25聖誕假，朝早就約左田中k帶架生出發往圓玄學院。
到左荃灣要答van仔上山，點知條龍兩條街咁長，
古計黎多6架空van仔都載唔晒，無計啦，答的豪上去。


去到一個古色古香o既地方，仿如坐時光機返回唐宋年間。
華麗o既瓦蓋建築物，連每條柱、天花版都滿佈雕刻。
地方比想像中大得多，有兩個場，得一邊有菊花展。

據田中k話圓玄o既花比維園花展開得更靚，
而且無維圓咁迫人再比d小黑五/小白隊爛晒d花... XD
不過醉翁之意不在酒，花我影得唔多，鐘意影風景多。
開放時間到5點，之後落左去尖沙咀諗住再影，
可惜多人到靜係影人頭，卒之入金禾打機了結整日行程。
順帶一提：金禾係罕有地唔係賭場o既機鋪

曾幾何時喝望過可以在網遊找到愛情，
若果真的交到女友，也不愁沒有話題，
最起碼網遊已經是一個很好的共鳴媒介。
兩人一起並肩作戰、一起闖關、一起陣亡，這不是很浪漫嗎？
再者，身邊也有不少真實例子靠網遊找到個不錯的伴侶。
其實於網絡上尋覓愛侶最低限度要通過四關，
第一，找個機會開始發展，並發展順利。
第二，看過對方照片後接受對方的樣貌。
第三，對方看過自己的照片後並接受自己的樣貌。
第四，相約出來後的真人感覺。
要過四關，其中一關跨了也不行，確實一點也不容易。
過了第一關在網絡上維持了不錯的關係後怕毀了這段虛擬狀態，
往往會不願意去第二三關。
然而，在上學中、工作中認識到心儀對像，一開始就已經豁免了二至四關，
不是更容易嗎？說白點，合則來不合則去，省掉那猜來猜去的過程。
況且今時今日網遊泛濫，不像當年RO全盛時期全港只得三五隻網遊，
今網遊普遍耐玩度不到一週，甚至官服在線人數僅百多連私服也不如，
人數少要找到對像的機會也變少，好不容易找到，她明天已經玩別的了。
這個年頭，要在網遊覓愛？難。

國內相當成功o既一個廣告，可以令我睇完再睇都噴飯！
首先，我地先認識一下咩叫金坷垃，睇睇片先~

無錯，金坷垃係美國聖地牙哥o既一項偉大發明，
金坷垃生產基地外面有5000名特種美軍手持狙擊槍重兵鎮守，
歷屆美國總統都要到呢度親臨拜訪，金坷垃影響美國總統選舉，
金坷垃國際總裁威廉伯爵與美國總統有同等榮譽，
金坷垃係美國國防部最高機密，一粒金坷垃等同一粒原子彈，
金坷垃以攝氏30000度高溫精密提煉，1公斤金坷垃原料高達500萬美金，
每日用3000架火車、1000艘貨輪、500架飛機將金坷垃運往全世界129個國家。
簡直勁到無話可說！再睇下呢個廣告！

兩個老外為金坷垃大打出手 XDDDDD
而且仲將廣告o既對白整埋歌，一週內已超越10萬次點擊率 orz

 

街頭超人hancock
未睇前單睇海報同trailar覺得呢套戲好搞笑，
點知後面一幕又整到要生要死咁，搞到感人又唔感人唔上唔落。

女拳霸
打落好似點到即止咁無tonyjaa果d拳拳到肉咁恨。
個女仔jajin應該唔多演得戲所以先安排個自閉女佢做，
咁就唔洗交咁多戲一味無表情係咁打就夠。
唔明最尾果幕d敵人比佢由三樓一腳西落街，
睇真d果d又唔似係公仔喎，真人黎喎，
三層樓咁高跌落地下，唔死都骨折啦。

崖上的波兒
套野話全部人手畫零CG，不過人手畫唔一定要d線歪歪斜斜吧？
間屋無一樣線條係直o既，玩緊魔獸咩？

水手服女生、日本刀，明明風馬牛不相干的，
但加起上來出奇地產生了酷斃的化學作用。
近年來的格鬥作品也經常滲入這種元素，
例如全智賢的血戰新世紀、遊戲Arcana Heart等。
這套o食靈 零雖算不上出名，卻是水準相當之高的動畫，
無論人設、動作場面、音樂、故事都非常出色，亦有接近OVA的作畫水準。
故事頭一話出現一堆偽主角群，連公式網亦配合這堆偽主角作人物紹介，
沒想到接二連三的領便當全軍覆沒，公式網隨後亦更改了真正的人物紹介，
這樣戲弄觀眾的手法可見其製作單位大膽的嘗試，暫時前無古人後無來者，
可惜有不少人看了第一話那混亂的安排給嚇跑了而錯過這套作品。
不得不讚其刻劃諫山黃泉一角的手法，冷酷眼神、殺人不斬眼的刀法，
散發出懾人的魅力，然後再來個倒敘帶出這邪惡少女背後亦有溫柔的一面、
傻氣的可愛和一段扣人心弦的姊妹情。