經常答巴士見roadshow有個咁o既廣告，
有個鬼佬係廁所用線花棒new緊耳屎，
鏡頭一轉見到個鬼佬比碌巨型綿花棒係咁打，
廣告個concept想話用綿花棒new耳，
只會將d耳屎質番入去入面，出唔到黎。
佢隻產品只要噴入耳入面，會溶解d耳屎，
然後側一側頭d耳屎好似山泥傾瀉咁流出黎，
睇落又好似幾好咁喎，落到屈臣氏諗住買啦，
不過我只記得個廣告但完全唔記得個牌子...
(個廣告算失敗，成功留下印象但留唔到牌子XD)
見到有幾隻類似o既產品，是但買一隻啦，
咁就買左呢隻珮夫人耳爽潔，
試用，噴左入去會好似食爆炸糖咁，
耳內聽到霹靂啪啦聲，諗住溶左好多啦，
但之後側頭完全無果種山泥傾瀉o既現像，
側左好耐先流到一兩滴液體出黎，
而且亦唔多覺液體含有溶解左o既耳屎，
感覺就用左好似無乜用咁。
個廣告誇張失實呢，定亦或佢隻牌子真係咁勁？
 

好多90後未聽過呢3個字母，被80後遺忘左o既社交工具，
突然間響facebook再次浮現，趁住呢個勢好多人都開番ICQ，
睇下可唔可以搵番失散多年o既Q友。
亦歡迎大家add我，我ICQ no係 99999966

好地地o既女仔，做乜要著到一樓一咁o既感覺？
乜比人覺得自己做呢行會自我感覺良好咩？
我識得d咁樣o既女仔，個樣唔差(又未去到樣靚身材正)
其實佢求其著件T+shirt+牛仔褲+convers可以好好睇，
硬係要發花癲著埋d吊帶/低胸裝+短裙+高爭鞋，
再化到個妝鬼咁重口味，痴埋d好跨張o既捷毛咁，
仲要煲埋煙，整到個姣婆格咁，何必呢？
自降身價o既一種行為，我見到都幾反感下。
呢d造型好蝦人著，靚o既著可以好高貴，但著唔起就米著。
(廢話，靚人著乜都靚架啦，屈機架嘛 =_=)

今日請左假去睇X-japan演唱會，
去到香港站仲見到公司個主編saya，
答到去東涌站，諗住答S1或N1去亞洲博覽館，
當時6點20分，架N1 arm arm走左，
司機話S1要7點鐘先開出，咪要等足40分鐘？
飛的去算啦，早d入去買goods，答左47蚊。
入到去見買goods條龍打晒蛇餅，都係遲左，

買goods o既人龍，隻yoshikity公仔要$1000... @@"

好在royce一早入去排緊，已經響中間，
托佢幫我買件T、冷帽同件褸(最想要係褸)
好可惜件褸賣晒，買得T同冷帽各200蚊。
到到7點9 d人開始入場條龍都仲係咁長，
相信到到開show佢地都未買到。
雖然8點就入場，事實上坐到踏半先開始，
打頭陣係Jade，再黎個紅將觀眾情緒推至頂點，
不過交比觀眾唱果段靜晒，香港人唱唔到... XD
呢首係偏難o既，endless rain、I.V果d觀眾都唱到。
中段Yoshiki表演鼓技，打完一輪勁鼓再彈陣琴，
再跑番去打鼓，梅花間竹左幾次後彈左首獅子山下，
全場跟住唱，Visaul彈獅子山下真係估佢唔到！

encore位全場玩人浪，其實唔知邊個帶頭同點起浪，
起碼要有堆人開始起浪先形成到架，不可思義。
之後yoshiki以旗泡出場，再以art of life完場。
回程時全架港鐵車箱都係觀眾，對場show議論紛紛，
有唔少內地o既粉絲(因為上海場show取消左)

唔洗BT唔洗PPS(反而PPS都無)，係youtube就睇到，
繁中字幕，簡右下個icon就可以全螢幕，畫質靚過VCD。
仲有英文、韓文字幕，做到咁真係不得不要讚一讚，
唔洗迫住邪道先睇到動畫，照顧埋唔同國家o既觀眾，
其他動畫應該效法！

http://www.youtube.com/watch?v=jbJexIeIiJ0
上載幾日到目前為止2萬6千瀏覽人次，65正評179負評，你都算威~
睇埋d留言仲好笑，果然小學生渣高達有極嚴重o既違和感，
不過打住高達o既名義點差都要睇下o既，一路睇一路踩囉。
第一集已有好多吐糟位，主角知道敵人o既行動模式，
唔向軍官報告就去展示比個亞sir睇托咩？
強調部高達係自己發明，對於可以擋到敵人o既攻擊感到驚訝，
又唔知d武器擺去邊響地下執人地枝槍，
完全感覺唔到部野係佢整囉。