自從番左呢份工後食KFC o既機會大減，番工果頭無KFC，
放工d KFC又收晒皮，唔好話KFC，茶餐廳都無食過。
分享下尋晚食過o既咖喱寶盒啦，呢個又係好似北京雞卷咁，
用果塊好似未炸過o既春卷皮包住舊無骨辣雞同埋小量菜...
睇包裝好多菜，但我果舊得幾條菜絲(唔知係咪分店手工問題
有d日式咖喱汁同沙律醬幾粒粟米，咁就18個幾。
大大件入口困難，咬幾啖散晒，根本無得試幾樣加埋o既味覺。

較早前本誌亦介紹過KFC惡魔寶盒，有意可去食環署分類睇下，
個惡魔盛宴應該食住臨近萬聖節推出丫嘛，居然1月幾出。
其實出咩寶盒都真係麻麻，出番炸壽司卷、墨西哥脆脆好過啦，
最想KFC出番十幾年前o既焗鬆餅同埋香蔥薯餅，
以前都長期供應，做乜cut左佢？sosad
焗鬆餅最正又平又唔熱氣，食幾舊當飯食都抵，茶d牛油入去勁爽。
雖然又出過隻香蜜鬆餅，強制加左蜜糖我覺得係唔夾囉。
香蔥薯餅簡直係撞味撞得出神，係第度都食唔到類似o既野。
仲有黃金蝴蝶蝦，去親壽司鋪最少六七十蚊落樓又要等位勁唔方便，
而蝴蝶蝦係唔洗去壽司鋪都食到o既平民級天婦羅囉。

既然做G-zone美術部，更加會留意其他Game書排版，
睇番GameStation同GameNext都有我做過o既相同主題，
就Medal of Honor為例，我砌得比上述兩本靚好多。
不過唔止呢個，佢地其他Game都排得求其，白底黑字就算，
市面上真係砌得同G-zone有得fight o既係GameWave，
真係睇得出有心思同花巧o既。
睇番GameNext個hobby，KOS-MOS落D相同我砌果版一模一樣，
睇黎大家o既編輯都係同一個地方搵料...
又講番今期我o既排版，個人比較滿意係ACG個Card Game，
呢個專欄無背景主題，所以可以自己發揮風格。
其他Game稿都有Game o既背景，要做番match o既題材，
無得自己話事。(無理由WOW整d粉紅心心地比佢架？)
通常都係去隻Game個官網裸靈感，甚至垃埋佢d素材 XD
Card Game黎稿時都覺得幾kick手，d位又唔arm，
點知砌完出黎又出奇地靚。
呢類自由風格比較似以前做貓犬通信，又係自己整題材。
ACG o既OS娘出黎效果都算係不過不失，本來想統一晒隻色，
但藍生光就用藍色姐，無理由綠霸娘都比隻藍色佢架嘛，
結果用色都幾兩頭唔到岸。
book A o既God of war好順手，第一較已經差唔多上碟。
反而Phantasy Star Portable2無限比較牙煙，又無開版相，
格硬拉大兩條戊利做背景先無咁dry，但砌極都硬係爭緊d...
人中之龍又係d位唔多好就，不過勝在已有o既背景靚答救。
捉到new屎o既排法，如果唔多圖退地一版可以半個鐘OK。
今個禮拜book A book B加埋做左20頁左右，平均一日4頁，
每日工作時間平均比以前少兩個鐘，以前番11放12，
衣家番2點放12，唔計食飯時間，真係少兩個鐘，
仲要禮拜3番5點，禮拜六日通常9點走，有3日已經少6個鐘，
又番5日制(以前6日)，所以一個禮拜o既出貨量應該少左好多。
呢間公司編輯會畫埋layout，慳番度位時間，平均每份又快d。

見人地可以cap到iphone個screen，
我仲以為要裝d咩app先做到，原來唔洗架，
只要解鎖鍵同home鍵一齊按就可以cap到。
真係唔問下人都唔知......

另外呢個係之前無意中試到出黎，
點樣將d icon調位，只要是但o禁實一個icon一段時間，
咁畫面裡全部icon會震震下，之後就可以移位。
其至可以將d icon塞埋一個資料夾入面。

Ameba Pico係facebook一隻game，較早前本網誌亦有初步介紹過，
有興趣o既話可以去分類[評機會]搵番個叫Ameba Pico o既題。
所以係度就直接跳過d入門野啦。
今次講講點樣日賺一千草滿條bar，只要條bar賺500系統會派多100，
(呢100唔會計落條bar度)賺到1000又再比多100，咁即係賺到1200。
被props最多300(30次)，被rings最多300(30次)，比food人地食200，
人地食你d food又200，咁就可以賺一千。
換衫都加50，不過一日只有一次。prop唔夠ring唔夠都可以換衫解決。
問題黎啦，邊度有咁多food呢？當然唔好買啦，270蚊10個食晒都仲蝕170。
可以同friend亙send，好可惜亙send o既只限同時又係facebook o既friend。
而我facebook d friend唔多有玩Ameba Pico，所以一日得o既食物有限。
今日係pico同人交流心得，有條友話佢d食物每樣都過3百幾樣，
原來佢係網上面搵pico gift link o既野，一按就等同有人送左gift比自己，
只要響Yahoo! search "ameba pico gift link"就會搵到相關o既野，
通常係一d blog黎，一按條link就彈入facebook出句gift already received，
咁開番pico就會見到收左gift，連之前已停左o既mystery box都有，
原理係乜我真係唔知，不過提一提大家條link係用linkbucks，
按之前先開晒d block視窗廣告o既系統，呢個linkbucks專彈廣告。
另外，係Ameba Pico入面打/min個人就會變細。

係幾快，由待機畫面入任何一個app，唔似以前d手機咁要load十幾秒先入，
一o禁即入，過程好流暢，爽！touch screen採用靜電感應，反應靈敏，
無任何delay，聽聞其他touch screen手機難以比美(我未試過唔知)
iphone4個mon比3代解像度高4倍，即係4格pixel黎顯示3代1格pixel o既野，
本身iphone3都無問題，無人咁得閒搵放大鏡睇下有無pixel架嘛，
學某雜誌話齋，除非你隻眼進化到X-men，咁o既解像度已經夠用一世。
以前用3G手機上網，速度仲係56K年代，load只係字o既網頁可能要半分鐘。
唔知係部手機性能慢丫定亦或個頻寬慢，load完個網要讀亦好唔方便，
o禁下掣先一格一格咁移，總之就係唔想用手機去睇網頁啦。
衣家用iphone4 load網速度真真正正做到同用電腦無分別(當然要個位收得好)
而且播放高清影片都唔lag，證明完全handle到寬頻網絡。
睇網時想睇邊忽就用手指拉過去，手感相當靈活。
美中不足o既地方就係預設o既youtube睇片質素蒙到難以接受，
好似當年w800i睇低清片咁(當時o既螢幕細好多，果個年代睇到片好勁架啦)
以一部肉眼烘到埋一埋都睇唔到鋸齒o既解像度黎講，睇d咁o既片更加un眼。
要另外download瀏覽器(我就用Atomic)先解決到youtube o既問題。
睇優酷網就忠實呈現高清o既質素，就咁開個angel beats黎試，靚到呢...
又入多左幾個app，有英漢發聲字典、w.tv、深宵交通、頭先提到o既瀏覽器、
Coin Frenzy推銀機、talking tom cat、高登、photo hunt等(以上app全部免費)
雖然app store係有好多game，但老實講真係提唔起興趣去下載，
反而d英漢字典(日漢字典要比錢，呢個幾吸引...)幾實用，即變做快譯通。
係，一般手機都有英漢字典，又係果句~慢，iphone一o禁就入左。
iphone o既性能可能完全取代netbook，用無限上網絕對唔會浪費左個頻寬。
(以前d手機比你無限上網都無心機啦)可惜目前流動寬頻收費貴得唔合理，
無預繳數據任用要5百幾(我預繳2年)希望2年後流動寬頻能做到平民價啦。
既然用左無限上網，當然要有咁盡扯咁盡，衣家希望可以好似pps咁睇電視，
優酷網靠你啦！答車時間可以睇到一集日劇/動畫就夠充實啦。