上次激讚吉野家o既忌廉三文魚煎雞飯，
唔好以為我係網絡打手。
因為今次就要彈同樣係吉野家o既親子煎雞餐。
睇佢個宣傳硬照，賣相好吸引，
鐵版煎雞+d菜類再籠罩住金黃色o既蛋碎，
45蚊係貴左d，但咁靚唔試唔得啦，
點知實物係塊鐵版放左煎雞同d野菜，乾淨淨，
加個碗仔裝住兩舊生雞蛋，你無睇錯！係生雞蛋！
整爛個殼可以倒d蛋黃汁出黎...心諗點呀？
一碗白飯，仲有一碗好似稀釋左o既燒汁液體，
倒d燒汁落去無「炸」一聲，無料到喎，
我再用手指掂下塊鐵版(高危，小朋友切密模仿)
真係唔多熱，好在我無倒d生蛋黃落去，
唔係全碟都唔食得。好啦，只好用d煎雞送飯食，
食到一半有個員工過黎「哎吔未比個爐你」
我心諗你唔好等我食完先比個爐我？
跟住比左個單人邊爐o既爐燒慶塊鐵版，
再倒d燒汁、蛋汁落去先「炸∼∼」
等左好一段時間先出現類似硬照個樣出黎。
不過出黎比錢食飯，就係唔想自己煮，
搵專業o既廚師煮出黎，d味道最到火侯，
衣個餐咁個款要DIY，仲要唔知d野幾時熟，
又要等，煲太耐又會燶，唔值囉！

四月係好多公司o既財政年度，例如SONY公佈業績有幾多窺蝕，
都係揀響四月宣佈。而我公司都係響呢個時候加人工，
薪金保密係其中一項員工守則，網絡上亦無秘密，
唔排除會有同事search到我o既blog破壞左呢個守則...
所以加左幾多同埋總共幾多就唔方便講啦，
不過唔介意透露一下加幅，今次大約加左10%左右，
算係一個理想o既增長，不過同目標薪金仲係爭好大短距離。
不過呢個數字都係要R出黎，本來o既增長只有5%左右，
所以話加人工呢d動作要自己用力爭取，唔係坐定定等佢派。

上回講到咖喱係好食，不過常好辣，令人難以進食。
而日式咖喱就係有咖喱味又唔辣o既完美咖喱。
可惜一般茶餐廳都好難食到日式咖喱飯...
要去味千之類日灴料理，又要排隊等位，價錢唔平，
一丁友唔想去呢d地方食(唔會一丁友睇戲唱K架嘛)
咁KFC呢d國民級餐廳食到日式咖喱算係咁啦，
所以今日又再去食過，點知去到話賣晒，
一係換磨菇汁或白汁，咁口快快就換白汁囉，
一換就知奶野，根本就係將白汁雞皇飯d汁倒落去d飯度，
其實就係白汁雞皇飯，30蚊食個白汁雞皇飯+舊雞扒？
我唔好食番白汁雞皇飯？專登走去KFC都係為左咖喱飯姐，
好心佢啦，日式咖喱飯咁受歡迎就整多d汁啦，
識賺錢o既就將呢個飯set做長期供應。
講開KFC，其實佢出過好多好食野，但係衣家無左，
記得讀書時期食過o既香蔥薯餅、焗鬆餅，勁好食，
限時o既有吉烈夀司卷、麥西哥脆脆、黃金蝴蝶蝦，
明明勁好食但係又無左，唔怪得一直都輸比麥記啦。
以前麥記都出過一排日式咖喱吉烈魚柳飯，又係超讚！
不過夕陽無限好，又係好快無左，仲要至今都未肯出番。

話說禮拜六溜冰跌親，連續幾日右腳都痛到舉步為艱，
但係今日好番晒，直情差d唔記得左有件跌傷左o既事。
要用手壓落傷患處先feel到仲有d痛楚。
所以話青春幾可貴，要學單車、溜冰、跆拳道，
就要趁後生啦，年紀大跌親可能非同小可...
(不過右邊心口有d痛呢樣野似乎仲未痊癒)

頭先1點放工(沒誤)去KFC食lunch品嘗新出o既咖喱雞扒飯，
我一向都幾buy咖喱汁，係衰在太辣好難入口，
再加上arm arm煮熟通常都好熱更加難入口，
如果有咖喱味但唔辣就恰到好處，呢種就係日式咖喱。
KFC呢個飯幾好食，至於份量就...絕對適合減肥人士！
30蚊得個飯跟野飲無薯格無第二d野，
個名叫大碟飯，係就係大呀，不過得裝飯個膠兜大左囉，
個兜勁薄，d飯裝唔滿仲留個空位放塊雞趴，
雞皇飯都多過佢...