今次去太古坊見工，一間典型辦公室格局。
係做ebook o既公司，人士部in我時問我有無鎖定工種，
我答有鎖定d設計行業，佢就話佢地設計比重佔好少，
多數都就咁搬字過紙，可能唔太適合我...
然後輪到marketing見我，要我自我介紹一下，
好耐以前我都有一套自我介紹o既講詞o既，
不過見左好多工都無乜機會用得著慢慢就忽略左，
一時間叫我介紹番都唔知up乜好。
佢話公司同三聯、出版商等關係好好，
好多例如黃怡興、張小嫻o既小說甚至風雲都係佢地做，
雖然成立只有一年，但已經係目前同業黎講最大o既。

第2季雖然畫上句號，但故事仍未結束。
當麻真係乜野神人都打得贏，真係有d濫。
一兩拳就ko神之右席，三木打左一方通行好多野都仲有氣力啦，
當然，三木歐打一方通行果幕真係強差人意，
掛住打人而忽略index係度搞破壞，仲要搞左咁長時間，
可能動畫只想將小說忠實呈現，或者文字表達無咁唔合情理。
(我無睇過小說版)故事整體都幾雜亂無章，亦唔知想講乜，
一陣講下當麻打羅馬聖教，一陣又同美琴耍下花槍，
一陣又講下一方通行倒破武裝份子，無一個中心路線。
出奇地乜野國家大事都總會扯到一個平凡學生當麻身上，
又係格硬黎，而且一次又一次拯救左學園都市但都無人為意。
好心編劇果個封個特種部隊或特務比當麻做啦，
越睇越覺得以佢o既身份無資格同無必要捲入呢d事件入面。
咀炮情節又係格硬黎，真正o既敵人邊會咁得閒交代身世，
講句「關你鬼事？」打多幾野仲正常啦。
聖人之一o既神烈火織又因為當麻而發姣，呢d情節又係白痴，
只須懷有感恩o既心情暗笑下，下次幫番當麻先有大將之風，
著女僕裝完全破壞其形象，萌不萌酷不酷。
女主角index o既存在價值薄弱，除左食同咬當麻外唔知做乜，
御版美琴點解跟亞媽姓？定亦或佢亞媽都跟埋老豆姓？

今次去鑽石山見工，係間髮型產品公司o既設計文員，
地鐵站A2出口出去後兜左個大圈，點知原來係正出口前面。
完全feel到in我果個無心請我，就連portfolio都唔望一眼。
總覺得佢呢d位想請女仔多，咁就米in我啦，白行一趟，
我profile度都有寫明係M... =_="'
呢份工係勞工署度寫能即時上班優先，咁即係急等人用啦，
佢話有消息會一兩日內通知我，而寫呢篇日誌係星期日，
都未收到消息。

N3DS可謂生不逢時，推出無耐就撞正大地震，
災難當前，日本人邊有心玩Game？
部份Game又延期，無乜Game護航下吸引力大減，
d人又話等咩Game出左先買，銷情自然唔樂觀。
marc尋日約我出銅鑼灣打N3DS，
(行188時撞到Royce同痴痴地，跟住落吉野家又撞到)
響吉野家打SSF4打到收工再轉戰24麥直到無電為止，
我同佢都係作為餓左一段時間o既3DS飢民，
都忍唔住買d次等Game頂住癮。
BlazBlue短評
我就買左BlazBlue，固勿論遊戲性及系統(未認真玩
本身好buy佢d人設，亦好好奇2D格鬥3D左係咩效果，
原來係兩塊紙版係度郁，連場景都係紙版砌出黎，
完全無弧度o既輪廓，同SSF4果d完全兩回事。
咁o既3D不如唔好整，出落NDS都得啦洗鬼3DS姐，
相信呢隻係第一隻我會全程熄左3D黎玩o既Game...
畫面亦比想像中粗糙，角色唔夠detail，殘念。
Asphalt3D短評
兆偉就買左呢隻Asphalt3D，賽車Game一隻，
開3D睇住車尾o既視點，架車完全無貼係地面o既感覺，
就好似一直懸浮移動，就算停低左都係咁。
RR比起呢隻車o既重量同質感都更紮實(雖然都唔多真實
起碼RR架車都係feel到貼係地面啦...
Asphalt唔知邊間廠出，又ubisoft又gameloft又konami，
咁多間廠都無做好質檢咩？都唔明點解咁假都比出街？
而今日佢就響188以$160放左呢隻玩左唔夠3日o既Game，
繼而買左Splinter Cell。
Winning Eleven短評
我就無睇開波，所以對WE無興趣，只係想睇下咩畫面，
而入Game個介面係完全唔明想點，唔係應該簡mode先咩？
應該有故事模式、練習模式之類嘛，一入就整晒d國旗出黎，
簡完兩個國家就開波，下？咁求其架咩？
用3D睇預設o既鳥瞰視點無乜特別，不過45度角效果唔錯，
而marc本身都唔好足球，唔知邊隊打邊隊up唔出人名，
咁都買WE，証明d game少得幾可憐令佢飢不擇食。
所謂池中無魚蝦做大將，睇黎DOA將會係囊中物。

今次去文匯報見工，同前公司都一樣係香港仔，
不過呢個係田灣，深入好多，附近亦有住宅同商場，
唔似得前公司附近咁荒涼，除左工廠就係工廠...
呢個係中國政府o既基構，公司真係幾華麗，
in完呢次仲要等消息去人士部second in。
見完工就約左royce睇佢地隊band表演，
今次唔係natural，所以搵唔到個地方。
本來答應帶我枝電結他比royce試下，
不過唔通咩住枝電結他去見工咁串咩？ XD