昨天到新世紀廣場麵藏吃晚飯，
發現這個$20的沙律奄烈炒麵，
一層鬆脆可口的蛋包著炒麵，
表面再塗上軟滑可口的沙律，
一啖咬落去同時感受到沙律的香、煎蛋的鮮、炒麵的濃。

都幾大碟架，以$20黎講物有所值。
我d朋友見到都話「唉~早知叫呢個啦。」

最近玩番beatmania IIDX
當然玩最新o既15 style

好聽o既新歌黎講，TERRA出品係品質o既保證，
幾首都好好聽。

當然唔少得dm cross over o既歌啦，例如呢首

仲有太陽~T.A.I.Y.O~

每次玩Dazzlin' Darlin呢首歌，
隻眼稍到個MV就笑到o禁唔到掣 XD

個男人跳舞係咁扭扭擰擰扭屎忽，
其實佢跳得好正經，但唔知點解好好笑。

個MV係咁： http://youtube.com/watch?v=rRzWwIJW45g

今日食呢間叫東京o既日本料理，位於銅鑼灣金星樓上，
每位最低消費$60過左10點後所有壽司及刺身一律半價，
格局類似酒吧，算係廉價之選。
一來叫了杯「一步升天」，一堆煙霧從玻璃容器中間滲出來，
散發出的煙霧令餐桌有如天堂仙境，名字改得貼題。

飲過後...極之難飲！味道就像診所配出來的藥水般 =_="'

之後來了盤不知所謂的冷盤，把蝦、魚生、介辣等東西插入冰塊內...

口感不良，不太好食。

今日個天好藍，又係時候同d friend出去影下相，今次去o既地放就係長洲。
太平青醮搶包山搞旺左後多左商機，平安包公仔成為了長洲特產。

幾乎間間店鋪都見到，不過產品都有些微分別，唔同廠做掛。

包山擺設，幾精美丫~

林林總總o既吊飾

這個...好像跟平安包沒什麼關系......

電話繩又點少得？仲有印章。

抄日本o既手法，加d眼耳口鼻做埋吉祥物...
仲要寫潮語「包無O嘴或屈機」

長洲都幾多野影架

忽然會影下貓，長洲o既貓model好專業，見到鏡頭唔會閃開，仲擺埋甫屎比你打。

這是benz... XD

很精美的碗碟，唔知食一餐飯要幾多個碟呢？

橡筋槍、丫叉等武器都有得賣

這是大家樂的分店嗎？ =口="

近來追看的動畫有兩套，一是Macross Frontier另一套是Code Geass。
Code Geass的劇情相當有水準，主角魯路修是一個類似夜神月的青年，
同樣地有先讀的天才謀略，如死亡筆記的特殊能力，充滿野心的笑容，
不同的是他比夜神月有點情義，不會(暫時？)為求目的而無視親情/友情。
這一點比起月來說我更欣賞他。
故事高潮四起，節奏明快，不會像Naruto動畫般，煙霧散15分鐘 =_="
是一套令人有追劇衝動的作品，極力推介。
不過現在的Code Geass是第二季，要看的話請先看了第一季(全25集)
不然很多地方會看得不明白。