試Jabra耳機本來想揀套動作西片，呢類片多fee fee fung fung聲，
懶係震撼果D呢，用黎試音響應該一流，可惜平時無買開blueray，
烚時間要搵套西片唔易，上youtube睇下見到呢套標明高清o既武俠，
有宇宙最強喎，就呢套啦，衣家youtube幾好喎有戲睇仲要1080P。
套野一開頭係幾悶下，講甄子舟唔識功夫，只係打爛仔交咁亂打，
之前睇過套新宿事件成龍就真係由頭到尾o既打戲都無用過功夫，
睇成龍D片無功夫洗乜搵成龍拍呀？求其搵個亞叔拍都得啦！
呢套武俠唔係又係咁呀fa？講番套戲先，話說有賊入屋打劫，
舟爺盲拳打死老師傅咁搞掂左D賊，然後黎個金城武探員驗屍，
驗完話D賊係武林高手，能夠打死佢地o既只有世外高人，
而呢D高人都係十惡不赦o既匪犯，所以金探員誓要將佢捉拿歸案。
由於金城武響呢套戲個款傻更更咁，好易令觀眾覺得只係佢諗多左，
個煩膠一直咬住舟爺唔放，正睇到納悶時先真正揭發舟爺堅係高人，
舟爺真正身份係惡勢力72地煞o既大少爺，原來金探員唔係膠架，
舟爺慾從良離家出走隱居僻壤點知比人報寸，72地煞就去洗劫呢條村，
呢度到尾節奏都快好多，亦有武打視覺響受，唔似開頭咁睇到恰著，
到最尾打大佬，係72地煞堂主(亦係佢老豆)，哇呢條友開晒老金，
連宇宙最強都唔係佢對手，刀槍不入點打呀？最尾係行雷電瓜佢，
唔係咁套戲唔洗完場，呢度雷劈得妙呀，咁樣舟爺免做殺父不孝子，
保持好人形像，臨尾金探員都係要領便當，其實劇本唔整死佢，
都唔太影響個故事姐？(都完啦)點解整死佢？意味住無人再煩舟爺？
呢種主角唔能夠靠實力贏到大佬o既梗又令我諗起劍心o既志志雄，
個作者諗唔到用乜方法比主角贏就加一D意外條件整死個大佬 XD
 

帶左半日con，盡情感受無眼鏡又有正常視力o既感覺，
半日試唔到咁多，但都腦補帶隱形眼鏡有咁多優點：
1.落毛毛雨唔開遮唔怕一鏡水點越抺越蒙
2.帶罩耳式耳機唔會夾住眼鏡臂un到痛晒
3.踩單車都唔洗做單手托眼鏡o既高難度動作
4.睇3D電影唔洗帶兩副眼鏡(以前係問題衣家應該無)
5.可以cosplay唔帶眼鏡o既角色仍保持視力清晰
6.夏天響冷氣巴士落車唔洗一鏡蒸氣抺極都有
7.跑步做運動唔洗比汗水搞到眼鏡下滑係咁托
不過雙眼現紅筋，落街買眼藥水，V諾敦要48蚊，
寫住開封後1個月勿用，唔係掛？真係預你日日滴？
唔係一個月邊滴得晒？(我十年都唔滴一次眼藥水)
到沖涼前懷住依依不捨o既心情要將con拆卸，
之前睇youtube教學教押住鏡片隻眼向左右望就推甩，
試極都試唔到，結果都係用夾o既方法夾出黎...
除o既感覺雖然牙煙但除晒兩邊都應該唔洗5分鐘。

經過不斷重覆嘗試，突然右眼帶到，
帶左上去完全係仿如無物feel唔到有鏡片，
掌握左竅門後另一邊亦響半粒鐘內帶埋，
不過左眼呢邊一開始有D吉吉地，
經過多次合埋眼後就無左呢種吉吉feel，
對上一次成功帶隱形眼鏡係中學時期，
所以呢份唔帶任何野有清晰視力o既喜悅，
突然好似重獲新生咁o既感覺都係好新鮮。
開頭仲以為用晒成盒(30片)都帶唔到，
衣家都只係用左8片姐，仲有22片可以用，
原來配帶o既竅門係要望到塊鏡好近，
同埋一定要對正瞳孔(黑色位)擺上去，
唔係o既話點都食唔到塊鏡，
呢一刻都仲係帶住隱形眼鏡打呢篇野，
擔心緊另一個問題，就係點除... XD
 

我地出版社老細仲有其他公司，痴埋兩層單位，
今日就響pantry搞左個4間公司聯合盤菜春茗，
由於其餘3間公司都初八啟市，所以先今日搞。
唔知響邊度班左幾張圓檯放響pantry，
每檯都一個爐滾住盤野食，可惜賣相好唔吸引，
好似d腐爛左o既野撈埋一盤咁，黑蚊蚊，
本來我因為手臂有濕疹戒左食蝦一排，
但搵雲全盤野最似擺得落口o既野只有大蝦，
呢D場合點都要食小小應酬大局，迫住破戒，
夾左兩舊大蝦用口搣殼咬，之後先放番D菜，
多樣似樣D o既野食，我地果盤野好似無旭過，
反而另一檯好似唔多夠食，就同佢地換盤...
慶幸地今次居然無搞乜野抽獎遊戲，太好啦！
最憎呢D活動，抽中膠獎或懲罰野就超掃興。

呢首係とある超電磁砲S主題曲中文翻唱，
https://www.youtube.com/watch?v=evEXrpyd6VI
如果唔係唱普通話你話係fripside識中文我都信，
再搵番原裝日文版聽番，聲線真係100%無分別！
好想知道日本人或者原唱聽到呢個版本後有乜感想，
睇番D字幕係簡體字，相信係國內o既二次創作，
再查一下唱果位祈Inory(好易聯想到罪冠女主楪祈)
好奇想聽佢其他作品，發現佢真人超靚女，
仲有唱日文歌、登台表演o既片，有唔少粉絲，
而且有祈公主o既稱號，真係超屈機o既女神級！
其實大陸都出過唔少呢D女神級o既網絡歌手，
例如有唱未聞花名及唔少動漫歌粤語版o既三色堇，
3個都人靚聲甜，不過相比祈公主又差一個層次。
雖然一向唔太認同大陸文化，但睇過呢D女神、
自問我地本土都搵唔到呢種級數o既歌手，
老實講大陸13億人口，文明o既地方比香港更先進，
(連monster hunter都超華麗日本人都無得玩)
只係落後o既地方比落後國家更慘。