雖然搵到一份理想o既工作，但係食唔住份工。
又換新凳、換新電腦，不過都無歸屬感，feel到坐唔長。
首先，錯在一番工就咳足一個月，錯失建立形象o既社交黃金週，
一個正常香港人o既心態，同你三唔識七，真係個個都聖人咩？
咁咳法當然會對你有戒懼之心驚被傳染。
印象分大打折扣，衰運囉，病呢d野邊個想假？
同個同事傾左4個鐘電話，先知原來仲有第二個原因，
話說前公司都有個同事又叫elaine(9月29日誌都有講)，
我係facebook出post笑舊同事畫d野kai(我不嬲都係咁)
點知細ken唔知從咩途徑刮我facebook想起我底，
(有幾個方法，係G-zone個group或emi、tsuki共同朋友)
咁arm比佢見到呢個post，forward比呢個elaine睇。
跟住幾個月黎呢個elaine(上司)都對我黑口黑面，
憎一個人o既時候，佢做d乜野都睇唔順眼架啦。
又話我唔聽命令嫌三嫌四，其他同事求名節保身疏遠我，
一齊排濟我，個雪球就越碌越大，跟住連份工都無埋。
真係好小氣囉！因為d咁無聊o既原因向我復3個月仇，
所謂最毒婦人心就係呢d，你第一個月炒我我都無咁興丫。
有機會解釋咩？無架！呢d野收收埋埋都係我離開左先知。
如果我無frd底，或許永遠都唔會知件事o既真相。
正所謂facebook害人不淺，經過今次o既教訓我信晒啦。
一個細ken，暗戀elaine想要係佢面前做d野討佢歡心，
呢個社會就係咁黑暗，唔一定係你做錯d乜，
有人會踩住你個頭為左上位，有人會為左d雞毛小事致你於死地。
最後，亞亮(老細)都同我講「你係做得野o既，
不過係有人唔想你留低，呢個唔係你o既錯，
就當拍拖咁，分手無原因架，你o既離開都係公司o既損失」
條氣順番d，勿論老細係真心定場面語，
都炒人咯，想炒咪炒囉，仲洗乜同佢客氣？
今次堅傷心，如果前公司果d低薪高工時o既爛工，
炒左都唔會有乜感覺。
衣家份工論工資、工作時間、地段都相當理想，
仲要對住d一向有興趣o既Game，先黎炒。
elaine、細ken，你開心啦！令人失業好有滿足感啦！
鬼唔望你地有朝一日都係比人陷害保唔住個飯碗！

差唔多已遺忘o既冬天感覺，冰冷令手指疆硬。
幸好今日放假，能夠全日留係屋企冬眠+打mhp3。

最近迷上mhp3 o既長槍，尤其是佢o既反擊。
mhp3最大吸引力唔係過到任務，
係征服到洪水猛獸，唔受到傷害同時攻擊怪物，
長槍更能比到我征服魔物o既成就感。
將風牙龍o既鐵山靠檔住同時繼續攻擊，
火龍擺尾時擋住繼續攻擊，爽呀！
換著我用太刀要等佢出完招先再衝前斬兩刀，
(當然我諗技術高o既神人係可以一邊迴避一邊斬)

呼~飲杯熱飲先~ (=v=)

全公司差唔多上上下下都玩mhp3~

衣家d隨行貓o既裝備比主人仲勁，你睇我果兩隻愛將，
一隻雷狼龍裝，一隻毒J裝，主人仲係著緊狗裝炸陰公(淚目
不過d貓裝確係靚到爆 >v<

繼同朋友copy道具之外，有無限擦端材o既秘技，mhp3又少左樣缺錢o既煩惱。
只要身上有換端材o既料，換完之後o禁start睇番自己身上o既item無少到，
重覆換幾次雌火料，已經有幾組端材，一組賣一萬四千幾，
5針就擦到幾萬，最衰d勁怪o既料都仲係幾舊幾舊，如果有幾十舊仲更加快，
力符防符都買晒，以後出任可以盡情用道具了~ XD

進度：終於草齊一套紫裝啦~
可以出去同人夾機唔洗咁易累街坊~ XD
全套防都有60，攻擊力up小、回復速度小仲有個唔知咩野捕獲技能，
無負面技能，算唔錯啦。
溫泉都升到紫色水，可加到125血，唔知遲d有無得開火事？ XD

-衣家去到礦點直接o禁圓圈掣就採到，唔洗再o禁實L再簡鋤頭，讚！
-採完就無得再o禁，慳番試下仲有無得採點知出句「咩都無」o既時間。
-初頭d武器全部攻擊力50，想統一番攻擊力數字？
-太刀出完迴旋斬後會發光，不過o禁status睇攻擊力無加到...
-劍斧好似幾好用，又可以好似god eater咁衝前插住隻怪...
-輕弩o禁X變彈後有d唔慣，重弩有得o禁三角圓形射幾十飛唔洗上彈。
-完任果陣就算太刀亂舞都會強制終止做白痴勝利動作(重弩連射mode不受影響
-笛吹晒d音色之後要o禁R掣技能先生效，不過除左R果下其他都無硬直。
-d野豬會係地下插出黎(大驚！唔通同角龍配左種？
-衣家d龍有指令投...小心

arm arm聽完摩星嶺4號，但係衣度要講o既唔係d咩野UFO個案，
而係雲海講左一番言論我覺得幾有參考價值。
話說雲海推介緊一本書，咁亞祖就問係咪d文筆寫得好靚？
雲海就話唔係喎，文筆好一般，
你見到果d一段用廿個成語雕琢出黎果d、注釋仲長過原文果d，
根本就唔係寫文，係堆砌文學。
要溝通當然用最簡單o既語言去令人明白丫嘛~
嗯，又講得幾有道理，我個blog正正就係用簡潔o既文字寫出黎。
(謎之聲：明明就係個肚無乜墨水寫唔出華麗絕妙o既文章 XD)
咩無墨水呀？曾幾何時我都有鑽研寫作技巧，更引用經典去砌靚文章，
不過衣家懶得咁做了，寫blog本來就係唔想用腦隨心所慾啦~