坦白講，個人覺得拖鞋呢種款都幾肉酸，可能只係我o既問題。
我除左係屋企著之外，絕對唔會著出街(落樓下買野都唔會)
show晒d腳趾出黎好反感，靚女都扣分，麻甩就更嘔心，
d腳趾靚都話姐，但大部份人d腳趾都係核突，腳趾公又肥，
其他腳趾又短，有d隻腳又厚又腫一塊肉咁連腳眼都睇唔到。
有d有灰甲爛甲菌晒黑邊o既好心就唔好著出黎自暴其短啦，
有d查埋腳甲油，但d腳甲又細，睇落好似生左粒野咁...
最自然就係唔查腳甲腳型腳趾又靚o既，呢d人唔多。
重申我唔係有鋪望腳癮，不過坐地鐵無野睇唔通望住對面個樣咩？
點都唔多唔少實瞄到(全程望住塊廣告牌或合埋眼咪唔會望到囉)
好多年前香港人都無乜出街踢拖、涼鞋等習慣，
通常著波鞋、高爭鞋、皮鞋。(再後期d波鞋比convers取替)
當年只有菲傭先會著拖鞋，感覺上好似無錢買鞋至求其踢拖出街。
亦到過印尼旅行，90%人係踢拖甚至赤腳(係大街行喎)
一直以黎香港潮流都係抄歐美、日本等，
時至今日居然抄菲律賓、印尼，近年來好多港人都踢拖出街，
有種downgrade o既感覺，都唔知點解咁多人著連明星都著，
唯一解釋係方便囉、涼爽囉。話靚？恕在下不敢苟同。
最難頂係果d高爭鞋款前面開左個隆露一兩隻腳指咁，
乞衣先著穿隆鞋姐，毫無美感可言。

單睇戲名、陣容都無可能吸引到我買飛去睇，又係公司免費飛。
世事往往禾旱砍珍珠，唔起眼o既作品原來唔係雷作，
拎左4張飛比左兩張royce佢同條女去睇，我就搵松子人去睇，
點知問番先知佢原來無睇到，真係錯過左套好戲啦。
呢套野全無悶場，動作既能滿足視覺亦有感(溫)情戲。
由元斌主演(而我不知道元斌是誰...)講佢點救一個細路女，
個女仔同佢無血無緣關係，只係無端端friend左，
然後女仔比壞人捉左，先帶出主角原來係國家前最top o既特務，
跟住就睇佢表演點樣將d壞人一個二個打到落花流水，型爆！
感覺上有d走李連杰o既路線(造型)，無論眼前死人冧樓亦面不改容，
當然論打鬥場面都無得同葉問比(香港o既武打片簡直係藝術)
打起上黎有d亂，你唔會睇得清楚佢點打更欠華麗動作。
戲中只有一個對手(壞人果邊o既皇牌殺手)叫做同佢過到幾招下，
仲要好有武士精神，明明可以一槍做低主角，專登放低槍玩格鬥，
不過實力仍有差距，都係頂唔過一分鐘就被K.O，
原來呢個皇牌殺手都做左件好事，保住左細路女隻眼，
但仍然要慘死，或者貫徹武士精神死係強敵之下死而無憾。
而d所謂大佬就只係得把聲，毫無還擊之力，死到臨頭就喊晒口。
最尾例排救人成功，戲名殺手尚算講得通，雖然佢唔係殺手出身，
但佢出手狠毒，見血封喉，場面血腥。但代父就講唔通，
到最後佢都係要坐監，殺咁多人夠佢坐一世啦，代乜野父丫？

講起就扯火，放工夜媽媽無地鐵答，試過答的士落旺角七十幾蚊，
唔係路喎，又試下答的士番屋企，仲離譜要102蚊，
明明唔夠十分鐘車程，居然過百，十分鐘內無左一百o既心情真係...
搵到個巴士站等車，(都係答N619落銅鑼灣架啦)等呀等等呀等，
見有架1A顯示屏寫住經旺角，諗下的確係旺角見過1A，就上車啦，
我已經留意路程睇下有無近旺角o既地方，點知答到去秀戊平總站，
心諗：「中伏！」個司機仲要好唔奈煩咁喝：「落車啦！」
即時滿肚火，但都要係秀戊平搵車答出d正常o既地方，
三更半夜無乜車就梗架啦，當時仲要落埋雨，頂！唔搵啦！
遞起手截的士算，結果都係逃唔出的士o既魔掌，又答70蚊落旺角。
睇住個錶跳我個心都跟住跳，洗唔洗跳得咁快呀？
行緊跳都算啦，燈位停車都照跳，好扼錢囉！的士真係痴線架！
到旺角仲要答多十幾蚊van仔先番到屋企喎，total又無左一百。
平時已經係出面食兩餐，再加埋答車彷彿一日食左五餐飯！
上個月番左半個月o既人工諗住捱一個月，失守啦。

香港史上最高投注額同最高派彩o既六合彩，獎金高達一億，
買票o既人龍長幾條街，結果三注中每人四千幾萬。
我就無買(一向都無買)，但d人做乜平時唔買要等呢日先買呢？
中幾千萬都開心死啦，洗唔洗一億呀？幾千萬唔夠呀？
要一億先肯買？對我黎講中幾千萬同中十億都無分別，
中先算啦，都唔明d人係要非高額派彩至買不可，咩心態？
再講咁多人買要一注獨得都幾難，結果中獎咪又同平時無分別。

真係做傳媒就keep住R到免費戲飛，上個禮拜派兩張優先場，
今日同emily睇，9:50分入場得番頭等位，仲要3D左更辛苦。
我寧願企後面睇，無錯，係企！好心d戲院剷走前面兩行啦！
上次睇免費飛煞破天劫遲左半粒鐘入場都仲有好多位...
講番套戲，據face講係改編自98年o既韓國漫畫魔鬼教父，
英文名叫Pirest，至於點解叫天神魔煞就不得而知。
係講一個好勁o既修士違背教會隻身去殺殭屍(其實係怪物)，
教會派Magie Q去殺佢，但Magie Q暗戀佢所以協助佢。
原來個大佬係佢以前d同包，得到殭屍后o既血升左呢，
不過都係比主角小李飛刀收左皮，不過唔見得佢真係死左，
套戲完左就話仲未搵到隻殭屍后，即係留左好多伏線啦，
故事普通，動作場面唔見得華麗(葉問、殺神特工精彩好多)
可能3D效果出色，不過我坐太前都睇唔晒個畫面感受唔到。