因日本地震延期o既一月新番廢怯最終回，係上個月都推出，
之前d人話虛淵o既作品一定係bad ending，呢個都唔算黑丫，
仲有d窩心，雖然稱唔上係good ending。
有人話係日本國民arm arm經歷完浩劫唔想睇d黑野臨時修改結局。
anyway啦，睇完都幾多問號，係小圓簽約果陣，
出現o既麻美同杏子對話係咩意思？佢幻想出黎定係d靈魂搵佢？
小圓就成為左新世界o既神，唔廢又唔怯啦，
跟住救贖所有魔女啦，咁點解沙耶加救唔到呢？
然而重組後o既世界，麻美、杏子同陷咪一樣要戰鬥，
咁佢地能量用晒咪又係變番做魔女？

近日拉登被殺，今集903摩星嶺4號就講關於呢個主題，
當中講到塔利班政府o既制度都聽到我O左...
有d伊斯蘭國家例如土耳其咁，女性都要好似忍者咁蒙面，
都仲見到隻眼o既，但塔利班係密實到連隻眼都遮埋果隻。
法例規定唔比女性工作(除左護士之外)，最好連街都唔出。
都未算，仲要全國上下唔準聽音樂，結婚都唔可以奏樂曲，
唔準睇電視(不過當地係有電視台)唔準放風箏(又關事？)
男人就一定要留鬚，仲要留最少一個拳頭咁長o既鬚，
唔係o既話要監禁一個月(咁果d生唔到鬚o既人點算？痴上去？
曾經有女性出街著高爭鞋(但已由頭遮到落腳啦喎)
比警察聽到高爭鞋聲會拉果位女士打，仲要打埋佢屋企人，
因為佢屋企人管教無方。
哇...一個國家無電視睇唔準聽音樂唔準跳舞d女人唔出街，
簡直係人間鍊獄，回到石器時代o既生活模式...
細個睇魔神英雄傳就有呢d情節姐，d壞人侵占創界山領土，
再定立九唔答八o既暴政，估唔到現實世界居然有d咁o既樹。

以前係addmark果陣都日日同Royce一齊食lunch，
估唔到衣家各自做唔同o既公司，都照一齊食lunch XD
Royce做o既公司係正我番工o既工業中心對面，
正門仲要對到正一正，可惜佢食飯時間係固定1點到2點，
我食飯時間係無限定o既自由時間，都要就番佢。
如果佢可以遲d出黎食就唔洗咁迫人同答檯啦。
佢係觀塘番工都年幾，應該刮到d好野食，
尋日食過間叫新境界o既，幾隱閉下要上樓o既快餐廳，
好似大家樂美心咁o既買飛制度，不過買完有職員抬過黎，
就算一個人食都唔洗托住盤野周圍搵位，幾貼心o既設定，
而且唔貴，一個墨西哥豬扒飯連熱華田都係31蚊。

趁住通利復活節特價，買多枝YAMAHA JR1，
呢枝唔係d咩野靚結他，只係方便攜帶o既細結他。
原價9百蚊特價左7百幾，老實講聲就麻麻地，
講靚聲細結他同廠仲有枝特價左都9百蚊o既魚絲，
講唔出咩形號，但尋日響西環分店試過d聲靚好多，
可惜又係得陳列品無新貨，而且無結他袋送，
呢d咁o既size結他好難配袋o既。
(話說個Taylor袋得一邊孭帶，所以再去西環店跟進，
不過職員話Taylor袋係跟一條孭帶正常o既...
去西寶城幾煩下，要銅鑼灣轉van仔，無必要都唔想去)
而當時JR1都無新貨，職員check話德福分店先有新，
咁今日就過去德福買，睇住佢開箱拆d包裝紙感覺良好。
通常d職員都會同你掉左個盒，記得問佢要番，
(我枝Fender同Taylor都無拎盒架sosad...)
長期放置都有個盒保護住唔舖塵丫，
番去發現個盒原來貼住條六角匙，無要到個盒就無啦。
小插曲：諗住趁假日試下答606去九龍灣MEGA BOX，
明明睇到巴士站牌有MEGA BOX呢個站，
不過一路留意顯示屏都唔覺有MEGA BOX，
結果答到去彩雲，要去地鐵站答番落九龍灣 -.-

首先我對呢個方案抱中立態度，無話支持或反對。
不過估計落實左可能會出現幾個社會問題，
物價會上升，羊毛出自羊身上，顧主用多左錢落員工度，
咪唯有推高商品價格黎平衡番囉。
好多小型公司被迫收皮，試問d老細自己都賺唔到8k，
點比員工8k呀？繼而失業率又上升...
最低工資係保障左一班無專業技能o既人，
同時令佢地同d持有專業技能o既人拉近距離甚至睇齊。
到時做會計係8k人工，做些粉又係8k人工，
咁就令一班渣住專業技能o既人覺得自己無乜價值，
階因本來係9k人工o既唔會因為呢個方案而變做10k人工。
好耐之前我都極力期望過最低工資o既出現，
當時仲係做份店務員心諗如果有最低工資就唔止6k人工。
曾經係網上睇過篇野，講有個家庭叫左送石油氣，
個亞媽指住個送石油氣工人同個仔講：
「亞仔，唔比心機讀書，第時大個就好似呢個人咁啦。」
石油氣佬心諗：「唔係有我呢d人，你可以安坐家中有石油氣？」
arm o既，職業無分貴賤，各行各業有佢o既存在意義，
好多都同生活息息相關，呢d工無人做，個社會亦運作唔到。
有最低工資都好o既，起碼呢d所謂牛工都無咁比人睇低，
到時石油氣佬：「你做會計好叻咩？咪又係同我一樣8k人工」