平時答車聽緊歌落車果下好唔方便，
通常要收線唔係好易kick甩個耳機，
本來諗過買monster beat solo藍芽版，
的確論外型無乜邊款好過beat solo，
可能亦因為咁呢個品牌最多冒牌貨，
帶緊正版都可能比人覺得係山寨野，
(幾百蚊果d驟眼已經睇唔出堅定流野)
而另一隻好耐之前睇o岩心水o既，
就係Jabra Revo，外型唔差過solo，
尋日諗住拎左1月份糧就即刻拍版，
點知由希慎apple shop搵到落hmv，
行雲銅鑼灣各大豐澤百老匯都搵唔到，
真係有錢都買唔到，食完飯再落旺角，
落到星際廣場見有廚窗display啦，
不過年三十晚居然收左爐初五啟市...
心諗算啦最快都要過完年先買到，
居然又響行人專區百老匯見到有賣，
仲有白色同黑色，白色真係仲靚，
但之前用白色solo好快變黃仲有蹟，
隻Revo仲係雅面唔係拎面，米搞，
(而且白Revo個邊位仲少左個裝飾圈)
所以都係買黑版，用左$2399，
又打破左我個人最貴耳機紀錄。
 

當時我係面向天花版咁訓，就快入睡前，
突然右邊耳邊傳來好似鼻塞o既怪響聲，
心諗係咪自己鼻塞D聲嚇到自己，
用力索一下鼻，好乾無鼻水丫，
可能只係半夢半醒o既幻聽啦，繼續訓，
點知隔一陣又出現多一次呢種響聲，
好清晰，好明確係右邊唔係左邊，
間房只係得我一個，百思不得奇解，
新年流流(年30)唔係整D咁o既怪野呀fa？
安已不，難以入睡，行出去食個壽司，
再訓過，之後就應該無再有明顯怪聲啦。
以前都試過訓訓下聽到一下撕紙聲醒左，
隔離屋撕紙都無理由咁響傳到黎我屋呀？
當時仲要間屋得我一個。

原來公司發左email通知聽日唔洗番工，
我都係今日先知，雖然之前Henry都有提過，
我以為個提早收爐係指早兩三個鐘放工炸。
早一日放算係蝕左兩日假期o既小小補償啦，
又做小一日冗員，不過今日一D都唔冗架，
將上期轉MagV版，轉今期pdf preview比大陸，
(大陸某雜誌會收購我地雜誌部份內容)
又整今期fb banner，影埋手電叢D開版相，
估唔到尋日中午先掟file今日就印起左，超快！
可惜印起都無用發行果邊未得都係4號出街，
發現電影果版唔知邊度出錯D圖文移晒位，
設計得咁靚咁就前功盡廢，極度痛心疾首！
除左封面同廣告全本書都係我砌，
仲諗住拎黎做protfolio，就係爭呢版啦！
不過算啦，呢期42期個期號唔吉利唔鐘意...
講開又講，轉pdf preview比大陸果陣，
原先轉左個有呢個錯處o既版本放上去，
之後諗住轉番個無呢個錯處o既版本，
但del唔到有錯個版本(話使用中)最神奇係，
將舊版改第2個名再放新ver改番舊版個名，
開番居然仲係有錯果個版本，痴線！

經過連日來趕稿，總算搞掂第42期！
星期日由下晝兩點做到零晨4點幾，
一路砌一路搵電台節目重溫黎聽，
大家真風騷、把妹達人、Gimme5、
開心快活人(未聽晒)、獅子山下等，
訓前將有入稿o既檔全部砌晒，
一口氣清左19頁！仲要保持美工水準，
算快啦掛？其實星期六走去休息無做過，
如果星期六做緊D，星期日唔洗扯咁衡 XD
星期一就淨番兩頁緊版同埋6頁大稿，
到下晝主辦單位先肯比發相個編輯，
所以之前話星期日零晨4點入稿係假o既。
校對print out到11點半先掟晒過印廠，
印廠就收左工話星期二朝早先跟進，
今朝我10點半就番到公司執埋D手尾，
12點幾先搞掂，然後進入冗員mode，
如無意外應該冗到過完年... XD
 

見同事超都整左部15"macbook pro retina，
唔講唔覺原來我地公司都幾多人用macbook喎，
N神用11"macbook air，des文用13"macbook air，
我就用13"macbook pro retina同11"macbook air，
不過我做design用mac系統就好正常啦，
des文做影音好多軟件得mac版用mac都合理，
估唔到同事超同N神都用macbook，
同事超仲要唔用公司機(嫌慢掛？)一直用私伙機，
之前都用私伙notebook，衣家仲轉macbook pro，
佢部野比我地art team d imac仲勁添 XD
真係幾癲，諗起以前GZ都有同事用私伙大mon。