近日爆發豬流感，搞到食豬肉都驚驚地。
不過食朱古力係唔會感染豬流感，唔食得豬扒就食朱古力啦。 XD
食朱古力有減壓作用，寒冬食更有提升身體熱能之效，
當然都奉勸大家一句少食多姿味，多食好易肥。 (引言？)

小弟向來有鋪食朱古力癮，行過些粉、零食店見有新品種都會買黎試試，
對品賞朱古力都有一定研究，講到買朱古力好睇彩數，
以大路品牌金莎為例，新鮮o既金莎裡面o既朱古力醬係半液體狀，
半徑咬落去將其切開時係有汁尾如尖角般順住牙齒方向掘起，咁為之新鮮，
一般而言銅鑼灣Citysuper、太古城Apita等超市賣o既貨品多屬良品，
某d店鋪保存環景不佳，如些粉、OK，門口長期大開入晒熱空氣，
除非新入貨，不然多數都係劣品，表層朱古力色較淡，裡面o既醬逞固體，
無咁爽口無咁甜，質感差幾個層次。不單止金莎，另一大路品牌繽紛樂亦然，
由於密封式設計，購買時亦無法從包裝睇得出係良品劣品，真係靠撞。

遲到係抵插我認，慶就慶在佢對人唔對事！
連續幾個月我都係公司design部最早番果個，
突然有兩日佢地早番過我就插我？咪玩啦。

唔係好鐘意玩呢類遊戲，玩到反晒面咁，氣氛好差。
「比錢丫！」「你呀！你四千蚊呀！」好似真係爭佢錢咁，
玩Game炸，唔洗咁肉緊下話？

煩忙時間金鐘站轉車可以排4班車都入唔到，有無離譜D？本來答地鐵好處係快，奈何4班車我當佢兩分鐘一班座底都拖左8分鐘。入到之後當然係聞格拉底，係迫到電話響想用隻手伸入個袋拎部電話出黎o既空間都無。

側漁涌轉車去觀塘做乜要兜去油塘？西灣河去筲箕灣洗唔洗兜左去柴灣先呀？佢真係妄顧東區去觀塘區番工o既人感受，兜咁多寃枉路。係要整油塘線就係側魚涌站開多個月台啦！去觀塘還觀塘油塘還油塘，米浪費我地時間。

賺埋賺埋咁多錢，一日平均人流幾百萬，每人幾蚊車錢都幾千萬。左慳右慳，又咩節約能源熄埋扶手電梯。咁又點？吹得佢賬？你唔答仲有大把人答。

係戲院睇，睇VCD，係電視播，唔經唔覺《功夫》呢套野已經睇第三次，周星馳自少林足球後一套比一套唔好笑，搵唔番《逃學威龍》果種由頭笑到尾o既快感。《食神》、《白面包清天》、《唐伯虎點秋香》果種高轉數唇槍舌劍式台詞亦不再。
刻意賣弄電腦特技，可惜做唔到荷里活o既級數，變得兩頭唔到岸。selling point只有周星馳呢個名牌，再咁落去呢個招牌怕且保唔住啦。
要讚o既係《功夫》片中分鏡手法甚考心思，差館一樓pano到二樓、琴音將貓影斷開、神鵰俠侶坐入斧頭幫架車入面等都經過精心佈局，不過官能刺激唔夠佢o既鐵舌功咁深入民心。
係呢...睇左全套戲好似仲未知周星馳戲中叫乜名 =_=
從周生近期作品睇得出佢只想表達自己想要o既野，賺夠啦，賣座與否唔再係考慮因素。《功夫》又大顯主角威能，最尾關頭例開金手指，同《食神》一樣幾乎不勞而獲，無點下過苦功就得到絕世武功，仲要比佢溝埋女，財色兼收，世間最美好o既事莫過於此，係戲中實現晒佢o既夢想。