今年個農歷年假都係由初一到初四放四日，
不過其中兩日係夾住響星期六日，
變相即係真正放o既得兩日假，仲唔搵笨？
大佬，夾一日都無咁蝕丫！佢係夾正兩日！
呢年算係最差勁o既放法，好心佢補假啦！
睇番上年blog係連放6日，請1日星期五，
可以一條龍連放9日添呀，咁先似假期丫嘛，
一年得一次大假炸，唔係得兩日咁小呀fa？
平時做得咁辛苦都係等呢個假o既來臨炸！
聽講D印廠放到十號先番工，無天理呀！
所以本雜誌咪要趕頭趕命囉，佢地就咁爽，
做印廠呢D機械式工作又唔洗扭橋諗野，
憑乜放假仲放得多過我地做出版社o既？
不過算啦又無拖拍放咁長都無乜特別野做。

食開呢隻味應該無十年都有八年掛？
不過最近呢隻款o既麵已經絕版，
取而代之係一系列新辣味仲賣埋廣告，
叫咩pirikara，但包裝係無出現過呢句。
咖喱、麻油、豬骨湯總之乜野都有辣版，
暫時試過麻油味o既辣版，
應該就係以前食開果隻香辣味。

講開又講前日又出現搶出前一丁潮，
內地人大批掃貨搞到香港一度斷市，
聽講係因為大陸D出前一丁差一截，
D麵無咁彈、湯底淡、蠟含量較高，
不過真係要識享受就緊係掃日版啦，
唔明做乜掃港版，港版咪又差過日版。

農歷新年D印廠唔開工，要趕響印廠放假前掟file，
唔係o既話印廠初四啟市最快要初六先見街。
好多周刊選擇農歷年果個禮拜休刊一期，
but我跟果本係月刊，停一期即係停一個月，
無可能，要頂硬上，禮拜一到三都做到尾班車先走，
禮拜四同五都做到零晨三四點收工答的士...
公司話要準時見街就要27號下晝兩點起貨，
但編輯話有份大稿要26號零晨4點先入到，
仲未計第一校，mission impossible！！！

係時候做番個統計，記錄一下彈到D咩歌啦：
愛的浪漫史、天空之城、回到過去、
寒蟬you、pandora heart lacie、
小圓插曲siu puella magica、孖寶兄弟、
素敵、we wish sure mary xmas

有得亦有失，有D歌曾經彈到但衣家彈唔番，
當然指o既彈唔番只係唔睇譜彈果隻，
睇番譜o既話再練下都可以彈得番：
甩蔥歌、刺客黃昏、那些年、Aimo
狼與香辛料op、不能說的秘密


 

乜野飯都好落得咖喱汁好難唔好食，
不過麥多勞就打破左呢個說法，
今日飢寒交迫咁零晨12點放工，
諗住落麥記整個魚柳包餐定麥樂雞餐，
見佢好似有新飯(之前得版燒雞同牛)
咁就試下啦，無諗過佢可以整到咁難食，
D飯起晒蕉，唔係間中一兩舊係好多，
D飯係混左粟米粒，以其有心去加工，
不如煮好D飯啦，乜野爛鬼電飯煲黎架？
D咖喱汁酸酸地唔知想點，似點麥樂雞果D，
唔好話比我知真係點麥樂雞D醬倒落去，
塊吉列豬算係全盒飯最正常o既野...
跟杯可樂無薯條無其他野咁就30蚊。
或者麥記個市場部定CEO有惻隱之心，
放茶記一條生路，如果麥記都做埋正常飯，
茶記仲洗做生意？不過呢個程度o既飯，
拍馬都比唔上KFC果D雞皇飯啦。