呢個夢自己應該係旁觀者，唔會受現場影響亦唔會影響現場，
現場o既人物亦唔知我存在，好似睇戲咁，不過係入埋螢幕裡面。
夢境仿如美式驚慄片，一個金髮典型美國女係夢o既女主角，
就好似kill bill果種女主角咁。夢發生係一間鬧鬼洋宅，
女主角就寢，隔左陣隔離多左個咒怨咁o既女人係度變臉，
跟住不斷受到襲擊，詳情唔記得啦，最後應該安全離開左間屋。
當地電視台睇中左女主角o既膽色要佢去另一間鬼屋做探險節目，
畫面一轉見到華麗水晶吊燈，意識到係更大更豪華o既洋宅。
而且仲有現場觀眾(好唔make sense，不過劇情我控制唔到 XD)
女主角向節目單位(兩個黑西裝友)問d觀眾隔住塊玻璃睇安全咩？
節目單位表示已落左結界安全o既。然後鬼怪出然，慢慢走落黎，
女主角感到節目搵佢笨，保護自己o既立場下走埋節目單位個位，
係一個樓梯級中間，可睇到大堂。突然鬼衝埋其中條西裝友度，
女主角淆底，衝左出屋外，屋外係日光日白車火馬龍o既大街，
感到已甩難，而間鬼屋亦發生大爆炸...完(醒左啦)
感想：嗯...個夢凌罩住緊張氣氛，感覺都似太平間鬧鬼事件咁。
奇怪o既係我幾個月內無睇過呢類恐怖片，唔關日有所思事，
點解會發個咁九唔答八o既夢呢？
講開，好細個都發過呢類怪異洋宅夢，到今日一直有印象，
個夢大約係d檯凳飛黎飛去、二樓個浴缸穿過天花版跌落一樓、
d鋼琴係樓梯碌落黎果種好誇張，(最有印象係浴缸，其他唔記得lu)
不過依稀記得果排真係睇過咁上下o既西片。
|
