一直都好想買個靚headphone，
不過市面上有o既款大多都唔arm心水。
一係太膠，而且多數係雙邊線。
最近睇中左一隻極arm心水o既monster beats，
studio果隻市價約2千7，價錢唔係大問題，
最大問題係要入兩粒3A電先可以運作，
階因果個咩野擴操音功能，
唔入電係無聲，咁麻煩，即時打消念頭。
而且渣上手其實都係膠野(遠睇唔覺)
再考慮以前曾經迷上o既ultrasone耳機，
最欣賞佢果種金屬感睇上去好high class，
而且個sales亦不厭其煩詳細講每隻型號價錢唔黑面，
(一般都會覺得咁貴你唔會買懶得理)抵你成交！
呢隻只係$1980，同廠仲有6千幾至1萬6千八o既級數，
不過據說果d級數o既耳機係for插hifi用，
一般ipod等機係唔夠力水推呢d耳機(會好細聲)
而我買呢隻應該差唔多係可以帶出街聽o既頂榜野。
不過插落iphone聽落分別唔大，係d bass震撼d。

差唔多全日都係咁打CX，係辛苦果隻CX，
同事叫閉氣飲水，我試左好多次都解決唔到。
之後仲要衝入廁所嘔，嘔完之後舒服晒。
但8點幾食緊飯又再發作，好在今日早放工...
唉，入呢間公司真係病不單行，
上個月又係咁咳，搞到同team d同事都怕左我，
仲要番工唔夠一個月都請一日病假，
醫生又睇過，藥又食過都未清(時至今日仲有少少)
咳o既時候亦好難講野，
錯過左社交建立形象最佳o既黃金週...唉~

做出版社特別多免費戲飛拎，今日遊雲又派煞破天劫優先場飛，另外係高達00劇場版(較早前取得)。 
居然香港o既戲院會上映「我是高達」... 囧

無厘頭同呂少kk睇父後七日，呢套係一套台灣小品電影，
改篇自小說，故事講個台妹佢老豆過左身o既身後事。
前半part好搞笑，孝女要隨時扮喊，只要有人叫喊就要走過去喊，
不論食緊飯途中，刷緊牙途中，一路刷牙一路跪係棺材邊喊。
一路摺衣紙一路講d三姑老婆是非，守夜果陣係度膚mask，
d道士吹吹下D打扯番飛煙等，本來係一件嚴肅o既事，
套戲搞到d人好似係度hea做。
全套戲都講台語(唔係普通話)感覺同睇韓片差唔多，
原來台語「哭爸」係讀普通話「靠背」。
套戲後半部偏沉悶，有觀眾悶到離場。

難得星期六8點放工，就落銅鑼灣仔行陣。
落pageone買左本iphone life英文版 XD
之後落金星hea陣。
見到公司編輯KANA落黎，我同佢打招呼好似睇我唔到，
我諗緊係唔係認錯人...見佢玩jubeat好吸引。
再睇下佢張卡個名叫REKA，嗯...可能真係認錯人了。
又見到好耐之前o既駱克之友-Ewin、廷，
咁耐無見，又去夾下歌先，原來dmv7未開過卡。
技術生疏，再加上銅金個dmv7黃色掣short short地，
表現真係麻麻，都係機城d掣靚，下次落機城草分先。