未睇前都知呢套野劣評如潮，但話晒睇晒TV版咁多集，
點都要睇埋o既。
一如所料戇居，講外星金屬生命體襲地球，
概念應該黎自變型金鋼，一舊金屬可以變車變機械人。
本來氣氛都可以嚴肅d，但又要整d爛gap位，
例如パトリック係要叫カティ做大佐(已升做准將)
mina對billy o既誇張熱情表現令billy色心動等...
又係高達慣例之一，d女角會突然對男角動情，
之前フエルト對剎那都無乜野，劇場版就愛上左殺那，
中間經歷過d乜？正如seed果陣ルナ閃電愛上路人真咁。
不過可憐o既フエルト最後都要獨守空房，
之前o既lock on又無左，剎那最後都係簡左マリナ公主。
真係浪費呢個咁靚o既角色，比佢同lock on細佬一齊都好啦。
テイエリア先勁，肉身對佢黎講只係軀殼，點都死唔去。
部新主角機Quanta戲份只係出一出場飛幾野，無打過咁滯，
走去同d金屬溝通，然後個boss變左朵花停晒攻擊(想點呀？
最後係講幾十年後，40%人做左變革者，マリナ公主變埋亞婆，
玩到咁盡00唔會有下文架喎，d人老晒死晒仲邊有得講？
seed就唔同，d要角仲有青春，要再出多套都仲得。
不過剎那變埋金屬人，無老到，但同老女人一齊，灰。
其他人無交待到，不過fan屎都唔想見到其他人老左個樣啦，
真係睇退休生活咩？
其實00第一季TV版都幾正評，d人話套野夠真實，
第二季一黎裸體聊天室劇情已催崩壞，
呢套劇場版真係唔睇好過睇，令00留下僅存o既良好印象。

是咁的，有條友仔自拍，發現原來有個亞佰入左鏡，
佢自己又唔識執相，就post上高登搵巴打幫手執走個亞佰。
http://forum8.hkgolden.com/view.aspx?message=2743939&highlight_id=129897
(亦有可能借刀)(原相已經睇唔到啦)
不過無個肯正經幫佢手...一路睇落去有...
．執走左個亞佰，點知係條友副超個倒影有亞佰
．執走左個亞佰，但換左個亞婆
．執走左中間條友(你咪亞佰囉？)
．就咁塗d白色遮住個亞佰(小畫家？)
．整多左幾個亞佰一排咁企晒響後面(鳴門影分身？)
之後越睇越變態，連animation gif都整埋
．有條友係後面跳break dance
．有架飛碟飛過黎吸走左個亞佰
．亞ken出昇龍拳昇走個亞佰
．憤怒鳥彈走個亞佰，未算，再癲d係...
．憤怒鳥彈過去個亞佰接住左，再踢走隻憤怒鳥 Orz
已經笑到噴飯了

約番班舊同事出黎尖咀聚，6點半就同royce去通利睇電結他，
點知d二三千蚊樓下o既貨比人掃晒，剩番d萬零兩萬蚊o既貨色，
應該係d家長買比子女做聖誕禮物。
尖咀又無乜落腳點(我地又唔飲酒)唔似旺角有上樓cafe hea，
跟住一班人坐晒係尖咀海旁食風，一邊討論設計。
係呢行打滾多年曾經係我上司居然疑惑一個問題，
衣家做o既所謂平面設計根本就係將d現醒o既素材炒埋一碟，
d素材又唔係自己做o既，甚至上Yahoo都search到。
d字體又唔係自己設計o既，都係華康、金蘭乜乜體。
覺得好似迷失左咁，的確我都有過同佢一樣o既諗法，
我o既見解係，好似一個廚師可以煮出楊洲炒飯、星米，
但d菜、米又唔係自己種出黎，只係將d已有o既野炒埋。
但掉番轉，識種菜果d農夫，未必識煮楊洲炒飯、星米。
生產素材o既人，佢地可以做到一張靚o既海報嗎？
就算可以，比佢又做到素材，又識砌到靚海報，
由頭到尾自己落手落腳做但要兩個鐘頭內交貨，可以嗎？
呢個社會講求效率，我地有自己負責o既崗位，
我地o既價值就係點樣運用素材去砌出營合主題o既作品，
唔識運用都係會砌出九唔答八o既野出黎。

呢間公司都無乜令我留戀o既地方，
不過對KANA真係有好感。
話說我仲係新仔除左上司巡例上虛寒問暖，
(frd底扮唔識)無人同我講公事以外o既野時，
KANA係第一個同我講無聊野o既同事。
佢第一次走黎講我好多出前一丁杯麵，我仲記得。
第二次係我砌ACG綠霸娘份稿，佢仲唱埋果首歌，好可愛，
跟住都有走黎笑下我d稿，例如人中之龍果4個「型男」，
到尾二果日佢都有笑下我整square exin o既版頭相。
美術部一向對佢做o既稿都有負面評價，
d同事唔想接佢o既稿黎做，kay仲想釘死佢，
一個咁好o既人點解你地咁對佢？
我相反，好想再做佢寫o既稿，可惜無機會啦。
不過亦無機會同KANA傾多幾句，如果可以係度長做o既話...
到收到要無得留低o既消息，我亦鼓起勇氣問佢拎fb，
真係好想同佢做朋友，可惜至今仍未confirm我，sosad。
無機會了，再見了，KANA，你是最美的。

最近把木結他立放在地上，真不了解那音箱的原理，
只要稍為咳一聲，音箱也會發出微響，
但平時怎樣大聲叫喊也弄不響那音箱。
難道咳的聲波頻率才可令音箱共震？
又去看royce的演奏，翻唱akuro有他們獨特的版本，
是以bass做主，更令人印象深刻。