早排因房署發信撿控屋企外面仍未符合規格，搵番之前個裝修佬理論啦。
是咁的，出面仲剩番個前騎樓地檯蓋住下層簷逢。我地又望唔到鬼知咩？
我都要親自去對面座大廈爬上天台用單反影番過黎先了解到情況炸。
咁裝修佬解釋話唔知呢舊物體係屬於我地單位定係下層單位所以無理會。
唔好玩啦，你做呢行咁多年居然連呢d都唔識分？你唔知唔通我地知？
再講，小學生都明白，有問題當然要舉手發問啦，點會由得佢？
枉你話合資格，做出黎d野唔合格，最慘要由我地負責。政府要罰我地錢，
你仲好意思收我地錢？喂！如果第一次搞掂晒就唔洗再出呢筆冤枉錢啦。
今次話整完叫房署派人黎跟進，確定完全符合規格會發張証明文件，
早就應該咁啦！就算之後再發現有咩唔合規格房署都無得抵賴啦，
果陣又唔咁做，有心想食多筆？點會閉門造車？我地星斗市民邊識呢D野？
裝修佬話先收五千，完事後再比埋尾數總共七千五，仲未計上庭罰款，
呢獲野唔知仲要我地出幾多錢，計我話完事後索性唔比，你不仁我不義！
大佬你整出黎o既爛攤子仲要我地出多次錢去收拾，肯比五千你咪偷笑囉。
好啦錢財身外物，我媽息事寧人，比錢就比錢啦，講好左朝早9點黎整，
結果等到夜晚9點都未黎，喂，你係咪做生意架？咁無口齒o既？
我心諗快快趣解決啦，仲拖到幾時？月底上庭時呈上証書表明我地已跟進，
話唔定求個法官格外開恩可以輕判幾百啦。

以下係我2008年努力send求職信o既cap圖(yahoo mail個版面有限只顯示咁多)

大部份都無回音，有叫我去面試o既只有5份(計埋請左果份)
一間係d好似幾高級o既公司(想搵人設計果d年刊或單張)
一間係酒樓(設計餐單餐牌，仲要做埋接線生)
一間係青少年社區中心(設計康樂活動單張，最記得面試果陣仲佢地想要我設計有震撼o既感覺...)
一間係麥苗出版社，專出版益智兒童習作或暑期作業，都請左我3日試工，
佢地要求我砌一隻比兒童學習o既Game，係一個買賣遊戲，有幾件貨品唔同價錢，
整幾隻唔同面額紙幣，例如要買一個150蚊o既籃球，咁就要click一張100蚊同一張50蚊。
我都完全做到佢地o既要求，不過佢地拆開睇個程式碼唔係佢地想要果種，無被錄用。
跟住就係亙動媒體，請左。

我認，我係揀工做！我一心只想做文職或設計~
專業o既行業固然唔到我去諗，服務性行業及sales我無send去。

打電話比係G-zxxx做o既舊朋友得知又請左人，最近果期都無落招聘廣告。
5日制夢碎，只好再試下其他雜誌社。每隔個零兩個月send多次求職信，
話說之前做o既亙動媒體都係第一次send信去無回音，第二次send去先請。
八開先知G-zxxx兩個老細係GameWxxx開國功臣，後來因為GameWxxx老細忌才，
栽左佢地之後得到H-zxxx老細協助搞左G-zxxx(乜原來H-zxxx有先架？)

句句疾住晒好好玩咩？有無諗過人地落唔到台一定會有條刺？
比你贏左又點？多個仇家好咩？處處樹敵好開心？
唔知d人有心定無意，不過咁o既溝通方式恕我不敢苟同！
真係唔小心失言一次，都要收手啦，連續咁去就肯定唔比面！
好熟又唔同講法，不過呢種人我唔會同佢friend得去邊。
我從來都唔鐘意寸人，要開玩笑一定會以當時人以外o既野黎講。

我唔係咩野見工達人，唔係係度班門弄斧，失敗就難免，慶幸地失敗率唔算高。
只係純粹想分享一下。有時in果個會問「你對我地公司有乜睇法/改善地方」
呢度睇你有無做功課，好難答得出o既，答得好又拍馬屁答得衰又踩親人公司。
話說06年果陣見駱克遊戲城，徐生問呢個問題，我就答「地理環境比較隱蔽」
的確係事實，答到之餘亦無傷大雅。後來徐生亦講左一d見工o既心得，
當被問及自己有乜優點缺點時，答得好又好似自大答得差又自打咀巴。
徐生話「時間觀念準、唔會遲到」呢樣野係好基本o既野，但又可以應答到。
記得有個叫日安o既職員，見工果陣被問到點解想入黎做，佢答「唔知呀」
被問到有乜優點，佢答「無呀，唔知呀」答得hea爆，點請得落手呀？
但都係請左，後尾因為同顧客起爭執佢話要吹雞所以辭左職(好囧o既原因...)
所以話，係你o既就係你架啦，答得差唔一定唔請o既。
以上應該係服務性行業o既個案，之後做雜誌社印象中無被問及類似o既問題。
做雜誌時去蒸餾水機針水，聽到老闆in一條友仔，問佢有無睇wedding雜誌，
條友仔直腸直肚地答「老實講，我又唔係結婚，唔會專登去買wedding雜誌」
又arm喎，無端端點會走去買wedding雜誌？通常都係想結婚果排先留意下，
結完婚都唔會再睇啦。結果呢條友仔無被錄用，唔加咩意見啦，只係分享。
當然最後都要睇運氣，in果個有心留難，答乜都死。