剛從PPS發現4月新番有套閃光的夜襲，背景很有趣，
居然是國共內戰，日本有特異功能的特務介入...
日本人畫中國歷史？會否正義化日軍的侵略行為？
單看題材已經很有看頭了，配音還認真到說普通話呢，
可惜主角們說得難聽得不堪入耳(反而雜碎說得標準)
人設也頗討好，這套追定了。

我知，呢套都兩年前，不過在下睇陳年舊作都唔係咩新鮮事。
果陣追開係日本做完o既第二日download中文字幕版睇，
後尾睇到第二季十幾話時番左亙動媒體之後就無再追開。
諗住遲d一次過打包睇番結果擱置到今日... =_="'
今日終於睇晒25話，以下內容偏重尾幾話。千鈞一髮位唔少，
例如A-Laws要攻陷天人o既戰艦時突然殺出Kati救機。
bug位亦幾多，其中一幕Louise諗住同Exia同歸於盡，
又唔知咩事無死到，剎那叫沙慈帶走Louise到安全位置，
槍林彈雨下沙慈拖住條昏迷女離開話帶走就帶走真係唔話得。
仲有個Patrick救Kati仲要示愛，諗住都會壯烈犧牲，
點知最尾同佢結婚，都無交代到佢點樣無事。
仲有d位唔make sense，亞妞叛變時唔徹底d殺埋個亞叔？
有槍有砲唔用，飛勁多裝有太陽爐o既機去自爆，咁做化算咩？
利邦治打沉左exia拎走個太陽爐後放水，果度其實可殺埋剎那。
不過亞妞最後同Lairu講句野幾浪漫，「慶幸自己係Innovator，
先有機會同Lairu相識，唔係可能只係人海中刷生而過」
同Bleach織姬果句「如果有5次人生會係5個唔同o既地方生活，
以及愛上同一個人。」一樣咁令人印象深刻。
最後大團員結局，除左Lairu、Feldt、Marina感情線食白果之外，
剎那算係高達系列男主角中o既毒男吧，只愛高達.....
仲有劇場版仲未睇(PPS唔覺有)，話唔定佢地感情線會有個交代。

這個女的是四川人，但可唱出類似賓崎步的唱腔，
香港樂壇/流行曲就是缺乏這種唱腔吧。
不過究竟是日文的關係還是唱者的功力呢？
電影《赤壁》主題曲亦是ALAN唱，不過就沒有步姐的味道了。
真的很想聽聽這首Diamond的中文版是如何的...(如果有的話)

迪士尼出品，應該信心保証才一看。譯名眾多，有時之刃又時之沙，
階因故事圍繞能回到過去的短刀，刀柄要裝填時之沙(源料)方能啟動。
有壞人想得到時之刃改變歷史稱霸，但用太多時之沙會發動滅世災劫。
王子奪刀後與公主展開漫長歷險阻止災劫，由亙不信任到萌生愛芽，
最後波斯王子好不容易與公主建立的關係因為大回溯而要從0開始，
不過再開始的時候公主似乎高速地受落...
發動時之沙功能只有發動者一人回到過去，發動者可看到已固的人健在，
個人認為，其實已詣難的在他們的空間(時間軸)依然是死掉的。

文戲太多，補元上一集。動作場面佔全戲應該少於10%左右，
亦無上一集咁血腥，d敵人都死有全屍，甩頭斷手斷腳不再。
劉家輝又扮世外高人仲要講廣東話有d睇頭，不過功夫再好，
都係被毒殺。又係搵戲黎做，明明個大咪佬可以解決女主角，
搞咩活葬？結果比個女主角走到出黎，最尾諗住會慈悲大發，
都唔想個骨肉無左老豆，放過Bill，不過都係要Kill Bill。
咁Bill又錯唔晒，自己個女人生死未卜，點知發現跟佬走左，
唔好話Bill啦，正常男人都會發癲，爭在未必要殺人全家姐，
Bill本來係殺手，佢咁做又真係好正常喎。第一集精彩得多，
貫徹美式o既所謂暴力美學。