前文提及過在下係視覺重視，寧願廢都唔整上位國民混(水桶粒頭大肚腩)
上到百位o既國民混裝雞霸混又係惡搞，上重下輕唔平衡，完全唔match，
感覺就好似上身著西裝下身孖煙通踢拖咁，屁股插幾條雞毛唔知想點，
最慘男裝o既櫻火R腳仿如燒雞比，嘔心程度達5粒星。

衣家在下用緊套又實用又唔肉酸o既銀霸SP混，雖然無雞霸混高耳高磨並存，
但防比雞霸混高其他技能亦一應俱全，在此分享一下。 XD

SP頭、霸龍身、迦樓羅手(銀火手技能一樣但防低40)、霸龍腰、銀火腳
插：剛力珠x7、匠珠x1、怪力珠x1、SP珠or剛力珠
發動技能：攻大、見切+2、鋒利度+1、火事+1、SP技能(SP通常有2技)

頭部可以換SP帽靈活變通，整定幾頂SP帽，因應唔同o既情況而換唔同技能，
例如打白眠鳥換強腰SP，雙刀慳強走換，要高耳+火事換貓耳+剛力珠等。

一年內總有幾個月係要糟受電鑽威脅，A戶裝修完就B戶裝修，B戶裝修完就C戶，
C戶裝修完又A戶又再裝修，有D業主仲要得閒到租完比人後即刻再裝修過。
今日就係正隔離，嚴重到就算聾o既只要腳踏地版腳版底都感受到震央。
電鑽長鑽都無乜所謂，起碼會慢慢適應到，最慘係鑽一分鐘停幾分鐘，之後再鑽過。
真係咁多野要鑽咩？

日本動漫常以幕末為題材，同時期辛亥革命亦係唔少華人電影o既題材。
確實呢類近代史加適量調味料唔難塑造出傳奇浪漫o既味道。
電影宣傳時話耗資幾多億答o既場景，加上星級陣容鼎盛，有胡軍、張學友、
梁家輝、謝霆鋒、范冰冰、甄子丹、黎明、曾志偉、任達華，其他唔多識。
不過古唔到張學友出場唔夠十秒就領便當，任達華戲份應該唔多過5分鐘，
謝霆鋒嚴重kai化，結左婚唔再走流星蝴蝶劍cool爆殺死o靚妹路線掛。
甄子丹都kai左，唔係特別好打，最後居然係比馬撞死，宇宙最強去左邊呀？
有個類似姚明o既物體，仲諗住會耍下d咩少林功夫，都係以蠻力為主，
最好打果個居然係黎明，用鐵扇打百個刺客，鐵扇表現略嫌唔夠封利柔刃，
應該做到好似日本刀果種轉幾野d人噴晒血倒地，黎明始終唔係打戲o既材料。
由頭到尾都狂派便當，不過追求華麗o既視覺打鬥呢套戲始乎只係僅僅合格，
睇番李連杰或甄子丹系列啦。
故事黎講，好多義士烈士其實為乜而戰到佢陣亡果一秒都唔係太清楚，
謝霆鋒只係效忠少爺，甄子丹只係為左比佢個女知道邊個係佢老豆，
姚明(?)一界粗人就盲目愛國，佢鬼知孫中山係乜咩？方紅純為續父之路，
黎明就更加不明不白，真係為左把鐵扇而賣命？革命？who _______ care?

呢段片相信好多MHFO玩家都睇過，睇過o既無不感到熱血。
利用龍擊砲造出迴避、截停火車、背向敵人攻擊(背擊砲)等行為。


呢段片比較新，正常檔格後被彈開，令到同魔物有一段距離，
佢地將檔格操得出神入化，檔完後反而同魔物拉近左距離，
亦可以檔完後馬上攻擊，原理不明，唔知係咪檔果下轉向定點樣。
呢下亦有個叫Moonwalk o既名堂，向後行o既動作但向前移動。
其餘仲有龍擊砲唔打飛隊友、火燒霞龍利等。

假如有一日個friend同你講：
「咦？你又有玩xxx online架？」
「係呀，衣家Lv7X」
「哇勁喎，一齊打XX王啦」
「好呀。你咩server架？我ser A」
「我ser B......」
「@#$%xyz^&*!!」
如果世界大同你話幾好呢......
我都明白一個server負荷唔到咁多人，技術上係好難做到。
咁用分流囉，一個server整一百個分流都得姐。