無論支持生活態度定支持生活智慧，
但你一定要知道iphone4二手回收價係7千！
繼上個禮拜全新iphone4 16GB先達收7千，
衣家限一人一機後再創新高！用過o既都7千，
咁全新o既我諗過8千唔難啦。
部機都出左咁耐，都無辦法從正常途徑買到，
(即係入豐澤、百老匯擺低幾千蚊走人)
所有電器鋪、賣手機店、賣apple野o既鋪頭都無貨，
唔係比d台綁廿幾個月貴plan，
就要去先達呢d隨時比人換零件二手當新機o既鋪度買。
GZ前同事更日日捕住apple訂iphone4個網，
不過一有貨十分鐘內售罄，之後唔知等幾耐先再有。
(梗係架，買到一部放出去都有2千蚊落袋...)
雖然入手方法好似幾苛刻，奇就奇在一街都用，
答巴士真係坐隔離、前後左右都係iphone4，
就算係學生、師奶都用緊iphone4。

本來評機會呢個分類只係評遊戲機、打機o既事，
不過隨住本人都少打機，就乜野機o既野都落晒呢個分類。
旺角一向多電器鋪，百老匯、豐澤、鐳射一條街都有兩三間，
咁諗住落旺角買暖爐，點知好多間都賣晒喎...
尋日落太古豐澤再睇暖爐，都係賣晒，
我問暖爐o既同時仲有兩三個師奶都問暖爐，
好心佢咁好賣就入多d貨啦，仲大大個位promo空氣清新機，
屋企有沙林毒氣咩？要清新黎做乜？都唔識做生意o既。
吉之島都有賣暖爐，我睇緊d暖爐制式時有人走黎sell我，
我話屋企本身都有個菲利甫暖風機，不過開幾分鏡就自己熄，
再開番又係咁，懷疑屋企電壓唔夠力推旭部野。
所以我要買部無咁食電o既，個sell就話正常架，
係因為個恆溫系統到咁上下暖就會熄。我心諗冷氣機咩？
熄左屋企範圍都仲咁涼，但暖風機一熄就乜都無晒啦，
基本上長開都只係得四格階磚範圍係暖o既，
室內溫度都唔會有任何提升，仲要開幾分鐘熄有叉用咩？
個售貨員教我只要扭到最盡就可以長開十個鐘都唔熄，
咁番屋企又試下啦，真係可以長著喎，個售貨員無昆我。
不過我諗要排骨型半個人咁高o既暖爐先有用，
聽講呢d暖爐開著半個鐘先會暖，有效範圍一百幾十平方尺，
應該足夠令室溫提升，係驚夠唔夠電力推旭佢姐，
暖風機就一開即暖，不過仲衰過風扇......

十年都唔入一次元朗，尋日上朋友屋企教佢PhotoShop，
由銅鑼灣答968入元朗(西)，經兩條隧道(其中一條大濫)，
好在到總站就係佢屋企樓下，唔洗周圍摸路。
一落車頓時寒風刺骨，明明街上燈火馬龍並唔荒蕪，
但果種冬係唔止令人騰震，連條頸都梗晒果隻，
好在附近有元朗商場，即刻衝入去入面避寒。
上到佢屋企，佢隻PhotoShop CS4開唔到，幾年都無開過，
叫我黎之前無確保下運唔運作到先，臨時上網搵啦，
搵到隻PhotoShop CS3免安裝版，只係60幾Mb，
download左落黎直接開，功能齊備運作正常，好神呀！

之後去食飯，個朋友係熟d水電工程野，講起整插穌掣，
上面果條水線，作用係防漏電，日本一直都用兩腳插，
咁咪無水線？佢話日本電壓係110v，漏電都唔會太大傷害。
我又問如果d線掉轉左駁會點？佢話電流會向相反方向走，
插風扇o既話會相反方向轉，吹風位會變左吸風，後面吹風。
咁插電視又點？彩色變黑白？佢話應該唔著...
又話專業o既用果隻批叫電筆，能夠將電由身上傳落地下，
我話下？個批本身已經膠抦，唔係絕緣體咩？仲帶電上身？
佢話膠都有水份，都會傳電，只係微弱同唔持續唔覺姐。
講起我屋企有插穌掣short左，插野出現「霹靂啪啦」聲，
過一排個插腳位會燶左，(都怪以前比個暖風機整壞啦...
佢話將批插落插穌都會爆火花，如果長插o既話個膠抦會熔。
我一直都唔熟呢d工程野，呢餐飯真係知左好多~

食過飯後已經11點半，落番巴士站仍然冬到疆硬，
尾班968已開出，11點半已經要答N368，都出到銅鑼灣。
到銅鑼灣落車暖番好多，都係冬，但唔會冬到震，
可以正常地挺身而行，再答番屋企落車一樣係無元朗咁冬。
保守估計元朗應該比港島區低5度左右...

見有份工係請插圖+排版，我就上佢官網睇下，
原來係做教科書o既出版社，我畫開o既畫風一定格格不入。
教科書果d公仔都係女仔畫會好好多，
有d女仔合埋眼都畫到類似miffy、鬆弛熊呢類kai o既公仔，
我畫果d偏日漫、熱血、肌肉，好難畫果d野...
不過都係照樣send去啦，唔理啦！唔請就算 XD

就算我人不在G-zxxe，線眼仍在 XD
為我報導最新動向(雖然已對我無乜價值)
話說我離職兩個禮拜後，細ken炸形，
話唔想做iphone要做番G-zxxe，
然後仲要專登早番公司做G-zxxe d稿...
咁又係o既，我唔走佢邊有討價還價o既牙力？
就係要人手短缺o既timming講先有威脅。
亞淘又話唔肯接手，咁iphone咪要k一腳踢？
最肯接手o既我反而比佢整走左 =_="
今個禮拜明仔家人發生意外，要求放假早走，
黎緊要趕新年加大號，真係危急之秋啦。
請左一個人禮拜五先番，
一個新上手o既人可以分擔得幾多？
除非佢本身係Game Weekly或Game Wave做開，
頂多咪退兩個地做兩版PCG同宅配便...
日前k自己係銀包比左一千蚊現金亞淘作bonus，
不過按情序，呢d野一定係朱生做，點會k做？
所以呢一千蚊唔係bonus係收買人心，
咁又係o既，細ken作反，k總要有親信，
以後k叫亞淘做乜亞淘都要做。
不過細ken就慫恿亞淘向朱生爆亞k大獲，
佢如果真係爆佢就真係大獲啦，
之前毛毛就係向朱生講亞k不是搞到幾大單，
亞k o既地位已經等同第二個老細咁滯，
細ken呢獲擺明陰亞淘，不過亞淘夠膽做先算啦。
上頭又有新方案，黎緊會出多本ACG雙週獨立賣，
咁art部又再增添人手，不過第8個人會坐邊呢？