咁就兩個月無寫到Blog，一黎有D日子忙到無時間寫，
又唔想為一兩個日誌左邊o既每月文章開多一個月。
咁就求其講下呢兩個月有乜大事啦~

基本上呢兩個月大部份日子都比工作纏繞，
7月書展又塞多本小說種生基實錄過黎，
每次一跟呢D書就日日尾班車先放工。

6月21日 上唔到網 怒正處
事緣要cut個eye多媒體電話，pccw就連本來o既上網服務都cut埋。
其實本來我就有個上網acc，加多個eye電話佢地仲側側膞駁少條線。
好啦唔理，打上去嘈，明明就係響佢地總部改一改權限seting就得，
又要搵師傅上門搞，又拖到第日。D部門一個二個狂推責任，
搞到火上加油，cut線就咁快手，駁番條線要等一日？！
一日o既捐失真係可大可小，例如果D網上拍賣遲比貨會得到劣評，
可以摧毀賣家辛苦多年建立出黎o既信譽評級，
呢D野佢點賠？賠番一日上網費用可以彌補到？
慶幸o既係，當一切軟件認証失效上唔到網時，
強國軟件PPS可以突破防線照常運作...

7月24日 十號風球
十三年來都未打過十號，呢場風唔寫唔得啦。
果日下晝4點話掛8號D同事已陸續離開公司，
我D工作起碼做到夜晚十點都未解決啦，
諗住個風頂多咪打到夜晚8點，十二點先番屋企啦。
不過公司無人留低，我又唔係渣匙人，
都係走人，就算本野遲出街都係非戰之罪。
點知真係掛到零晨3點，好在番左屋企，
如果唔係又要響公司過到第日...
仲有原來彩虹至觀塘果D架空路軌係會停航，
所以唔好以為地鐵係無敵。

黑子籃球
四月番唯一一套認真追o既動畫就係呢套，
真係好熱血！！(瞳孔有團火爆出黎)
每個敵人都先擺出一副高傲o既屁臉，
然而比瞧不起o既弱隊擊敗後o既表情係一讚。
比較唔慣o既係...黃瀨黃頭髮，綠間綠頭髮，
點解黑子唔係黑頭髮？叫白子仲好啦...
其實個OP1火神大我似會Misdriect多D，
黑子食食下包突然彈出黎...

我係衰在無d肥佬咁厚面皮，個肥佬擺明魚翁撒網，
撒中一個有機可乘，就猛烈攻勢。
每日睇住自己最重要o既野比人侵略，
但又無任何手段去阻止或者做番d野，
棟響度比人不斷打，硬食，好無奈，
霹靂拍啦咁中晒箭，個心拿住拿住！
又要扮無野，今朝仲要發惡夢扎醒，
夢境係睇住我心上人比情敵拉住手，
然後心上人又訓埋響另一個男人身上...
連發夢都比人NTR，完全無mood訓，
一陣仲要面對可能要通宵o既沉重工作壓力。

尖沙咀有首賣活動，零晨12點01分開賣，
買GAME送mouse pad、海報、sound track、T-shirt，
有人朝早去排排2百幾名，
我就好hea咁夜晚十一點幾先去到排...
又排到喎，排到第4百零。
有人買完之後去龍尾放貨，普通版賣貴百幾，
不過真係有人落踏，排幾排佢賺左百幾(唔知佢排左幾耐)

Diablo3如箭在弦，專登買部新電腦黎恭侯。
今次都係買廠機，並唔係唔熟電腦野而係唔想煩。
的確同樣價錢買砌機一定比廠機快，
不過快幾多？相信肉眼分唔出有差別，
即係core i5 2300同i5 2400會分得出邊部快？
砌機o既話要諗揀GTX930定亦或GTX960呢，
粒U好唔好加多少少換個快D o既呢，
心大心細，又唔知兩樣野會唔會唔夾或撞......
係，砌機可以入隻翻版WIN真係慳最多，
不過最核心o既作業系統用老翻我接受唔到囉，
廠機跟正版WIN7，砌機買隻OEM同廠機價又差無幾。
core i7再勁D，不過價錢貴一個double，
我唔信效能上有一個double囉。
除左心理作用，兩部拍埋run同樣野肉眼未必分得出。
我唔追求頂級o既機能，IT野無一步到位，
今日最top o既機9個月後咪又係古懂。
我只知5年後最廢o既機都比5年前最勁o既機快N倍，
而我屋企用緊果部豈止5年，所以衣家求其買部都快9條街。
就響國美電器買左部$5299唔連mon，
不過落住雨搬番屋企，一邊用頸+肩膀夾住把遮，
好在唔係太大雨，個紙箱都無乜濕。
set好機後第一時間試玩下facebook game，
連Flash player都唔洗裝就玩得，係衣家D瀏覽器跟埋丫，
定係廠機跟埋？連玩最疾o既the sims都好順，
新機果然係爽~

物價通脹到好恐怖，一件夏天恤衫賣5舊水，
冬天衫都仲話著到兩三日先洗，造料都厚D，
賣貴D都有佢個價值感。
夏天衫著一日都要洗啦，
相對地夏天衫要買更多去替換，
一件賣5舊感覺係好搵笨。
不過要著就要買，無計，
睇中左一件quick silver o既恤衫，線條好靚，
原價$498呢期賣$348足足平百幾，買得過。
但點解買完佢用ROXY個袋裝住...