居然由夜晚9點練結他練到零晨2點，
唔覺唔覺就練左5個鐘...
不過都只係重覆黎黎去去果幾下，
仲未彈到柔刃有魚o既程度~

所指o既係包裝，本來繽紛樂包裝沿住右上個位撕落去，
有條膠絲帶幫你將包裝界個開口位，好整齊。
日前買o既繽紛樂係無左呢條絲帶，搞到要暴力地從後突入拆開，
上面撕開只係撕到一個角仔，無咁方便 sosad
新包裝就偷工減料，d朱古力有無偷工減料就不得而知啦...

一條長約10米左右o既馬路，將佢隔開兩段，各有紅綠燈。
第一段綠燈時第二段就紅燈，第二段綠燈時第一段就紅燈。
兩段綠燈完結後兩段都會出現頗長o既紅燈時間。
遵守交通規則o既話，你係第一段路，首先見到紅燈緊，
咁就等啦，之後第二段路綠燈啦，係第二段路o既人可以過馬路，
行到中間位，但係第一段路o既我依然紅燈緊，繼續等...
第二段路綠燈完到第一段路綠燈，但第二段路已經紅燈，
我就行到一半卡住，本來第二段路o既人亦順利過埋第一段路...
太唔公平啦，點解佢地可以順住個燈勢過，反方向就卡住？
然後第一段路綠燈完，兩段路再次進入長紅燈狀態，
只係一條唔夠10米o既路，要等兩次紅燈，幾分鐘先可以過晒？
偏偏答77號番工一落車就要面對一段咁o既馬路，
而放工亦唔會行去果邊，即係長期只可享用呢個燈位唔方便o既一面。
諗起都扯火！

我話想睇royce隊band表演，佢完全無托手掙。
咁近距離接觸夾band都係第一次，
貝絲結他每彈一下都感覺到侯龍係度震動...
演奏左多首X-japan、L'Arc~en~Ciel等歌，仲有Glamorous Sky...
居然有條友彈「想節能輪呔能」個廣告歌，
我真有錄段片扮古天樂o既衝動~ XD
不過主音好似唔夠力，比結他聲蓋過晒聽唔清楚佢唱乜，
聽講係佢個M唔夠力。

無乜劇情，一句講晒，睇兩個英雄點整停一架失控o既火車。
其實幾精彩，無冷場。但睇字幕不斷出現男性生殖器官字眼...
不過我遲左半個鐘先入場，無收飛就咁走入去，
睇完套戲張卷都仍然完整保留...