套野好似以電影方式咁連落去，一集50分鐘左右。
暫時睇左兩話(最新)都仲未完，好似仲可以有排做落去。
個女主角奧黛麗人設好娘下，六七十年代o既髮型，
(唔知點解第一眼望落有d舊星戰果個咩公主o既感覺)
響未來o既城市居然有d類似六七十年代o既戲院海報，
玩時空交錯？咁佢係續番以前d高達故事，原用番當時o既世界觀。
實不相瞞，在下無睇過舊時d高達，咩野0079呀馬沙之逆襲呀，
唔係因為90後未睇過(我80後)，係細個真係唔多好呢尾野，
真正開始認真睇高達係去到seed destiny同打後o既系列，
所以我o既高達史並不深入，叫我衣家去睇番d舊作又無心機，
睇慣衣家d動畫，好難睇番d粗糙o既畫面(當時黎講緊係唔粗啦)
講番套野，第一話發展得相當戲劇性，父子相認時亦係永別之時，
老豆居然順利令巴納吉得到高達，巴納吉唔係誤打誤撞飄入去個倉，
部高達都唔知點。(呢個要好巧合o既運氣先可以有劇情做 XD)
個巴納吉又係唔知點解特別關照奧黛麗，全個鋪排都好唔自然 XD
第二話出現馬沙，巴納吉同奧黛麗絕非貪生怕死之塗，
奧黛麗比人用槍指住個頭仍面不改容，
布納吉亦毫不猶豫挺身而出(咁先有主角o既風範？)
反而如果平民d(例如身陷險景表現畏縮)會現實一d。
部高達都無乜發揮好快就比自護(?)果邊收起左，
作為軍事犯o既巴納吉亦得到禮待，瑪莉妲仲要比佢同佢家人食飯，
唔係應該困佢係間房入面係度門攝碟飯比佢咩？

之前facebook有新版面供大家選擇性地使用，
還不斷宣傳說你的哪個哪個朋友已經更新了版面...
今天開facebook居然說還有幾天就會改新版面，
即是不論喜不喜歡也要強制改掉嗎？！
那乾脆之前就直接換掉好了，沒必要問大家改不改。
新介面嘛，就是沒有美感，把tag了的照片長期置頂，
人家就是不喜歡被tag了還這麼張揚，又不是好看。
每次被tag後也做一堆動作去洗掉版面。
(untag不就可以嗎？)那tag人的又不是惡意，
而且一些大合照，全部同事也tag，只有自己untag不太好吧，
只要弄得低調一點還可以。
朋友變了打直顯示，不整齊，多了些奇怪的空間，
做慣排版一看到更是不順眼。

日本品牌UNIQLO同MHP3 cross over推出T-shirt，
(天寒地冬先黎出短袖T-shirt...)不過正o既款比人掃晒，
去利舞台分店見到印住stage clean圖案得番1件細碼，
再去世貿分店亦無呢款，我就買左武器使用統計表果款。
仲有d印左轟龍、爆錘o既T有大量現貨。
之後約左網友Airy到旺角M記打芒亨，雖然第一次見面，
佢份人好健談、好nice，完全令我放下戒心暢所慾言。
好少識得一個新人(eg番工第1日識新同事)可以咁好傾，
亦有好多人唔識比反應，令我一句起兩句止無心機講野，
相信佢o既社交技巧相當唔錯。

全22話(唔知仲有無特別篇番外篇之類)睇晒，
呢套野劇情一流，無冷場。
前半部營造到恐怖o既氣氛(後半部無晒呢d氣氛)
不過出場角色過份豐富(有名o既花瓶角色亦太多)
有人話室井同沙子先係男女主角，又未必唔係o既，
咁沙子算係遲出場戲份較少(後期先發力)o既主角啦。
的確睇ED1由頭到尾都係沙子可知其份量...
(睇頭幾話我都未知ED1個女仔係乜水 =_=)
又係找碴o既時間，講下唔make sense o既地方，
屍鬼家族有仍然係人類o既桐敷正志郎，
佢又無長生不老o既機能，點同班屍鬼共存？
仲有班飢渴o既屍鬼唔會聞到佢陣人味向佢施襲咩？
點解佢地唔一早殺左或吸敏夫血？要咁後期先吸？
身為狼人o既辰巳狂中槍都死唔去，
同為狼人o既女管家中一槍就收皮？
沙子有無諗過如果佢將全條村d村民變晒做屍鬼，
咁佢地又吸邊個d血？屍鬼吸屍鬼d血？(循環用？)
最後亦無交代敏夫有乜下場，
先後比千鶴同夏野吸過血，遲早都會變屍鬼(或者死)
居然被吸血後o既佢不但無面青口白，仍然精力充沛，
仲諗住佢帶領村民對抗途中發作要被殺(好腹黑...)
仲有田中薰個細佬唔係比人綁住吸血咩？又最後武士。
仲有肥大嬸護士逃亡時唔係比狗襲擊咩？又最後武士。
果個搞喪禮派對o既魔術師(?)最後又無交代。
開頭太神化d屍鬼，清水惠襲擊徹果晚可以係床下底攝出黎，
襲擊正雄個唔知乜水仲識係棵樹上飄落黎...
後期d屍鬼除左夜眼外能力值同人無乜分別，前後不一。
變左屍鬼好似失去理志，但後期屍鬼o既對白亦好清醒。
反而最尾d村民真係失去理志，連正常人(室井家)都照殺，
不過村民變暴民呢點亦係劇情有迫力o既魅力所在。
千鶴係神社面前會疾息，點解沙子係教堂入面仍無異樣？
清水惠最尾都無同變左人狼o既夏野有劇情，真可憐，
仲要比人車爆頭(之後有個short睇到佢條屍又好似無爆到)
領便當o既角色中，徹同律子死得最悽美，放住閃光彈死。
最後有架車車住個行李離開，但無講明係咪室井同沙子。
主要角色死得一乾二淨，得番田中兩姐弟...

據一位玄學師傅講，凡轉節氣(eg:冬至、立春之類)
磁場改變果一刻，會有耳鳴徵兆(嗚一聲約持續2至3秒)
如果放張紙係地下，引力會令紙張反轉(當然唔係大張)
據講修練氣功o既人係呢一刻可以有額外加成...
轉換時期係晚上十二點正。
尋晚小弟於客廳作畫時，四週鴉雀無聲，突然耳鳴，
望一望個鐘，真係踏正十二點(唔計秒針)，
節氣轉換之說當真亦或巧合暫時不得而知，
亦無真係放張紙係地下測試，
若下次再遇到同樣情況再望下係咪踏正十二點。
不過科學d黎講咩情況之下先會引起耳鳴呢？