之前想搵公司用開o既MHeiHK字體，
全個fonts資料夾都抄落黎都搵唔到，
入埋字體簿都搵唔到，明明安裝左架，
之後響indesign用封裝查番條link，
原來收埋響Library入面，就係睇漏呢度，
但字體簿入面無就真係不解之謎。
不過部macbook終於裝到呢個字體啦~
呢隻內文字體有兩大好處，
第一，要轉粗幼都可以響隔離簡，
第二，支援好多香港字連粗口都有，
遲D將跟開o既版芯全轉晒呢隻字體先。
 

一向都有響屋企著襪o既習慣，因為舒服，
不過有分屋企襪同出街襪，出街襪通常唔舒服o既，
純粹粗用，以前無分出街襪，會著舒服襪出街，
相信出街鞋同襪o既磨擦量比屋企拖鞋高好多，
增加穿隆o既可能性，亦係咁幾對舒服襪穿左隆，
救都救唔番。

舒服襪都係綿質、透氣度高同埋有彈性，
差o既襪唔止唔舒服咁簡單，直情係又焗又緊！
但舒服襪可遇不可求，就算搵到同款花紋o既襪，
質料都可以唔同，著上去完全唔係果回事，
就算買90蚊對o既貴價襪都唔夠舒服，
但街賣D襪好多都包住，摸唔出舒唔舒服，
要撞手神，近幾年來都未買到可以取代o既舒服襪。
 

同一個響大學修心理系o既同事傾開，
問到心理學認唔認同相由心生呢個理論？
佢話掉番轉係心由相生，一個女仔外表好斯文，
就算佢內心好粗暴，當佢一講粗口，
身邊o既人就會覺得有遺和感，
從而有意或無意地迫使果個女仔要斯文，
久而久之響呢種無形o既壓力驅使女仔變斯文。
大家又點睇？
 

蘋果D macbook一年都出一代，外觀上未必有分別，
但性能上總會有提升，好似今年o既macbook air咁，
比上年多左硬盤可以215Gb起，巡例性能上快左，
賣點係電量聲稱可用13個鐘，衾蓋一個月都仲有電等，
(經我測試衾蓋幾日就開唔到機要叉電先比我開機...)
macbook pro已經加入左retina，所以唔難推測，
下一代air應該都會加埋retina，其實最須要retina o既，
係11" air，較大螢幕像素D字細D都睇得有D辛苦，
大mon根本唔洗retina，D人同大mon都保持一定距離，
除非佢隻眼進化到變種特工咁，如果唔係拍埋都分唔出。
亦無人會洪埋個大mon度睇pixel。
不過轉得retina對圖像處理o既要求亦相對高左4倍，
變相拖慢部機，就算規格勁左亦未必彌補到呢個負荷，
或者機能要快4倍，咁都係無快過同上一代打番個和，
而且轉得retina亦好大機會貴左。
 

一直都覺得觀塘應該要更多食市去舒援食客，
今日東廣場開左間MOS BURGER(拍手掌)
即刻試下，點個脆雞漢堡同埋摩斯雞塊加可樂，
哇，要41蚊，足足可以響麥記食兩個魚柳包餐，
不過價錢唔係問題，貴d少人食多d位坐都唔係壞事，
比完錢就拎牌仔埋位等，響麥記或KFC，
呢d牌仔通常都係咁o岩樣野賣晒要再煮先用到，
但MOS就你買乜野都係要拎個牌仔等，
而且都等幾耐下，作為快餐店黎講係唔合格。
等緊時見店員招呼客人講日文「今晚は」
一間美式餐店講日文？好有違和感，
睇番張招紙先知原來係日本開o既，
仲解MOS係指Mountain、Ocean、Sun咁解 @@
味道方面，幾好食啦，最重要係有新鮮感，
摩斯雞塊其實係類似麥樂雞o既野，不過得4舊，
份量方面41蚊同食M記魚柳包餐o既飽食度差唔多，
仲有支援八達通付款(望正對面間吉野家搖搖頭...)