本來諗住出左糧先買，不過復活節通利做特價，
原價6千衣家5100，平左成千蚊。
d靚結他貨源又唔多，等多陣可能連籮底橙都未必剩。
係太古通利Taylor114同110E又係得番一枝陳列品，
(據講114 d聲清脆，110 d bass夠厚)
職員check話西環西寶城分店仲有一枝新o既，
我都撲過去，平時放工通利都收工，
今日唔買下個禮拜日都唔知仲有無。
係呢個特價檔期內呢個應該係尾水，唔會再番貨。
係果間通利臨收工前都趕得切入手。

番工第三日見到GZ舊同事黎見工，
而我就坐正見工間房隔離，即使掩埋門都聽到對話內容。
巡例老細問佢之前份工因咩事無做，
佢話因為屋企人有事之類，又同老細講唔想再做Game書，
做得Game書耐做到見到Game都怕，話想做mobile果邊，
老細就只係想請Game書編輯，佢當然衰硬啦。
我心諗究竟佢真係唔想做定亦或有個好聽d o既籍口，
GZ做得好地地唔做，話因為唔想再做Game書都好合理丫。
如果係後者咁佢真係唔好彩啦，企硬左兜都兜唔番，
我已經響玻璃窗出面扮睇G-gen攻略比晒提示，
(唔知佢有無睇到，睇到又get唔get到...)
早知佢填form果陣走入去同佢講「公司請Game編輯」啦，
一句說話或者改變到佢o既命運。
之後同我上司傾開，上司話如果佢真係想做，
親自出面同老細開句聲都可以救到佢。
之後打電話諗住同仲響GZ做緊o既朋友分享一下，
點知一打去佢就已經講「你今日見到佢見工呀？」
原來果位事主將件事講比細ken，再由細ken揚左出黎...

又學下某悅整個新番動畫評審先~ XD
四月始終開始左無耐，所以只睇得一至兩話。

《緋彈亞里亞》睇左1話，PPS arm arm先放出黎(今朝都未有)，
呢個係今季較期待o既作品，龍與虎CV組合，典型傲嬌劇，
故事講主角係武力偵探學校學生，比武偵殺手追殺，
釘宮亞里亞救駕，救完又發皮四，之後入埋男主屋企住(?)，
又係叫男主做奴隸，都係果d野架啦...
比較唔同o既係男主唔係廢人，本身都好有魅力兼好身手，
亦有女溝，似旋風館家，不過個款又無旋風咁kai，
逢版大河把聲無變到，龍兒把聲就唔多認得出...
anyway呢套幾有趣，絕對會追落去。

《Dogdays》睇左2話，係有色情成份o既兒童向作品...
CV陣容好似幾強，好多都係熟悉o既名字。
故事似零之使魔咁係日本o既主角比異世界召喚過去做勇者，
拯救唔知咩皇國，零傷忘o既戰爭，被殺o既雜碎會變貓球，
打緊仗會有MC旁述，敵方敗陣亦好友善咁講幾句就鬆人。
開初比類似小圓o既角色吸引好奇睇下咩料，
不過咁o既世界觀設定真係無乜力再追落去，
或者第3話會有獵奇情節...

《Tiger Bunny》睇左1話，桂正和人設，幪面超人片一套，
極重商業味o既動畫，每個超人身上都有讚助商LOGO，
又有綜藝節目直播班英雄捉賊過程，電視台要谷收視，
叫camera zoom近個英雄之類，又有最受歡迎英雄選舉。
設定幾抵死，超人都要開飯，亦幾現實，
捉賊時整爛左條鐵路佢所屬o既英雄公司都要賠錢。
主角(應該係)係個中年大叔，做埋老豆，
佢所屬o既公司收皮，要過檔去第二間公司仲要換過套英雄服，
果間公司要求兩個麻甩佬拍檔，基味甚濃...
(美少年同美少年叫BL，男人同男人叫基)

《Steins Gate》睇左2話，PPS譯命運石之門，
主角岡倫係個狂妄自大o既癲佬，說話經常帶有魯魯修傲氣聲線，
(不過CV唔係福山潤)經常將統治世界之類o既說話掛響咀邊，
但佢身邊o既人都習以為常無乜野。
岡倫應該係個無乜成就o既科學家，租左個簡陋單位做研究所，
助手(?)係個細路女同埋個肥宅男，奇怪o既組合。
一個不務正業o既頹人點解有經費維持到研究所開支呢？
故事開端好混亂，無端端牧瀨紅死左，一陣又話條街無晒人，
一陣又若無其事咁生活，完全唔知想點。
maybe崗倫走左去第二個平衡世界定時光逆流，
牧瀨紅又無死到，好多謎幾引人入勝，有意思，
呢套係會追o既，起碼都睇第3話點解牧瀨紅會入左佢研究所。

《架向星空之橋》睇左1話，好沉悶o既感覺，棄番確定。
講主角同弟弟轉去另一區讀書，又識到d女仔，應該係後宮作，
同弟弟好曖昧又一齊訓，弟弟擺明受君格，有可能會走弟弟線。

另外期待4月21號o既廢怯最終話，之前因為地震而放送休止，
套野本來3月就播完衣家入埋4月。

今日去見辣椒出版，唔洗番去等消息，直接請左，Yeah!
尋日(12號)登招聘，今日就錄用啦，arm用見多幾個都慳番。
要我即場試做孖版稿，之前響G-zone學到o既派上用場，
識用indesign就係一野o禁落去少份猶疑。
佢要我負責Game書、ipad叢書，下個禮拜一番工。

幾年前o既災難片，由柴崎幸、草剪剛主演。
最近pps將呢套片置前，本來諗住睇下有咩戲好睇，就見到呢套啦。
故事講日本一年內沉沒，日本國民徹離到其他國家o既幻想情節，
(其實我有諗過如果日本輻射越黎越嚴重，真係會徹離到憐近國家)
柴崎幸係救援隊隊員，係一次事故救出美咲(not真名)同草剪剛，
之後柴崎幸同草剪剛就一齊啦，其實都幾九唔答八架，
柴崎又唔會只有救草剪一個，咁多人無野只係同草剪有野？
仲要柴崎主動走去草剪工作o既地方搵佢，調番轉都合理d丫，
搵佢做乜先？因為草剪「被救」好英勇而吸引左？
計我話應該係草剪英雄救美救出柴崎，柴崎去搵草剪咁先arm架嘛。
再講，柴崎個救援隊幾乎全男班，係都比佢救援隊d人食左先啦...
講到美咲同亞姨走難上山果陣，美_咁大個女有手有腳，
做乜要坐係手推車比人推？嫌唔夠重牙？
呢套野感情都佔幾重，甚至有種兒女私情重要過國家大事o既感覺。
都算係半Good Ending啦，最尾日本都得救，草剪都係要領便當，
戲裡面草剪比人一種正直o既感覺，亦打造佢救國烈士形象，
但現實中曾經有報導指佢係公園裸跑，完全破壞左呢種感覺。
相信該醜聞係拍完呢套之後發生，比我係導演都唔搵佢做英雄啦。
而全套戲完全無提及核電廠呢樣野，睇黎編劇拍呢套野時，
無諗過其實咁大規模災難首當其衝係核電廠...