Apple推出新規格o既mac book air，相當吸引。
其實以MBA o既性價比係比一般notebook高好多，
咁o既價錢買到咁纖薄加上咁o既機能o既notebook，
仲要論外型暫時唔多覺其他notebook靚過佢。
而且亦可裝番windows，根本同一般notebook無異。
但諗深層，今時今日d智能手機(iphone)咁全面，
上網、睇片、MSN通通做晒(除非玩online game)
大大打消左買手提電腦o既念頭。
就算手提電腦幾快，都無可能快同穩定過desktop，
用黎行d勁少少o既軟件或game已經吃不消，
搞到隨左帶出街型之外變得雞肋...
另外，衣家apple推行OS X Lion，以touch pad操作，
更接近iphone，但始終唔係直接指落個mon度怪怪地。
唔難推測下一代o既mac機/MBA應該係touch screen埋，
不過MBA都touch埋screen咁又同ipad重疊左喎...
當個mon有touch screen，keyboard就會被河蟹，
MBA會變到ipad咁，裝到windows o既ipad喎，幾屈機，
以後d人只買MBA唔買ipad，apps呢？留番iphone玩啦。

講真玩過咁多online game話RO係最好玩不失為過，
系統設定各方面都令人有百玩不厭o既吸引力。
相比起時下有如天上恆河o既online game，
都係以華麗畫面包裝，好多時玩兩玩就無隱。
(另一隻我覺得都come玩o既係wow，可惜人設太衰了)
正服都開左好多年，d人封晒頂，無人團練，
呢個斷層造成新血要獨力升等難以生存，
外掛泛濫，失去遊玩過程o既最大樂趣。
幾十倍經驗o既私服，拉近左呢個斷層o既平衡，
即使新血單練亦能快速過渡最艱辛o既低等階段，
封左頂o既玩家都有心機另開其他職業再玩，
然而有800人同時在線o既大私服，長期有團練。
果種熱鬧氣氛係台版正服都無法取代。
好景不長，玩過幾個大私服(魔幻、Black)
都相繼倒閉，亦係私服最大缺點。
樹大招風，大型私服離唔開一係比hacker攻擊，
一係比官方告o既宿命。
(其實官方要告私服都要錢，告贏都係要對方賠償，
消滅細私服人地最多申請破產又賠唔起，
蝕堂費律師費對官方無乜著數，所以點解仲有咁多私服)
講左咁耐先入正題，最近玩開仙境部屋私服，
都屬於大型私服，人數長期維持800左右，氣氛良好，
可惜上個月開始就lag到行兩步停幾秒，
部屋就換機房，換完情況亦無任何改善，
然後話用proxy可解決lag，尋日用埋都係lag，
只係唔過200人在線都lag，以前上千人都好順。
部屋宣稱係防外掛系統誤判，
如果係o既話唔該熄左個防外掛系統啦！！！
寧種勿枉呀！衣家搞到好多人都lag到唔玩有乜謂？
再講有幾多人真係無聊到連私服都走去掛丫？
據小道消息，部屋係比人攻擊o既，不過部屋無認到。
事緣有一日上線見到人數小左百幾二百人，
部屋M群傳黎GM踢左個同時開百幾二百分身掛店o既玩家，
好啦，踢完就出事，之後就lag到亞媽都唔認得，
一個能夠同時開百幾人o既玩家一定有d能力，
比人block喎實心有不甘，除左佢仲有邊個？
估計佢係用大量類似ping o既手段攻擊私服，
(佢又無能力做到入侵，告發新幹線又唔受理)
部屋先後轉左幾次登入器情況都得唔到改善，
(部屋在明人地在暗，登入器一定公開ip，換幾多都無用)
認為原用開o既機房不勝負荷，轉過機房可能夠力，
轉左係一樣唔掂，始終攻擊容易防禦難。
開私服本身身有屎報警都唔得，求助無援...
一係部屋公開道欺求攻擊果位人兄高抬貴手，
但咁做只會令部屋軟弱，以後d惡人會座大。
一係攻擊果位人兄攻到無隱收手(可能都要攻半年...)
衣家部屋死撐話會盡快解決問題，以我對電腦o既認知，
係解到一早解決左啦，當個問題搞咁耐o既搞多半年都無用。
唉我都希望唔係咁，如果以上推測屬實部屋就無得救架啦。

呢兩個星期都趕書展每晚通頂，
上星期番足七日，有兩日無番過屋企，
禮拜六日都答尾班車走，
今個星期都有四日無番過屋企，
星期一直踩落星期三朝早，
番去訓陣，4點左右再番工，做到零晨兩點，
禮拜四番去做到禮拜六朝早8點先走，仲未完，
同日五點仲番公司執埋d手尾，先叫告一段落。
兩星期砌左：叢書x1、小說x2、專書x2、繪本x1 

尋日答lift番工見到地下出現一團灼紅o既火光，
唔係真係火，只係光，面積大約6-8cm左右，
呈三角形狀，持續左兩三秒後消失。
咁o既程況係一分鐘o既lift程之內出現左兩次，
我諗邊度射d光線落黎呢，望一望lift頂又唔覺丫，
之後諗番就算有光射落黎都做唔到咁o既亮度，
亮度係幾乎等同laser(亞sir教書用黎指落broad度)
係要聚焦先可以做到，普通光線照到無咁起眼，
加上部lift本身光線充足，更加唔易做到強烈對比。
然後係公司收到亞媽電話，話香爐度符燒左，
(兩年前個師傅比o既討糧符，放左咁耐都無燒過)
度符係摺左三角形，同係lift見到o既怪光形狀吻合。
其實唔一定有關係o既，不過咁巧合咪順便講下...
今日專登答番果個lift研究，全程都無再出現過怪光...
暫時仍未能有科學o既理由去解釋。

老豆響麥記見到唔知邊個漏低左部iphone，執左番屋企。
我得知事件後，立即叫佢將部iphone交比警局失物署，
大佬呀，iphone有全球定位系統架，d老人家又唔識野，
連機都唔識熄，擺係屋企唔驚比人搵上門架？
(雖然我懷疑個座標無辦法check到高度唔知係幾多樓)
跟住即刻出門拎部野去警局，警方寫番張收據比我，
三個月內無人認領就合法擁有該項失物(無人認先算啦)
部野只係iphone3，到到放響警局時仍係開住機 XD
希望物主早日失而復得，咁又做左件善事~ =v=