「你認為分勝負重要丫定還是同屋企人食飯重要？」

係梁朝偉套葉問仍然係只聞梯聲時，甄子丹o既葉問2已經有trailer睇。
丹版葉問都睇左兩次，具速度感o既拳來腳往、華麗o既動作叫人眼前一亮。
單睇trailer講述佛山輪陷落香港o既葉問一無所有，為糊口要開武館，
糟其他武館阻止，連洪金寶都打埋一份(又一賣點)，最後又係雷台打鬼佬，
咦？咁有李連杰霍元甲o既影子？不過唔理劇情抄唔抄，都係視覺享受為主，
睇動作架嘛睇故事咩？剩睇丹迅雷不及掩耳盜鈴之勢o既拳風都值得期待，
其實個logo都好有猛如龍o既影子...

鐵拳電影版

鐵拳又係一隻動作華麗o既格鬥遊戲，唔係自己玩只係睇人玩都可津津樂道，
相對葉問鐵拳電影版o既打鬥就略嫌遜色，畢竟武打戲始終係香港人o既強項，
不過有玩開鐵拳系列情義結上都想睇下電影版會係點，人物造型方面，
居然係外國人飾演風間仁同山島一八父子，凌曉雨係kill bill果個學生妹，
最似o既應該係Raven同埋吉光......

幽浮：「我去打吞龍了」
莉央：「路上小心~」

夜半同朋友傾電話，傾開某d電影o既演員已經唔存在，例如哈利波特飾演登不利多校長o既演員已經過左新，係唔知第三第四集換左人飾演。Martrix飾演Oracle o既婆婆亦係拍攝第三集前已故，第三集刻意加插一幕新演員Oracle問Neo仲認唔認得佢「其實樣貌呢樣野無意義可以隨時改變」黎交待番點解唔同左樣。環珠格格入面個香香公主拍攝完後亦意外身亡。又傳聞以前宣傳易一旅行社廣告o既演員，拍攝廣告之前已經死左(囧？)，講到呢度就講起轟動一時o既九港鐵路火車鬧鬼廣告，相傳拍廣告果d小朋友全部死晒。當年小弟只係讀緊小學五六年級，果陣提起呢件事都會打冷震，對於小朋友黎講都咪話唔驚，不過人大左就會當趣事去研究，上年都仲係公司開youtube睇番段片，仲一班同事一齊討論，就係度粗略咁講下件事啦，個廣告係影住一班細路係度扮火車行，播住d好鬼異o既音樂，全個tone都係陰陰沉沉。後來有人發現有個細路咀角有血，又話踏人博頭個細路有又長又尖o既指甲等等，越傳越多奇怪版本，電視台都禁播埋。細個果陣唔敢睇個廣告架，亦唔知個廣告靈異之處，係youtube睇番留意到，我地仲用番慢鏡重播番，原來企最尾個小朋友行行下後面多左一個白色衫o既細路女，跟住個鏡頭影番個火車後面係無果個細路女，呢d就真真正正係個廣告可以睇到o既野。用理性o既角度去分析，其實個小朋友咁arm就到個角度遮住左後面個細路女姐，唔係後面突然多左個人，之後睇番佢地背面點解無左個細路女，因為根本就係兩個鏡頭唔係一take過咁拍，即係佢地拍第二個short時埋位企錯位，d小朋友一向又亂黎架啦，導演心諗聚眼睇唔覺姐，無人會咁得閒理會d次序掛，咁就出事啦。平心而論，如果佢拍個廣告係藍天白雲再黎個好sharp o既綠草地，比人一種活潑o既感覺，就算真係鬧鬼都無人覺。仲好衰唔衰整埋d咁鬼異o既BGM，家陣拍殯儀廣告咩？我都明白佢係想形造獨特氣氛，真係比佢造到啦，d小朋友又神情呆滯好似咒怨咁。諗起周星馳係食神入面鬧歐錦堂果句「神秘感我神你老尾，家陣唔係拍恐怖片呀。」
講下身邊o既朋友就呢件事o既小插曲，當日係公司睇番條片，個senior仲話佢細個比鬼擇果陣不斷響起呢個音樂(囧！)。我個朋友就話以前放左學睇美少女戰士中間插個咁o既廣告佢即刻擰轉面唔望個電視，又係錄龍珠果陣錄埋呢個廣告，即刻連餅帶都掉左佢。乜TVB咁大整蠱呀？係兒童節目時段播呢個廣告真係明陰你姐。

好耐之前就想睇下戰狼300，不過PPStream一直都search唔到，
今日開PPStream先發現追加左戰狼300。
描述斯把達人點梟勇善戰，故事結構簡單，主要都係睇戰爭打鬥場面。
一開始就講斯巴達年少要受地獄式訓練，然後就波斯帝國入侵，
國王唔屈服開戰，以300壯士vs千萬大軍，以寡敵眾亦搞得掂，
畢竟史詩式電影唔可以好似Gndam咁開金手指，最後亦力揭陣亡，完。
睇過o既戰爭戲中，兵法方面赤壁o既扭橋算最精彩，以鏡盾反射陽光，
令敵方座騎東歪西倒最令我印象深刻，三國戰略好多要天時地利配合，
從而表現出軍師對天文學o既理解。戰狼300只有少數計謀類，巧妙性較低。
以窄路地形令千軍萬馬唔能夠包圍佢地，戰地近海可以將敵軍推落海等，
戰士多以硬食去抵抗，賣點係胸肌同腹肌，所以佢地著咁少布。
最後波斯王要求斯巴達王臣服於佢o既淫威下，斯巴達王假裝屈服，
棄下頭盔拋下圓盾，冷不防一個槍投飛向波斯王，真係唔見得佢幾光明磊落，
但旁述就話佢卸盔為左睇得更清，棄盾為左減輕重量，令佢能專心投槍，
暗箭傷人就暗箭傷人啦，講咁多野黎包裝佢o既陰險，開頭殺人地d外交使者，
已經係一種無品o既行為。
斯巴達國王、王后從衣著上睇唔出同平民有乜分別，住所亦華麗欠奉，
或許歷史上斯巴達的確係一個貧民窟，製片商只係如實地表現出黎，
不過少左金縷玉衣o既包裝相對地亦減低左製作經費吧。