兩年前曾經做過駱克遊戲機中心o既場務，
而呢間機鋪早係今年五月結業，為左緬懷過去，
整左個模擬世界可以係入面自由行。
以前經常光顧我店o既機友對此情此景應該唔會陌生~

(preview)

題外話：d朋友睇完話：「哇！好勁呀！咁都比你整到。」
又話我有才華，又話女仔鐘意有才華o既人，又話我實溝死女，
sorry囉，我敢保證呢個講法係假o既！因為我咁多年黎都係單身。

好吸引，唔計個觸控功能，靜係個外型都夠殺食。
今日行經旺角見到周圍都有得賣，
不過問過個店員，佢話唔支援PC，
就算mac機都要OS10.4以上先用到。
個mouse真係得個mouse，用藍芽無usb，
如果部mac機本身無藍芽就用唔到，
個店員仲話佢地試過用外置藍芽發射器都suport唔到，
兼容度之低冠絕同類型產品！咁姐係無用啦~

一年一度的舞火龍大會乃香港僅存的非物質文化遺產之一，已有百多年歷史，
今年在下也到大坑欣賞這麼有意義的活動。
相傳1880年中秋節前夕出現一條大蛇四出作惡，村民合力把蛇殺害置於木屋，
怎料次日蛇屍不翼而飛，繼而大坑發生連番瘟疫。當時有道士說此蛇乃海龍之子，
因此海龍要降疫症為子報仇。所謂火水相克，村民相信海龍怕火，
認為舞火龍能把海龍嚇走。舞動火龍後，疫症真的消失了，
自此每年中秋節也有舞火龍儀式奉行至今。

看完火龍，稍移數步到維園又有綵燈大會，節目一浪接一浪。
綵燈大會更請來清新的搖滾民族歌舞團載歌載舞，好不熱鬧。

要舉牌就是這時候了！(可惜當時我沒有牌 囧rz)

一直以黎都最怕產品間揭性失靈，無法預測下一次失靈o既時間。
手機用用下restart、遊戲機玩玩下hang機之類，
因為要長時間用先發作，拎去整時又好地地。
維修就算修唔修理到都收你錢，show比你睇就無野，番去用耐d再出事...
件野用得又唔想買過件新o既，所以幾時都話寧願佢壞得雲巡。

最近上網就出現間揭性斷線，唔知係網絡供應商果邊唔穩定亦或個modem出現問題，
又或者部電腦張lan卡接觸不良，好多可能性...
(網絡供應商唔穩定就好唔得啦，一日半日斷線就話姐，家陣隔日都斷幾斷，
月費最貴，上下載速度最細，仲要上網咁廢？)
如果客服黎到先正常運作咁就可能搵唔出原因。
call客服都唔係一件易事，平時放工客服都收工，真係要請假先可以在場觀察，唉∼

你有無試過無野做時、答車途中、臨訓前構思一個故事？
你有無試過構思完o既故事會將佢以小說/漫畫形式output出黎？
唔知呢種行為係唔係「藝術家」o既行為，自己就覺得無乜咁特別。
不過我的確問過好多人，佢地o既答案係「無」。
我覺得創作一個故事幾有意思丫，有時睇完套好o既電影、動畫、劇集，
都會以果個劇本做覽本諗一個「外傳」，都好好玩。
會唔會因為唔係人人都能文擅繪，個故事唔output出黎等於白做，
所以索性諗都唔會諗？

我一諗到個好好o既故事就會寫落黎，以好簡單形式寫左好多劇本，
故事題材有校園、愛情、武俠、科幻、搞笑乜都有，以短篇為主，
深信有朝一日得閒o既時候會將佢畫出黎。