唔好覺得我一尾只睇動作片，查實愛情片都arm架。
葉念琛作品，講述平衡世界下5個唔同o既單元故事。
stephy同偷田一part、i love u boy同miki一part、
森美一part、唐素琪一part同埋謝安琪一part。
睇落5 part係無關連，透過少少事件串連埋一齊，
stephy係謝安琪花店職員，唐素琪條仔去佢店買花，
miki背後條仔係森美等，呢種表達手法都幾好玩丫。
i love果part好好笑，整d歡樂氣氛黎援和一下傷感，
而花心森美情人節溝3條女只係為左達細佬遺願，
佢背後都有正印，而正印亦知個真相，唔係真花心。
反而純情唐素琪先係奸妹，扮豬食老虎兼玩佢條仔。

咩野比斬頭更血腥？係批開半個頭。套片一開始就整d咁o既野，
同日本刀扯上關係o既美式動作片例排會整d刀光劍影切斷手腳，
d人好似豆腐咁，唔洗半秒就分開幾份。
個女主角的確唔多掂，係呢套片o既瑕疵。或許以西方人角度睇，
呢件黑妹好省鏡，但Rain始終係東方人，拍埋一齊唔多襯囉。
又係暴力片o既通病，雜碎一切就散，但主角身中多刀只有傷痕，
而且主角更係經常中埋d無里頭o既踢腳或拳擊，如果同樣攻勢，
換轉係利刀，主角早就斷肢或身首異處，幾十條命都唔夠佢死。
點解d刀斬佢就避到，而d拳腳就被打個正著？唔make sense...
故事簡單直接，講Rain自細受忍者訓練但因為唔殺條女而背叛，
d忍者就追殺佢，最後佢打贏最後大佬，爆機。賣點唔係故事，
係Rain同埋d所謂暴力美學。不過佢初次執行任務果幕樣衰左d，
應該迅雷不及掩耳盜鈴之勢就殺左個目標架嘛，點會糟到反擊，
仲要打到好似爛仔交咁。

呢幾日都抽幾個鐘執，老實講，無腦掉得o既早就掉晒，
剩番o既係d有小小價值，要夠狠心先消滅到o既野。
邊d要掉邊d留低，冷靜咁衡量一下呢樣野o既存在價值，
A.以件野日後仲會唔會用得著為理由：好多野都仲有用，
不過唔知幾時用得著，長期hold住係度相當浪費空間，
心諗，件野又唔係貴，到時要用果陣再買番都得姐，
擺左係度十年都無用過，我唔信下個禮拜會拎黎用囉。
唔理啦掉左先！將一堆仲用到但好耐無用過o既都掉晒。
B.以日後同人分享為理由：件野日後同人分享有意思咩？
其他人會欣賞咩？掙扎完一輪後都掉埋啦。
唔係講笑，掉下掉下都耗左十幾廿個鐘(當然分開幾日)
d時間就係用左係分析物件o既存在價值同埋執拾度。
假使有日要裝修或搬屋等，呢十幾廿個鐘都係走唔甩o既。
要掉o既始終都要掉，反而衣家掉左第時唔洗咁闖拙，
所以今日用左o既十幾個鐘他日就可以執少十幾個鐘 :D
都唔算執左好多，釋放出o既總空間約3個7-11微波爐啦，
有待繼續努力......

中四時候的作品，表達手法較似聾貓，一版會畫十多格，請由左至右觀看。
當時沒有用鉛筆作線稿的習慣，一落筆就是百樂Hi-tech C針筆了。
那份不出錯的自信現時漸漸失去了，現在每次作畫時都用鉛筆起稿...是退步了？

紙巾可謂每個家庭必備，不論飯前飯後、傷風、清潔污跡、抹汗、
止血、行房、如廁、除蟲等都須要紙巾。

在下較buy紙巾盒，貪佢唔洗自己cut格，試問滿手污穢o既情況下，
仲用手去cut紙巾，咁下一格紙巾咪沾污囉。然後下一次用又再沾，
惡性循環也。部份牌子cut位造功參差，經常cut唔到要蠻力扯開，
更甚者兩層更有前後移位等分離局面，手感惡劣。
紙巾盒每張都獨立設計，就算幾污糟o既手都唔容易沾污下一格，
自動reload，拉一格同時將下一格扯出黎，省去cut格o既功夫。
 
而紙巾盒亦有一大通病，當用剩20%時，往往失去自動連帶功能，
要自行伸手入盒內掘出來，亦同樣會令出口沾污。

記得以前麥記係可以自取紙巾，佢用一個金屬盒載住，內置彈弓，
無論你用剩幾多張甚至剩番最後1張，彈弓都會將紙巾推到最面層，
如果紙巾盒都有如此設計就完全解決以上問題。
行過精品店(如潮流特區、格仔鋪等)都有林林總總o既外掛紙巾盒，
有鬆弛熊、護舒保、牛奶盒、正骨水，款式應有盡有陳出不窮。
但就係搵唔到有內置彈弓設計，究竟世上有無呢總設計o既紙巾呢？
無理由我都諗到其他人諗唔到假？係我就注冊番個專利權量產啦。
如果有人見過咁o既設計請盡快聯絡我~ :D