如果個樣一樣，比你簡你會簡港女定宅女做女朋友？仲洗問o既？
一定係宅女！早幾日睇facebook有個女網友post佢鐘意睇薄櫻鬼，
當中有個回應話：「你變番港女啦~唔好做宅女啦！求求妳Orz」
What？宅女有咩唔好？起碼鐘意動漫鐘意打機有多個共同話題啦。
港女有咩共同話題？手袋？名牌？化妝品？乜男仔會有興趣咩？
見d仔帶女入機鋪打機，條女坐隔離睇小說個心諗「打_完未呀？」
但宅女就唔同呢，佢仲會同條仔打埋一份，仲情侶檔拍住上添，
呢d女先係可遇不可求呀！唔識貨。

(名字經過特別處理 XD)

都未到暑假但呢排戲院都上映好多大作，原因係唔想同世界杯撞，
聽講到時戲院都播3D賽事，呢期當然係iron man v.s ip man啦。
ip man第1集就睇左，但iron man就未睇，所以都係pps補完一下。
個主角(唔記得叫咩名)同其他英雄唔同，佢既無超能力亦唔好打，
基本上鐵甲奇俠比較似蝙蝠俠，有錢有地位又風流，亦要靠科技，
唔同o既係鐵人無受過忍者訓練，最大分別係佢唔介意公開身份，
要著左盔甲後先變超人，電影第1集大部份劇情都係講點樣做件甲，
姑且就好好欣賞一下高精密o既儀器及果種zip zap聲o既機械感。
不過個人認為盔甲開發o既比例佔太重，連果d試飛失敗都有幾次，
不如乾脆粗略帶過開發過程，慳番o既時間用黎砌多幾件蛋散仲好。
最唔應該發生o既劇情係個壞人可以靜靜雞行入去佢寓所施以偷襲，
難道佢咁醒連呢d小小o既保安系統都唔做咩？(唔係咁又邊有戲做丫

我幾時都話呢d大作點都要入戲院睇一次，奈何係搵唔到人陪睇，
好多都同條女睇，要睇o既一早睇左，一係未睇o既亦唔想去睇。
向來唔介意一丁友到餐廳品嘗佳餚，但好介意一丁友去睇戲或唱K，
尋日搵個舊同事出黎聚一聚，原來佢都係想睇但未睇，即刻扑鎚！
由上年聖誕話要睇直到今年過埋復活節終於得賞所願。話時話，
套野上映左差唔多都半年，記得十年前佢o既鐵達尼號都上映左1年。
係尖沙咀國際imax睇，門票$170，都算係偏貴，但係貴得有價值，
呢間d 3D同其他戲院o既係唔同級數，呈現到係你眼前o既距離感。
個銀幕約有4層樓高，坐得太前一定睇唔晒全個畫面。
男主角係熱血日本動漫式發展，一開始乜都唔識最後變左天下無敵，
睇住佢慢慢成長，仲要贏得美人(?)歸。故事好一般，唔多扭橋位，
不過呢類故事係睇得幾開心o既，唔係靠特技勁Avatar只係交行貨，
又難怪會輸比拆彈雄心o既。
好多科幻片多數係外星文明襲擊人類，人類係弱勢果邊，呢套相反，
人類變左天煞，船堅砲利，阿煩達人對地球o既飛船射箭當然吉唔入。
最後亦離唔開弱勢出奇制勝o既結局，不過有d鏡頭阿煩達開金手指，
有乜理由幾枝機關槍密集式橫掃射仲可以比d煩人跳到上架飛船度？
不過唔係咁又邊有戲做。積被阿煩達人排斥，為左要駁得佢地信任，
要做大怪鳥(?)騎士，我反而想睇佢點樣純服隻大怪鳥，佢又無交代。
仲諗住係4D影院睇張凳會震或有水曬落之類，只係爆炸腳位有風吹。
d人一向都sell Avatar個世界觀勁，仲諗住見識前所未有o既新領域，
不過佢一草一木都base on地球o既野，唔同o既係棵樹大d、飛行島、
發光葉、光纖樹同埋d奇珍異獸，感覺上唔夠創意可以再整得異界d，
同埋佢連d貼係個櫃門o既相片裡面d野都要3D埋呢度好怪，係高科技，
可以話係立體定格硬照o既，不過唔立體自然d囉。

不是魔物獵人，是螢幕獵人。說穿了其實是找錯處，類同photo hunt的遊戲。
在螢幕前面擔當錯處的獵人吧！每幅圖有3個錯處，找齊3個錯處就通關，
別忘了留意時間計喔。暫時圖片數量較少，稍後會追加更多圖片，切勿錯過~

十年前我可是街機touch screen的photo hunt高手，一座下就玩過百幅圖，
當時的界面99幅是極限，一過百幅數字顯示就爛掉，200幅和100幅也沒差，
銅鑼灣灣仔區、柴灣區、旺角區的photo hunt我也有簽過名。
玩最久的一次差不多兩小時，應該是500多幅，平均兩三元也可消磨半小時。
其實不是我眼利，而是靠記，玩多了就重覆。每次表演也令朋友嘆為觀止。
為何能500幅？不是計時棒完了就落閘嗎？通常30幅左右已到盡頭，是咁的，
當時的倒時系統只要及時按了錯處就有無敵時間，即使剩一格也能撐半天，
可惜01年左右該公司的photo hunt換了新系統，應該是消除了無敵時間，
時間到了即使按了錯處亦強制落閘，只此後我也淡出photo hunt界了 XD

網址： http://yufo.net4hk.com/monitor_hunter

看到朋友的繪圖意境很好，偷來練習畫背景。
好像欠了什麼...樹海應該有棘龍吧 XD  


派生系 - 樹蔭下的魔女
把月光下的魔女用photoshop調一調色，加強了光線的表現，
出來了樹蔭下的魔女(亞種？)，喂~~你要睡到何時？天都亮了。