今晚下定目標，要跑/行5個地鐵站o既距離，
當然全程跑係無可能，咁就跑下行下，燈位停下。
途經電器舖睇下野，係時候都要換電腦，
部機連玩fb game都lag到爆唔好話玩diablo3，
哇，hp o既core i7索價二萬幾？憑咩呀？
呢d係mac機先有資格開o既價位，imac都係皮幾炸，
不過core i5個價又正常，5千幾到7千幾一部，
包埋mon同windows7，值得考慮。
睇佢兩皮果隻型號，1年後咁o既規格咪又係幾千，
電腦或數碼野今日最top o既spec九個月後都係古懂，
一定唔可以買最top，擺明搵笨賣唔出。
經過以前細個會專登答車去睇game o既商場，
多年黎都無去過，其中記得果間廚窗播KOF95 o既舖，
到衣家都仲健在，間格無乜點變過，
果部老土o既電視播緊wii o既孖寶兄弟。
衣家望番都仲有八九十年代o既game舖情懷。
今時今日又點會專登答車去個唔旺o既地區睇game呢？
果間野都係做街坊生意，不過估唔到做到咁多年。
跟住跑到落公園，響公園跑步徑又跑左陣，
玩下公園設施，原來望住夜空做situp係咁浪漫(?)
回程就答番巴士番去...

好唔開心，見到個肥仔拉左我愛人去食飯，
仲要係雨天，可以遮埋佢雨中慢步，
一諗到呢到就好down。
其實個肥仔都係漁翁撒網，係女都上，
但我已鎖定呢個愛人，我唔輸得！
我好耐未遇過一個深深吸引我o既人，
我知道如果錯過呢個，可能未必可以再搵得番。
你溝邊個女我唔理你，唔好溝佢！

一向聽恐怖在線都當食生菜唔會覺得驚，
不過聽到呢集o既個案就有小小心寒，
話說聽眾話練開跑步參加學界田徑比賽，
每晚都落街跑，睇住街燈投映出自己個身影，
每個燈位都由短變長由長變短不斷重覆。
有晚跑跑下步發現多左個身影，
呢個身影d動作係唔同o既，係另一個人，
不過佢無望後面，意識到對方想撩佢賽跑咁，
就好似係公路上有架車向你打燈想捏車咁，
佢自問係田徑部，普通人應該唔夠佢跑，
於是加速要甩開呢個人，但點甩都甩唔到，
心知呢位人兄都係高手，放慢腳步，
比佢爬頭諗住睇下佢咩款，佢又放慢腳步，
直到去到橋位個影消失左。
如是者佢第二晚落街跑，又見到呢個影，
佢又出盡力氣去跑甩呢個人，又係放唔甩，
又係去到橋位消失左，每晚都係咁喎，
直到有一晚佢忍唔住要擰轉面望後面，
嚇然發現係無人，只係得個影陪佢跑，
佢先知奶野，就係咁佢拎左學界比賽冠軍...
仲有d情節skip左，有興趣可聽番重溫。
http://www.hkreporter.com/channel_list.php?channelid=61
4月3號果集，講番點解覺得恐怖先，
通常都係自己日常會接觸o既事物先驚，
而最近本人都有去開夜晚跑，
的確夜欄人靜渺無人煙o既街上，
容易產生杯弓蛇影o既心理作用，
聽完呢個呢排跑夜街都心寒。
當然，我跑夜街未遇過靈異事件，
亦唔希望遇到！！

一向用mycard點數入FBC，以為用咩方法都無乜差額，
買開$265 1000點mycard(紅色果隻)，相等於233FBC。
尋晚如常買點知話賣晒，見到一隻打正旗號o既FBC卡，
卡面寫住300FBC，賣$234，有無咁著數呀？買張試下。
開FB入點，佢會另開一個入點o既視窗比你入，
入完個視窗自動關閉，再睇番FBC完全無加過，
再入都係咁，跟住試下求其打d野亂入，都係關閉視窗。
咁即係點呀？得定唔得都單聲比人知丫！
算啦，可能系統煩忙無咁快睇到入左o既FBC，
如是者過左一個鐘、兩個鐘，都係無喎，
然後訓到第二朝，都係無加過，即刻打電話佢客服啦！
又係電話錄音，又係須要乜乜乜請按1字，
不過都係打上去先知原來「橘」呢個字讀「骨」...
個電話錄音話要入點要響FB搜索個位度打「GASH+」，
咁我再試啦，今次終於出番句增值成功之類o既字眼，
不過睇番FBC又係一個仙都無增過，不過再入多次點，
就話條code唔work之類，起碼唔似之前係唔係都關閉。
然後番到公司再check，好在真係加左FBC，堅係300，
哇！同mycard爭咁遠！平31蚊仲多66FBC，有無搞錯？
mycard洗唔洗食水咁深呀？！不過唔通1分錢1分貨？
mycard果d入點一入即有，橘子果d入大半日先有...

一月新番只有呢兩套真係睇晒，Another係值得一睇。
先講Another，手痕睇左捏他，一早知個Miss係大佬(?)。
但係完全無損我追睇落去o既動力，呢d咪就係好片！
(好片不妨一睇再睇，再睇都捏他晒啦，咪又係會睇)
佢最難表達係男主角個亞姨同個Miss係同一人，
但又唔可以比人知，連聲優都搵兩個人去配。
其實當然動畫畫得一d都唔似，某程度上係格硬黎。
(原著係小說，無得睇樣o既，話赤澤係佢亞姨都仲得)
不過班長殺左兩個人，都無交待佢有無受法律制裁。
見崎鳴同男主o既關係亦都草草了事，又係無乜結果。
又講下絕唱戰姬，相比之下呢套睇唔睇都無所謂。
d劇情完全係唔make sense無深度，當佢係套MV睇就得。
一路唱歌一路打，大家又知歌詞o既，呢樣唔駁佢啦，
明明兩條友絕唱死左，之後無端端又復活番完整無缺，
最後3條友一齊用絕唱，然後又係出番黎大團圓結局。
仲有好多吐糟位，3條友死但只拜祭響，其他唔當係frd?
又唔代表唔好睇o既，有時轟轟烈烈炸一場都幾熱血沸騰。