見人地整個九唔答八系列整得幾過癮，我又整番個先。
唔知點解用手機開收音機一定要插左headpone先至收到，
驚嘈到人？就咁用手機播歌夠得啦，又唔驚嘈到人o既。
一定唔係headphone內置接收器，要指定o既免提就話姐，
我部N79求其插條十幾蚊o既headphone線都收到收音機，
但唔插就收唔到喎，唔會十幾蚊條線真係內置接收器fa？
有時想當普通收音機放係檯面播都要先插條線再開擴音，
煩唔煩D呀？

好多時發完夢一起身果刻已經唔記得晒個內容，
只係記得發左個夢。能夠記到內容o既夢唔多，
今朝又發左一個起左身都仲記得內容o既夢。
夢境大約係屋企(個夢比我o既訊息係，間格唔同的)
之前發生過d乜唔清楚(或者夢境o既開始就係咁)
突然有塊黑色布跌落黎蓋住我個頭，塊布仲係摺好的，
心諗咩事呀？環顧四周無野架，唔可能會咁跌落黎。
唔係咁邪釘下話？我就問媽係咪佢掟過黎佢話無，
跟住就醒左啦，莫名奇妙...

襯衣家Qooza可連動facebook，又講下facebook game啦~
今次同大家介紹o既facebook game係叫做Ameba Pico，
玩法好簡單，最o岩無聊殺時間用。遊戲宗旨係賺虛幣，
買虛寶黎扮靚靚，佈置家居，同埋係一個大chatroom。
遊戲o既賣點就係設計精美可愛，有好多靚靚虛擬景點。
有時d game簡簡單單都唔差丫，唔洗傷腦筋嘛。
首先，創建角色，然後可以係下面介面用TRAVEL周圍走，
去到公眾場合就可以props人，被props者就會多10虛幣，
通常你props完人人地都會props番你，咁就可以賺到錢。
公眾景點有公園、學校、日本雷門寺、美國自由神像等，
去人地home按ring對方亦會多10虛幣，都係禮尚往來啦。
以上兩樣就係Ameba Pico o既主要賺虛幣方法，另外，
有人放食物或飲品響度，食人野或飲人野雙方都會加錢。
起初達成簡單目標亦會送錢，例如prop下人或ring下人。
每日登入遊戲時亦會送一定金額。

周杰倫剛剛推出全新專輯-跨時代，
現在就以個人立場品評一下。

01.跨時代
悅耳度：★★★★★★
被喻為威廉古堡續集，整體保持一貫周董獨有風格作品，
華麗的管風琴音令人印象深刻，做到一聽鐘情效果。

02.說了再見
悅耳度：★★★☆☆☆
水準一般的慢歌。

03.煙花易冷
悅耳度：★★★★☆☆
偏古典味道的哀愁慢歌。

04.免費教學錄影帶
悅耳度：★☆☆☆☆☆
如歌名一樣不知所謂，走牛仔很忙輕快路線，
不過個人認為這種歌路並不適合周董。

05.好久不見
悅耳度：★★★☆☆☆
普通的慢歌，高潮位有周董一貫風格，挽回整首歌的散慢感。

06.雨下一整晚
悅耳度：★☆☆☆☆☆
節奏太慢，無高潮位。

07.嘻哈空姐
悅耳度：★★☆☆☆☆
電子唱腔，耐聽度較低。

08.我落淚．情緒零碎
悅耳度：★★★★★★
接近開不了口級數的慢歌，沒有繞口位容易唱K。

09.愛的飛行日記
悅耳度：★★★★★☆
聽落舒適，旋律優美。

10.自導自演
悅耳度：★★★☆☆☆
一聽再聽之下會聽出味道，高潮位有不錯的表現。

11.超人不會飛
悅耳度：★★☆☆☆☆
平平無奇的慢歌。

(★★★★★★為最高)

暫時只是聽了兩日的感覺，不排除聽多了會好感動會大幅增加。

睇過trailer已經可以知道晒個故事係點，
不過都係睇動作，劇情無所謂。
反而覺得最好睇係中間葉問大戰洪金寶，
沿住檯邊比武保持平衡令張檯唔反。
任達華個仔用相機影低左比武過程，
但番到報館登報果陣係畫出黎，影黎做乜？
洪金寶到最尾都唔差過葉問，
只係身患暗病先輸比鬼佬。
始終大銀幕感染力大好多，
我都被果份滿腔激昂感動到，
不過害我食左一包薯片，今次熱氣啦...
比較失望o既係整套戲BOSS級角色較少，
又話要同全港各門派比試，但肯比試o既得3件，
羅莽同另一呀叔仲要好似落唔到台先肯上去比，
除左洪金寶外就無乜似樣o既角色，
樊少王從良變左閃電傳真機個麥包， XD
到最尾又係例排中國武術大戰外國人，
但外國人果邊只係得一位拳王...
相信套戲過份美化葉問，d徒弟闖禍，
師傅可以當無事發生叫佢坐低飲杯茶。