一直以黎拎耳機出黎聽之前，
就要先經過一場IQ同EQ o既考驗，
好似玩果D智力金屬扣，
係咁左扭右扭先可以順利解開線團，
前日買左個類似魚骨o既繞線野，
衣家拎耳機出黎唔洗再玩解謎遊戲，
雖然用前用後都仲係要扭一餐，
不過勝在D線唔會打晒kick。

講到血腥遊戲，Mortal Kombat算係表表者，
應該係我第一隻接觸強調暴力表現o既遊戲，
打贏敵人聽到Finish him!然後輸入特定指令，
有唔同花式o既殘酷終結技將對手碎屍萬段，
礙於當年遊戲畫質有限，血腥場面只有滑稽感，
仲有好多惡搞野例如可以對一個人打甩3個頭，
同80後o既朋友講起Finish him!都會笑一餐。
隨住遊戲畫面大躍進，血腥畫面越來越迫真，
再唔係搞笑咁簡單而係你面前湯開個人咁重口味，
差唔多隻隻美式遊戲有血腥元素都係例排菜，
小朋友好易接觸呢D遊戲，都幾影響心智架。
最核突算係連個頭骨都切開，唔好話小朋友，
連我咁大個人睇到都會覺不安同埋精神污染，
可能行下街見到個人幻想到佢比人切開個樣。

--喪屍遊戲掘起--
近年喪屍題材o既作品多到十隻手都數唔晒，
點解？就係比玩家有個合法殺人o既理由，
一般殺人game因道德、電檢問題而有所避忌，
但只要殺o既係喪屍，你想將佢爆頭、腰斬、
亦或將佢切做人棍都附合人道立場(?)

--Ryona--
響日本仲顯生出一種叫Ryona o既獵奇文化，
透過睇遊戲角色被暴力殘虐得到興奮，
(學黃子華話齋香港人都鐘意睇人仆街啦)
響youtube search呢個字眼都會出一堆片，
例如生化危機個Ada比喪屍鋸甩個頭之類，
又或者鐵拳o既Lily比摔角手係咁arm bar，
平時帥氣o既角色有咁o既下場個反差感都幾大，
所以都別有一番風味。

--具特色血腥遊戲--
除左Mortal Kombat外，仲有乜野特色血腥遊戲？
有一隻叫Afro Samurai o既武士動作遊戲，
標榜日本刀果種切豆腐o既快感，最特別之處，
係可以細緻到慢動作調較切割人體o既角度，
所以咩位置都切到好似睇人體奧妙展咁。
另一隻R18G o既日本同人格鬥遊戲Battle Slave，
更加係為Ryona而Ryona，將角色擊倒後會爆衫，
然後就任你魚肉類似Mortal Kombat咁了結對手，
不過相對Afro血腥程度只屬一般。

--只限二次元--
anyway呢D只係二次元角色，都仲接受到，
真係真人o既話會好嘔心，米搞！

個(＊)speck機殼面蓋一直未搣果浸膠紙，
只係前幾日飯聚先搣左佢廢事咁寒酸，
不過個底殼就花晒，花到我接受唔到，
用左短短一個月多D姐都花到咁？
唔知係咪13"機袋裝11"mba走動空間大，
一路行一路磨擦，部13"rmbp殼都唔太花丫，
(不過mba帶1個月次數多過rmbp帶1年 XD)
所以落旺電買左個11"絨布袋黎保護保護殼...
絨布袋98蚊姐，個speck殼差唔多四舊水，
要經常換殼我仲肉赤，都知純透明殼易花，
不過磨沙殼咁肉酸我接受唔到囉 -_-"

之前借完比朋友番黎部D80半按快門無左「必必」聲，
明明menu果度蜂鳴聲係ON，反正遲早都要整，
今日番工前孭埋部機衝上Nikon客服去跟進一下，
櫃檯個小姐好專業，一拎上手就解決左問題，
唔洗拎去維修又慳番筆錢唔洗煩，當堂鬆左口氣，
原來係較左AF-C，蜂鳴聲要響AF-A或AF-S之下先響，
(唔怪得衾住鏡頭蓋都影到相啦我都奇怪，平時影唔到)
真係機能太複雜有時開左咩mode都唔覺，
之前閃燈有問題又係咁，自己唔覺意set左-EV，
原來係無問題又係虛驚一場。

通常睇晒全套先黎寫o既blog多數只係吐糟結局，
所以今次呢套就睇到12話黎寫一下感想先，
之所以睇呢套只係無聊響PPS是但抽一套黎睇，
不過唔睇由自可一睇就一口氣連續睇左7集，
第二日就睇到12集，至今PPS仲未有第13集...
可想而知呢套野其實係相當具吸引力。

--故事簡介及無責任分析--
Golden Time係一套現實愛情劇，劇本寫得好掂，
故事講述男主角多田萬里大學生活o既戀愛，
比佢溝到一個千金大小姐兼美少女加賀香子，
香子理應係女主角，動畫OP同ED都只係得佢，
但睇真D覺得唔對路，琳達學姐似官配多D，
劇情偏向將萬里同琳達醞釀感情，
以第三者身份存在o既琳達又完全唔令人反感，
係一個大方、識照顧人、灑脫兼賢慧o既女生，
反之作為觀眾o既我都對琳達不自覺地中槍，
尤其係佢緊張男主o既眼神咁叫住「萬里！」
而加賀只係造型高貴同靚，係一個叼蠻女，
相比琳達之下其實輸晒，打破傲嬌王道o既定律。
(又證明好相處o既平凡女生更勝任性美女)
而且有邊套愛情片係主角一早就得到另一半？
萬里咁快就同加賀一齊呢種發展係唔尋常，
所以懷疑加賀OP同ED只係蒙混觀眾o既煙幕手段，
相信支持男主同琳達CP o既唔止我一個。

--失憶男主角--
另一個特色就係男主曾因意外失憶，
佢o既記憶係以靈魂身份存在o既表達方式，
科學D黎講呢個靈魂應該算係潛意識，
以呢個角度去做旁白，又幾特別，
亦令觀眾期待呢個靈魂幾時重返軀體(恢復記憶)
失憶前後o既萬里性格上無乜差異比較意外，
通常失憶前後唔係弱智變帥哥就壞人變好人嘛。

--人性刻劃講究--
角色o既表現相當符合情理(唔代表做法正確)
有部份我心裡會選擇o既行動亦響套野反映出黎，
所以不得不讚呢套野對人性o既刻劃相當有功力。