經過一晚努力，終於HR3了！而且還弄了整套迅龍裝，防禦力高了不少。
沒公測首日那種連不上線、斷線程況，在噗嘰豬伺服器遊玩也相當流暢。
昨天買了個$38的USB偽PlayStation2手掣，設定後操作跟PSP版一樣，
總覺得MHFO比MHP的難度增加了不少，是想迫使玩家們合力討伐魔物吧？
雖說我並不是那些可以單吃金獅，甚至不用閃光彈也能推倒崩龍的神人，
不過好歹也能單吃大怪鳥、甚至單吃桃毛獸王。(喂...那有什麼特別？
現在單吃野豬王也顯得粉吃力，砍了半天才能把它那厚厚的豬皮割下來。

今日的任務就是要進入伺服器，眾獵人們由6時博鬥到10時仍未有進展。
到了11時有部份獵人可以突破第一重圍，但到了創建角色時又被截住。
啊！！！敗給新斷線了。 

由尊特立華特同羅賓威廉斯兩個老戲骨上演一套老人與小孩o既喜劇，
通常都以抵死對白做笑位，可惜講英文，就算d野幾好笑都食之無味，
未能達到放聲捧腹大笑o既效果，極其量只係會心微笑。
如果要靠視覺或動作達到放聲大笑起碼要好似搞乜鬼系列咁，
只係影住條女優美o既沐浴中剃腳毛>剃鬚>剃加拿大毛已經足以噴飯，
或戇豆先生果種倒亂幽默，呢種級數o既笑位響呢套片裡面未能搵到。
故事講兩個事業有成o既老坑突然要湊細路，搞到七國咁亂，
仲爭d(定已經？)因為d細路而搞禍盤生意，亦令兩老坑反目，
最後當然和好同大團圓結局，老坑又贏得細路仔o既歡心。
單睇橋段唔吸引，以我一向o既作風呢類戲唔好話入戲院睇，
電視做緊都轉台，不過朋友有優先場免費飛入去輕鬆2個鐘感覺唔錯 :)

前日先踩完黎，未夠喉，今日再踩過，燃燒脂肪吧！
朝早k即慶咁打電話黎問去唔去踩，二話不說就出發了。
又係佢係筲箕灣上682我係樓下巴士站捕定同一班車，
本來天衣無逢，點知佢架車去到西灣河拍埋另一架682，
到佢架682埋我個站時飛站，被迫上另一架，整定o既。
亦因為咁先有機會係682 o既路程聽收音機，
先知道東區海底隧道同大老山隧道係收唔到，
之後出到沙田第一城唔知係咪大氣電波稀疏，
全程都好沙，始乎沙田區好難聽收音機喎...
到大水坑食個午餐後就出動，路線同前日無乜大分別，
不過都要衰係d欄路位擦傷右手，d欄路位認真靠害，
最賤係落大斜灣前整幾條柱，迫你要係斜位起步咁高難度。
由於今日唔係多人，租單車只係20蚊，答車來回40蚊，
計埋食飯30蚊全日消費100蚊有找，算係咁啦。

好耐都未試過玩得咁放咁開心，朝早11點約埋迪迪同k答682到馬鞍山，
再到新港城商場同大班朋友會合，食個必勝客再去大水坑單車公園租單車，
沿住城門河一路踩，一邊飽覽鄉土風味景色，輕風迎面而來，好舒服。
第一次踩咁遠路程，為我人生僅僅六個鐘o既單車車齡增添多兩個半鐘。
仲係單車苦手，落斜灣一個煞車不及跌低左，幸有驚無險只係擦花左手心，
好在著住長袖衫長褲，唔係o既話成個手臂同腿都應該花晒...

然後大班朋友落旺角ceo newway唱k buffet，以前唔多聽本地流行曲，
一到唱k都頗納悶，坐埋一邊自閉，呢一年間番工日日聽903終於派上用場。
對於09年度o既新歌(尤其是派台作)絕不陌生，投入度大增。
例如唱到陳柏宇o既I'll be loving u，果下「何苦嗚x18」大家同時一齊嗚，
成班人一齊爆笑，未聽過係唔會有呢一下共鳴。
古唔到我唱I love u boyz o既顧家會惹來全場歡呼，原來好多人未聽過，
之後玩野點日文歌，三一萬能俠、聖鬥士星矢主題曲，
我諗緊個MV係沙灘、瀑布定係馬車，點知兩首MV都係用CG整o既人造衛...
開心都有代價o既，午餐100單車30晚餐20唱k200車錢全日消費差唔多400。