睇完一頭霧水完全唔知佢up乜，做乜會入左異空間？
然後就好似練左幾廿年武功咁好好打仲識飛 XD
有無人解釋下？
明明個小鳥遊失左縱，之後打完又出番黎好似乜事都無？
佢唔知自己做過d乜？
最尾黑岩明明被鐵鍊綑綁處於劣勢，突然途手破開鐵鍊，
跟住小鳥遊又唔知做乜好驚，明明佔上風洗乜淆底？呢幕格硬黎。
不過算啦，睇BRS都只係因為d人設帥呆所以先睇，
就正如睇《狼與香辛料》重點係睇赫羅唔係睇咩野行商之道，
睇《棋魂》都唔係睇點捉棋(睇完都係唔識捉棋 XD)
不過劇情比想像之中膠左d，同埋係GL向，腐女可以唔洗睇。 XD
其實開頭無必要細緻交待黑岩o既日常生活(起身、刷牙、食早餐...)
亦無必要交待同小鳥遊由三唔識七點樣搭訕跟住friend左，
直接交待佢地本來就好friend都得啦，有d多餘。
應該要交待o既佢又唔交待，無聊情節又交到足... orz
動作都幾型，不過唔知係咪frame數唔夠唔多流暢。
片長5X分鐘，話長唔長話短唔短。

宮崎駿出品，哪有不看的理由？
這個名牌好比周星馳系列一樣，幾乎他所有作品我也看過。
這個《借りぐらしのアリエッティ》(暫未找到中文名...)

單看trailer應該是講述小人族(女主)跟人類(男主)懈后的故事...
男主又是宮崎駿系列典型的王子樣(幽靈公主、地海傳說那個)
不過按照慣例這種王子型的最後也沒跟女主在一起... orz
只是感慨地道別一番然後各走各的(剛才提及的兩套作品不就是醬嗎？

順帶一提，借片的主題曲叫Arrietty's Song，也是我聽第一次就喜歡了。
這是官方MV有興趣可看 http://www.youtube.com/watch?v=G7q07dyIsX8
沒想到唱的是看似年紀比較老的鬼妹......(為何是唱日文的？囧

終於整左呢把超速射神器，真係好爽！ ≧▽≦
就好似BIO HAZARD爆機玩二週目咁拎左枝火箭砲虐殺d怪咁爽~

(圖中o既攻擊力係無吹攻大同未食怪力種...

2月27號o既日誌已經見到o既武器，結果到琴晚先入手，差唔多等左半年 =.="'

今集恐怖在線請黎一位來自馬來西亞o既嘉賓講關於馬來西亞o既靈異野，
其中講到一單關於雲頂好出名o既case，呢單野之前係摩星嶺4號都聽過。
大約係咁，有對夫婦輸左錢漏夜離開雲頂渣車落山，突然死火，
夜晚條公路係渺無人煙，但佢老公都試下出去搵唔搵到人幫手，
並叮促佢老婆無論發生咩事、聽到咩聲都唔好離開車箱。
過左陣，佢老婆聽到車頂發出「啪！啪！」聲，佢都唔敢走出車箱，
如是者等呀等、等呀等，一個鐘、兩個鐘...等到天光都唔見佢老公番黎，
到朝早，好多車經過都用奇異o既目光望住佢架車，佢都覺得好奇怪，
跟住有警車黎左，個警察用大聲公同佢講「唔洗驚架，我衣家救你出黎！」
警察以迅雷不及掩耳盜鈴之勢將佢老婆拉出車，佢老婆都未知發生咩事，
望番佢自己架車，見到個著白衫長髮似喪屍o既人係佢車頂食緊佢老公條屍。
有人話係山魅食緊佢老公，科學d分析，應該係走失左o既精神病患者黎...
今集恐怖在線講o既版本就無人食緊，只係佢望番個車頂見到佢老公條屍，
不過係無左個頭......
另外又講馬來西亞有種長生不老巫術叫「樹宿」，係用d水晶之類殖入人體，
話當地有醫生幫個女士體檢，貌似三四十歲，睇番身份證原來七八十歲。

見facebook有人介紹leedeeradio.com o既山城搜奇，
專講神秘野、靈異、古文明、外星人之類o既節目。
我一向對日本o既野都好有興趣，咁arm有個topic就係日本傳說，
二話不說就開黎聽。
不過介紹o既傳說唔多，其中有個關於雪女o既故事，我覺得幾悽美，
故事來自一個叫青森o既地方，話說從前有雪女專襲擊男士吸取陽氣，
有一次，一名靚仔路經該地，雪女被其俊俏所動唔捨得吸而放過佢，
但要求該名男子要保守秘密唔可以同人講佢o既存在，唔係就殺左佢。
咁呢名男子就一直都守口如瓶無對外公開，又過左好多年，
該男子已有自己o既妻兒家室，過住正常o既生活。
忽然男士醒起多年前見過o既雪女，再細心諗，個樣有d似佢老婆，
咁佢就想同佢老婆講呢單野，佢老婆叫佢唔好講，
個男士硬係要講，原來佢老婆唔係似，根本就係當年o既雪女，
不過一講左就破左當年立o既盟誓，雪女嘆息佢做乜要講？
都相處左多年仔都生埋，佢唔講咪可以幸福咁生活落去。
如今雪女只有遵循破誓o既手段要殺佢老公滅口，想落手之際，
佢地個BB吱左一聲，雪女動左情，手下留人，但亦唔可以再同佢繼續生活，
慨嘆點解人類就係唔能夠遵守諾言o既生物？就咁離開左呢個家庭，
對呢名男士最大o既懲罰係失去愛人？定還是要獨力撫養孩兒(誤)...完
主持人仲話日本對環境o既保養做得好，去到當地亦感受到呢d傳說o既氣氛。