次停車都chok一野，站又密紅燈位又多，
簡直係《答車男女chok chok chok》。
排隊等車排到好後，架車黎到見上層都無乜位，
寧願等下一班，好過全程企響度chok chok chok。
到下一班的確有位坐，不過上多幾個就坐滿晒，
睇住排後面d人左望右望但係無位果種無奈，
概嘆香港真係迫爆，答車無位坐、食飯無位坐，
(衣家仲多左班菲庸爭取到居港權簡直不堪設想)
好啦，坐坐下去到登打士街左右停左，
大約十幾分鐘都無旭過，乘客開始起哄，
下面(我坐上層)傳來架車撞到人，又話報警又盛，
見唔對路，可能有排搞，部份乘客仲落埋車，
又話要免費轉車，我心諗除非開架空車黎姐，
等下班車黎到咪又係一樣無位，轉條毛咩？
警察黎到啦，睇到被撞果條友，仲精神過瓶子舟，
響度同個警察理論，問洗唔洗送佢去醫院又唔洗，
咁又係o既無穿無爛去醫院都唔知做得d乜？
陣間收番佢幾皮撿查費就蝕晒桌啦。
仲以為有乘客會抽水鬧埋一份叫佢米阻住晒，
開左車先啦，要嘈就等車埋呢班乘客之後再嘈，
唔係要連全車上上下下咁多乘客等你一個呀fa？
跟住警察就話以和為貴無事無事繼續開車，
差佬都想快d了事，又拉唔到人盞浪費時間。
我就醒啦，由始至終都無落過車，反正都無車轉，
而果d落左車o既乘客都陸續上番晒車，
分別係佢地就企響出面比太陽曬左幾個字，
我就坐響車廂嘆冷氣，不過真正大贏家係果條友，
區區1人就搞到全車乘客延誤左半粒鐘，贏晒啦。